ಕುಡ್ಲ : ಇತ್ತೆ ಶಾಸಕೆರೆನ್ ಕಂಡುನಕ್ಲೆನ ಉಪದ್ರ ಜಾಸ್ತಿ ಆತ್ಂಡ್. ಅಂಚಾದ್ ರಾಜ್ಯೊಗು ಭದ್ರ ಸರಕಾರ ಮಲ್ಪರೆ ಕಾಂಗ್ರೆಸ್ ದ 150 ಶಾಸಕೆರೆನ್ ಗೆಂದಾದ್ ಕೊರ್ಲೆ ಪಂದ್ ಎಐಸಿಸಿ ಅಧ್ಯಕ್ಷೆರ್ ಮಲ್ಲಿಕಾರ್ಜುನ ಖರ್ಗೆ ಬಿನ್ನಾಪು ಮಲ್ತೆರ್.
ಕುಡ್ಲಡ್ ಸುದ್ದಿಗೋಷ್ಠಿಡ್ ಪಾತೆರಿನ ಆರ್, ಸದ್ಯದ ಪ್ರಜಾಪ್ರಭುತ್ವ ವ್ಯವಸ್ಥೆಡ್ ಶಾಸಕೆರೆನೇ ಕಂಡ್ ದ್ ಕೊನೊವಪಂದುಲ್ಲೆರ್. ಅಂಚಿನಕ್ಲೆನ ಉಪದ್ರ ಜಾಸ್ತಿ ಆತ್ಂಡ್. ಕರ್ನಾಟಕ, ಗುಜರಾತ್, ಗೋವಾ, ಉತ್ತರಾಖಂಡ,ಮಣಿಪುರ ಸೇರ್ದ್ ಇಂಚಿನ ಕಡೆಟ್ಟ್ ಪಕ್ಷದ ಶಾಸಕೆರೆನ್ ಕಂಡ್ ದ್ ಕೊನೊವೊಂದುಲ್ಲೆರ್. ಅಕ್ಲೆನ ಮಿತ್ತ್ ಐಟಿ, ಇಡಿ ರೈಡ್ ಮಲ್ಪಾವುನ ಮುಕೇನ ಕಂಡೊಂದು ಕೊನೊಪೆರ್. ಅಂಚಾದ್ ಬರ್ಪಿನ ವೋಟುಡು ಗೆಂದಿನ 150 ಸೀಟ್ ಡ್ ಒಂಜಿ ರಡ್ಡ್ ಶಾಸಕೆರೆನ್ ಕೊನೊಯೆರ್ಡಲ ರಾಜ್ಯಗ್ ಸ್ಥಿರವಾಯಿನ ಸರ್ಕಾರೊನು ಕಾಂಗ್ರೆಸ್ ಕೊರ್ಪುಂಡು. ಅಂಚಾದ್ 150 ಸೀಟ್ ಗೆಂದಾದ್ ಕೊರ್ಲೆ ಪಂದ್ ಖರ್ಗೆ ಪಂಡೆರ್.