ಮೂಡಂಬೈಲು: ಮೂಡಂಬೈಲ್ ಶಾಲೆಡ್ 2023-24ನೇ ಶೈಕ್ಷಣಿಕ ವರ್ಷದ ಶಾಲಾ ಪ್ರವೇಶ ಉಚ್ಚಯ ಬೇತೆ ಬೇತೆ ಲೇಸ್ ದೊಟ್ಟಿಗೆ ನಡತ್ಂಡ್.
ಮಿಾಂಜ ಪಂಚಾಯತ್ ಉಪಾಧ್ಯಕ್ಷೆರ್ ಜಯರಾಮ ಬಲ್ಲಂಗುಡೇಲು ತುಡರ್ ಅರ್ಲಾದ್ ಲೇಸ್ ದ ಉದಿಪನ ಮಲ್ತೆರ್. ಬೆಜ್ಜ ರಾಮಚಂದ್ರ ವೇದಿಕೆ ವತಿರ್ದ್ ಉದ್ಯಮಿ ಮೋಹನ್ ಹೆಗ್ಡೆ ಬೊಂಬೈ ಮೇರ್ ಪ್ರತೀ ವರ್ಷದಲೆಕ್ಕನೇ ಈ ವರ್ಷಲ ಒಂಜಿನೇ ಕ್ಲಾಸ್ ದ ಕಲ್ಪಾರ್ಥಿಲೆಗ್ ಕಲ್ಪುನ ಸೊತ್ತುಲೆನ್ ಕೊರ್ದು ಅಭಿನಂದನೆ ಮಲ್ತೆರ್. ಬೊಕ್ಕ ಮಜಿಬೈಲ್ ಸರ್ವಿಸ್ ಕೋಆಪರೇಟಿವ್ ಬ್ಯಾಂಕ್ ದಕುಲು ಶಾಲೆದ ಪ್ರಾಥಮಿಕ ಜೋಕುಲೆಗ್ ಧರ್ಮಾರ್ಥ ಶಾಲೆದ ಬ್ಯಾಗ್ ಲೆನ್ ಪಟ್ಟಿಯೆರ್.
ಈ ಲೇಸ್ ದ ಸುರುಕ್ಕು ಬೆಂಗಳೂರುಡು ಮಾನ್ಯ ಮುಖ್ಯಮಂತ್ರಿಲು ಉದಿಪನ ಮಲ್ತ್ ದ್ ರಾಜ್ಯಮಟ್ಟಡ್ ನಡತಿನ ಶಾಲಾ ಪ್ರವೇಶ ಉಚ್ಚಯನ್ ಪರದೆಡ್ ತೂಪಾಯೆರ್.
ಈ ಪೊರ್ತುಡು ಶಾಲೆದ ಪಿ.ಟಿ.ಎ ಅಧ್ಯಕ್ಷೆರ್ ಭರತ್ ಕುಮಾರ್, ಎಂ.ಪಿ.ಟಿ.ಎ. ಅಧ್ಯಕ್ಷೆರ್ ಬೀಫಾತಿಮ, ರಮೇಶ್ ಸುವರ್ಣ, ಐರಿನ್ ಜೋಸ್ಪಿನ್, ಜಗದೀಶ್ ಮೂಡಂಬೈಲು ಇತ್ತೆರ್. ಶಾಲೆದ ಮುಖ್ಯೋಪಾಧ್ಯಾಯೆರಾಯಿನ ಜಾರ್ಜ್ ಕಾಸ್ತ ಸರ್ ಎದ್ಕೊನಿಯೆರ್. ಮೋಹಿನಿ ಟೀಚರ್ ಸೊಲ್ಮೆ ಸಂದಾಯೆರ್. ದಯಾವತಿ ಟೀಚರ್ ಲೇಸ್ ದ ಸುಧಾರಿಕೆ ಮಲ್ತೆರ್.
Editorial