ಒಂಟಿ ಸನ್ಯಾಸಿ ಇಲ್ಲಡ್ ಲಕ್ಷರ್ದ್ ಎಚ್ಚ ರೂ. ಕಾಸ್

ಚಿತ್ರದುರ್ಗ ಜಿಲ್ಲೆದ ಹೊಳಲ್ಕೆರೆಡ್ ಸನ್ಯಾಸಿಯಾದ್ ಒಂಟಿ ಜೀವನ ನಡಪಾವೊಂದು ಇತ್ತಿನ ಗಂಗಾಧರ ಶಾಸ್ತ್ರಿ ಕೋಡೆ ತೀರ್ ಪೋಯೆರ್. ಮೆರೆನ ಇಲ್ಲಲ್ ಲಕ್ಷರ್ದ್ ಎಚ್ಚ ಕಾಸ್ ಪತ್ತೆ ಆತ್ಂಡ್.

ಶಾಸ್ತ್ರಿಲೆನ ಪುದರ್ ಡ್ 16 ಎಕರೆ ಜಮೀನ್ ಬೊಕ್ಕ 4 ಎಕರೆ ತಾರಾಯಿದ ತೋಟ ಉಂಡು. ಮೆರೆನ ಅಕೇರಿದ ಕ್ರಿಯೆ ಆಯಿ ಬೊಕ್ಕ ಮೇರ್ ವಾಸ ಇತ್ತಿನ ಇಲ್ಲ್ ನ್ ಕೈತಲ್ ದಕುಲು ಸ್ವಚ್ಛ ಮಲ್ಪುನಗ ಸುಮಾರ್ 30 ಲಕ್ಷ ರೂ. ದಾತ್ ನಗದು ತಿಕ್ ದ್ಂಡ್. ಭಕ್ತೆರ್ ಕೊರ್ನ‌ ಕಾಣಿಕೆಲ ನೆಟ್ಟ್ ಸೇರ್ದ್ಂಡ್.

70 ವರ್ಷ ಪ್ರಾಯ ಆಯಿನ‌ ಶಾಸ್ತ್ರಿ ಎಲ್ಯ ಎಲ್ಯ ಪ್ಲಾಸ್ಟಿಕ್ ಬೊಕ್ಕ ಕುಂಟುದ ಚೀಲಡ್ ಕಾಸ್ ನ್ ಕಟ್ಟ್ ದ್ ದೀದಿತ್ತೆರ್.‌ ಆಂಡ ಮೇರ್ ಅತ್ ಕಾಸ್ ನ್ ದಾಯೆಗ್ ದೀವೊಂದು ಇತ್ತೆರ್ ಪನ್ಪುನವೇ ನಿಗೂಢ ಆತ್ಂಡ್.