Doctor commits suicide unable to bear the demise of his sister!! ಮೆಗ್ದಿನ ಸಾವುದ ಬೇನೆಡ್ ಬಲ್ಲ್ ಪಾಡೊಂದು ತೀರ್ ಪೋಯಿನ ಡಾಕ್ಟರ್!

ಮಂಡ್ಯ: ಡಾಕ್ಟರ್ ಒರಿ ಮೆಗ್ದಿನ ಸಾವುದ ಬೇನೆಡ್ ಬಲ್ಲ್ ದೆತ್ತೊಂದು ತೀರ್ ಪೋಯಿನ ಘಟನೆ ಮಂಡ್ಯ ಜಿಲ್ಲೆದ ಮದ್ದೂರು ತಾಲೂಕ್ ದ ಕುದುರುಗುಂಡಿ ಗ್ರಾಮಡ್ ನಡತ್ಂಡ್.

ಡಾ.ವೇಣುಗೋಪಾಲ್ (58) ತೀರ್ ಪೋಯಿನಾರ್ ಪಂದ್ ತೆರಿದ್ ಬೈದ್ಂಡ್. ವೃತ್ತಿಡ್ ಮೇರ್ ವೈದ್ಯೆರಾದಿತ್ತೆರ್. ಕರಿನ 1 ವರ್ಷದ ಪಿರವು ತಿಗಲೆ ಬೇನೆರ್ದ್ ಮೆಗ್ದಿ ಗಾಯತ್ರಿ ತೀರ್ ಪೋದಿತ್ತೆರ್. 3 ದಿನತ್ತ ಪಿರವು ಗಾಯತ್ರಿನ ಸುರುತ್ತ ವರ್ಷದ ತಿಥಿ ಕಾರ್ಯ ಮಲ್ದೆರ್. ಆ ದಿನ ಮೆಗ್ದಿನ ಸಮಾಧಿದ ಕೈತಲ್ ಕುಲ್ಲುದು ಡಾ.ವೇಣುಗೋಪಾಲ್ ಬುಲಿತ್ತೊಂದಿತ್ತೆರ್ ಪಂದ್ ತೆರಿದ್ ಬೈದ್ಂಡ್.

ಗುರುವಾರ ಬಯ್ಯಗ್ ಕುದುರುಗುಂಡಿದ ಮೆಗ್ದಿನ ಇಲ್ಲಗ್ ಪೋಯಿನ ವೇಣುಗೋಪಾಲ್ ಬೊಕ್ಕ ಮೈಸೂರ್ ಗ್ ಪೋಪೆ ಪಂದ್ ಕಂಡಗ್ ಪೋದು ಬಲ್ಲ್ ಪಾಡೊಂದು ಸೈದೆರ್. ಈ ಬಗೆಟ್ ಮದ್ದೂರು ಪೊಲೀಸ್ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.