ಬೆಂಗ್ಲೂರ್: 2022-23ನೇ ಶೈಕ್ಷಣಿಕ ಸಾಲ್ ದ ಸೆಕೆಂಡ್ ಪಿಯುಸಿ ರಿಸಲ್ಟ್ ಪ್ರಕಟ ಆಂಡ್.
ಪಿಯು ಮಂಡಳಿ ನಿರ್ದೇಶಕೆರ್ ಸುದ್ದಿಗೋಷ್ಠಿ ನಡಪಾದ್ ರಿಸಲ್ಟ್ ಪ್ರಕಟ ಮಲ್ದೆರ್.
ಈ ರಿಸಲ್ಟ್ ನ್ https://karresults.nic.in ವೆಬ್ಸೈಟ್ಡ್ ಕಲ್ಪಾರ್ಥಿಲು ಹಾಲ್ ಟಿಕೆಟ್ ನಂಬರ್ ಬೊಕ್ಕ ಪುಟ್ಟುನ ತಾರೀಕ್ ಪಾಡ್ದ್ ತೂವೊಲಿ.
ಈ ರಿಸಲ್ಟ್ ಡ್ ಕಲಾ ವಿಭಾಗಡ್ ಶೇ.61.22, ವಾಣಿಜ್ಯ ವಿಭಾಗಡ್ ಶೇ.75.89, ವಿಜ್ಞಾನ ವಿಭಾಗಡ್ ಶೇ.85.71 ಬೈದ್ಂಡ್.
ದಕ್ಷಿಣ ಕನ್ನಡ ಜಿಲ್ಲೆ ಸುರುತ್ತ ತಾನ ಪಡೆತ್ಂಡ್. ಒಡಿಪು ರಡ್ಡನೇ, ಕೊಡಗು ಮೂಜಿನೇ ಬೊಕ್ಕ ಉತ್ತರ ಕನ್ನಡ ನಾಲ್ ನೇ ತಾನ ಪಡೆತ್ಂಡ್. ಯಾದಗಿರಿ ಜಿಲ್ಲೆ ಅಕೇರಿದ ತಾನಡ್ ಉಂಡು.
ಮಾ.9 ರ್ದ್ 29 ಮುಟ್ಟ ರಾಜ್ಯದ 1,109 ಕೇಂದ್ರಲೆಡ್ ಪರೀಕ್ಷೆ ನಡತ್ ದ್ಂಡ್. ಒಟ್ಟು 7,27,387 ಕಲ್ಪಾರ್ಥಿಲು ಪುದರ್ ನೊಂದಣಿ ಮಲ್ದೆರ್. 725,821 ಕಲ್ಪಾರ್ಥಿಲು ಆಯಿಟ್ಟ್ ಅರ್ಹರಾತೆರ್. 23,724 ಕಲ್ಪಾರ್ಥಿಲು ಪರೀಕ್ಷೆಗ್ ಗೈರುಹಾಜರಾತೆರ್. 702,067 ಕಲ್ಪಾರ್ಥಿಲು ಪರೀಕ್ಷೆ ಬರೆತೆರ್. 524,209 ಕಲ್ಪಾರ್ಥಿಲು ಪರೀಕ್ಷೆಡ್ ಉತ್ತೀರ್ಣರಾತೆರ್.