Have not resigned from the post of state president of BJP- Nalin Kumar Kateel clarifies ರಾಜೀನಾಮೆ ಕೊರ್ತಿಜಿ: ನಳಿನ್‌ ಕುಮಾರ್‌ ಕಟೀಲ್

ಬಿಜೆಪಿ ಪಕ್ಷದ ರಾಜ್ಯಾಧ್ಯಕ್ಷೆರೆ ತಾನಗ್ ರಾಜೀನಾಮೆ ಕೊರ್ತಿಜಿ. ಈ ಬಗ್ಗೆ ಮಾಧ್ಯಮಡ್ ಬರೊಂದು ಇಪ್ಪುನ ಮಾಹಿತಿ ಸತ್ಯಗ್ ದೂರವಾಯಿನವು ಪಂದ್ ಬಿಜೆಪಿ ರಾಜ್ಯಾಧ್ಯಕ್ಷೆರ್, ಸಂಸದೆರ್ ನಳಿನ್‍ಕುಮಾರ್ ಕಟೀಲ್ ಮೇರ್ ತೆರಿಪಾದೆರ್.

ಇನಿ ಪತ್ರಿಕಾ ಹೇಳಿಕೆ ಕೊರಿನ ಮೇರ್, ಬಳ್ಳಾರಿಡ್ ವಿ. ಸೋಮಣ್ಣ ರಾಜ್ಯಾಧ್ಯಕ್ಷೆರೆ ತಾನದ ಆಕಾಂಕ್ಷೆನ್ ಪ್ರಕಟ ಮಲ್ತಿನ ಬಗೆಟ್ ಮಾಧ್ಯಮದಕ್ಲೆನ ಪ್ರಶ್ನೆಗ್ ಉತ್ತರಿಸಾಯಿನ ಪೊರ್ತುಡು ಪಕ್ಷ ಸೋತಿನೆತ್ತ ನೈತಿಕ ಹೊಣೆ ಒತ್ತೊನುವೆ, ಸೋಲುದ ಕಾರಣದ ಬಗೆಟ್ ಪಕ್ಷದ ಹಿರಿಯೆರೆಗ್ ಪೊಲಬು ಕೊರ್ತೆ. 4 ವರ್ಷೊದಿಂಚ ಯಾನ್ ಅಧ್ಯಕ್ಷೆರೆ ತಾನಡ್ ಉಲ್ಲೆ ಪಂದ್ ಪಂಡೆರ್.

ಪಕ್ಷದ ರಾಜ್ಯಾಧ್ಯಕ್ಷೆರೆನ ನೇಮಕ ಬಗೆಟ್ ಪಕ್ಷ ಸರಿಯಾಯಿನ ಪೊರ್ತುಡು ಸರಿಯಾಯಿನ ನಿರ್ಧಾರ ದೆತೊನಿಯೆರೆ ಉಂಡು ಪಂದ್ ಪಂಡೆರ್. ಪಕ್ಷದ ರಾಜ್ಯಾಧ್ಯಕ್ಷೆರೆ ತಾನಗ್ ರಾಜೀನಾಮೆ ಕೊರ್ತೆ ಪಂದ್ ಯಾನ್ ಪಂತಿಜಿ. ಎನ್ನ ಹೇಳಿಕೆನ್ ತಪ್ಪಾದ್ ಅರ್ಥ ಮಲ್ತ್ ದ್ ಮಾಧ್ಯಮದಕುಲು ಸುದ್ದಿ ಮಲ್ತೊಂದುಲ್ಲೆರ್ ಪಂದ್ ಪಂಡೆರ್.