ಕೆನರಾ ಕಲ್ಚರಲ್ ಅಕಾಡೆಮಿ ಬೊಕ್ಕ ಕಲಾಭಿ ಥಿಯೇಟರ್ ನೆತ್ತ ಒಟ್ಟುಸೇರಿಗೆಡ್ ಏ.16 ಕ್ಕ್ ಸುರು ಆಯಿನ “ಅರಳು 2023” ಪನ್ಪುನ 10 ದಿನತ್ತ ವೃತ್ತಿಪರ ರಂಗಭೂಮಿ ಕಜ್ಜಕೊಟ್ಯದ ಅಕೇರಿದ ದಿನ ಏ.26 ಕ್ಕ್ ಕೆನರಾ ಪದವಿಪೂರ್ವ ಕಾಲೇಜ್ ದ ಬಯಲು ರಂಗಮಂದಿರಡ್ “ಅರಳು ನಾಟಕ ಉಚ್ಚಯ 2023” ಪನ್ಪುನ ಲೇಸ್ ನ್ ಆಯೋಜನೆ ಮಲ್ತ್ ದಿತ್ತೆರ್.
ಈ ಲೇಸ್ ಡ್ 75 ಜೋಕುಲು ಅಕ್ಲೆಗ್ ಕಲ್ಪಾಯಿನ ನಾಟಕನ್ ಮಸ್ತ್ ಪೊರ್ಲುಡು ಮಲ್ತ್ ತೂಜಿಪಾಯೆರ್. ಭುವನ್ ಮಣಿಪಾಲ್ ನಿರ್ದೇಶನದ ಮೊಗ್ಲಿ, ಬಿಂದು ರಕ್ಷಿದಿ ನಿರ್ದೇಶನದ ರಾಜನ ಸವಾಲ್ ಮಕ್ಕಳ ಕಮಾಲ್ ಬೊಕ್ಕ ನವೀನ್ ಸಾಣೇಹಳ್ಳಿ ನಿರ್ದೇಶನದ ಮೃಗ ಬೊಕ್ಕ ಸುಂದರಿ ಈ 3 ನಾಟಕಲು ಪ್ರದರ್ಶನ ಆಂಡ್. ಕೆಲವು ಜೋಕುಲು ಕಜ್ಜಕೊಟ್ಯದ ಬಗೆಟ್ ತನ್ನ ಮನಸ್ಸ್ ದ ಪಾತೆರನ್ ಪಂಡೆರ್.
ಕುಡ್ಲಡ್ ಸುರುತ್ತ ಸರ್ತಿ ಗೌಜಿಡ್ ಆಯಿನ ಈ ಕಜ್ಜಕೊಟ್ಯಡ್ ಜೋಕುಲೆಗ್ ನಟನೆ ಮಾತ್ರ ಅತ್ತಂದೆ ನಾಟಕದ ಬೇತೆ ಬೇತೆ ಅಂಶದ ಜ್ಞಾನನ್ ಕೊರಿಯೆರ್. ಜೋಕುಲೆನ್ ಶಾಲೆದ ಚೌಕಟ್ಟ್ ರ್ದ್ ಪಿದಯಿ ಕನತ್ ದ್ ಅಕ್ಲೆಗ್ ಪೊಸ ಲೋಕನ್ ಪರಿಚಯ ಮಲ್ತೆರ್. ಅಂಚೆನೆ ಉಜ್ವಲ ಯು. ವಿ. ಮೇರ್ ಈ ಕಾರ್ಯಾಗಾರದ ಸಮಸ್ತ ವ್ಯವಸ್ಥೆನ್ ಭಾರೀ ಯಶಸ್ವಿಯಾದ್ ಮಲ್ತೆರ್.
ವರದಿ: ಉಜ್ವಲಿ ಯುವಿ
ಕಲಾಭಿ (ರಿ.) ಕಾರ್ಯದರ್ಶಿ
niriksha