ಕುಡ್ಲ: ಗೃಹ ಸಚಿವೆರ್ ಡಾ.ಪರಮೇಶ್ವರ್ ಮೇರ್ ಇನಿರ್ದ್ 2 ದಿನ ದ.ಕ ಬೊಕ್ಕ ಒಡಿಪು ಜಿಲ್ಲಾ ಪ್ರವಾಸ ಮಲ್ಪರೆ ಇತ್ತ್‌ದ್, ಈ ನಿಲೆಟ್ ಕುಡ್ಲದ ಐಜಿಪಿ ಕಚೇರಿಗ್ ಬತ್ತ್‌ದ್ ಪೊಲೀಸೆರೆರ್ದ್ ಗೌರವ ರಕ್ಷೆ ಸ್ವೀಕಾರ ಮಲ್ತೆರ್.
ಗೃಹ ಸಚಿವೆರ್ ಆಯಿಬೊಕ್ಕ ಡಾ.ಜಿ.ಪರಮೇಶ್ವರ್ ಸುರುತ್ತ ಸರ್ತಿ ತುಳುನಾಡ್‌ಗ್ ಬತ್ತ್‌ದಿತ್ತ್‌ದ್, ಎಡಿಜಿಪಿ ಅಲೋಕ್ ಕುಮಾರ್, ಐಜಿಪಿ ಚಂದ್ರಗುಪ್ತ, ಕಮಿಷನರ್ ಕುಲದೀಪ್ ಜೈನ್ ಸೇರ್ದ್ ಹಿರಿಯ ಪೊಲೀಸ್ ಅಧಿಕಾರಿಲು ಅರೆನ್ ಎದ್ಕೊನಿಯೆರ್. ಈ ಪೊರ್ತುಡು ದ.ಕ ಎಸ್ಪಿ ರಿಷ್ಯಂತ್, ಒಡಿಪು ಎಸ್ಪಿ ಅಕ್ಷಯ್, ಉ.ಕ ಎಸ್ಪಿ ವಿಷ್ಣುವರ್ಧನ್, ಚಿಕ್ಕಮಗಳೂರು ಎಸ್ಪಿ ಉಮಾ ಪ್ರಶಾಂತ್ ಇತ್ತೆರ್. ನನ ಕೆಲ ಪೊರ್ತುಡೇ ಪಶ್ಚಿಮ ವಲಯ ಪೊಲೀಸ್ ಅಧಿಕಾರಿಲೆನ ಒಟ್ಟುಗು ಗೃಹ ಸಚಿವೆರ್ ಸಭೆ ಮಲ್ಪರೆ ಉಲ್ಲೆರ್.
Editorial