ಕುಡ್ಲ: ಶಾಪಿಂಗ್ಗ್ ಪೋದು ಬರ್ಪೆ ಪಂದ್ ಇಲ್ಲ್ ರ್ದ್ ಪೋಯಿನ ಪೊಣ್ಣು ನಾಪತ್ತೆ ಆಯಿನ ಘಟನೆ ಸುರತ್ಕಲ್ ಮುಕ್ಕ ಕೈತಲ್ ದ ಮಿತ್ರಪಟ್ನಡ್ ನಡತ್ಂಡ್.
ನಾಪತ್ತೆ ಆಯಿನ ಪೊಣ್ಣು ಮಾತೃಛಾಯಾ ನಿವಾಸಿ ಸಂತೋಷ್ ಬೊಕ್ಕ ರೇಖಾ ದಂಪತಿಲೆನ ಮಗಲ್ ಸ್ಫೂರ್ತಿ (17) ಪಂದ್ ತೆರಿದ್ ಬೈದ್ಂಡ್. ಈ ಬಗೆಟ್ ರೇಖಾ ಮೇರ್ ಸುರತ್ಕಲ್ ಪೊಲೀಸ್ ಠಾಣೆಡ್ ದೂರು ಕೊರ್ತೆರ್.
ನಾಪತ್ತೆ ಆಯಿನ ಸ್ಫೂರ್ತಿ 5 ಅಡಿ ಎತ್ತರ, ಎಣ್ಣೆ ಕಪ್ಪು ಮೈ ಬಣ್ಣ, ಸಾಧಾರಣ ಶರೀರದಾರ್. ಕನ್ನಡ, ತುಳು ಭಾಷೆ ಪಾತೆರುವೆರ್. ಮೇರ್ ನಾಪತ್ತೆ ಆಯಿನ ದಿನ ಬೊಲ್ದು ಬಣ್ಣದ ಟಿ ಶರ್ಟ್, ಕಪ್ಪು ಬಣ್ಣದ ಜೀನ್ಸ್ ಪ್ಯಾಂಟ್ ಪಾಡ್ದಿತ್ತೆರ್. ನಾಲಿಡ್ ಬಂಗಾರ್ ಮಾಲೆ ಬೊಕ್ಕ ಎಲ್ಯ ತಾಯತ ಇತ್ಂಡ್.
ಮೇರ್ ಪತ್ತೆ ಆಂಡ ಸುರತ್ಕಲ್ ಪೊಲೀಸ್ ಠಾಣೆದ ದೂರವಾಣಿ ಸಂಖ್ಯೆ 0824-2220540, 9480805360, 9480802345 ಅತ್ತಂಡ ಕುಡ್ಲ ಪೇಂಟೆದ ಕಂಟ್ರೋಲ್ ರೂಮ್ 0824 2220800 ಗ್ ಸಂಪರ್ಕ ಮಲ್ಪೊಡು ಪಂದ್ ಸುರತ್ಕಲ್ ಪೊಲೀಸ್ ಠಾಣೆದ ಪ್ರಕಟಣೆ ತೆರಿಪಾದ್ಂಡ್.
pallavi shetty