D K Shivkumar ‘s assets increase by 573 crore in the last five years!! ಕರಿನ 5 ವರ್ಷಡ್ ಡಿಕೆಶಿ ಆಸ್ತಿ 573 ಕೋಟಿ ರೂ. ಎಚ್ಚ

ಬೆಂಗ್ಲೂರ್: ಕರ್ನಾಟಕ ಕಾಂಗ್ರೆಸ್ ಅಧ್ಯಕ್ಷೆರ್ ಡಿ ಕೆ ಶಿವಕುಮಾರ್ ಬೊಕ್ಕ ಅರೆಗ್ ಸೇರಿನ ಆಸ್ತಿ ಕರಿನ ಐನ್ ವರ್ಷಡ್ 573 ಕೋಟಿ ರೂ. ಎಚ್ಚಾತ್ಂಡ್.

2018 ತ್ತ ವಿಧಾನಸಭೆ ವೋಟುದ ಪೊರ್ತುಡು ಒಟ್ಟು 840.08 ಕೋಟಿ ರೂ. ಆಸ್ತಿ ಉಂಡು ಪಂದ್ ಡಿಕೆ ಶಿವಕುಮಾರ್ ಘೋಷಣೆ ಮಲ್ತ್ ದ್ ಇತ್ತೆರ್. ಅವು 2023ತ್ತ ವೋಟುಡು 1,413.78 ಕೋಟಿಗ್ ಎಚ್ಚಾತ್ಂಡ್. ಕರಿನ ಐನ್ ವರ್ಷಲೆಡ್ ಶೇ. 68.29 ದಾತ್ ಎಚ್ಚಾತ್ಂಡ್.

ಕನಕಪುರ ಕ್ಷೇತ್ರರ್ದ್ ಕುಡ ವೋಟುಗು ಉಂತಿನ ಡಿಕೆ ಶಿವಕುಮಾರ್ ಸೋಮಾರ ನಾಮಪತ್ರ ಸಂದಾವುನ ಪೊರ್ತುಡು ಸಂದಾಯಿನ ಅಫಿಡವಿಟ್ ಡ್ ಈ ಪೊಲಬು ಕೊರ್ತೆರ್.

ಅಫಿಡವಿಟ್ ಪ್ರಕಾರ, ಡಿಕೆ ಶಿವಕುಮಾರ್ ಮೆರೆಗೆ 251.69 ಕೋಟಿ ಬಿಲೆತ್ತ ಚರ ಆಸ್ತಿ ಉಂಡು. ನೆಟ್ಟ್ 6.75 ಕೋಟಿ ರೂ. ಬಿಲೆತ್ತ ಪಿತ್ರಾರ್ಜಿತ ಆಸ್ತಿ ಸೇರ್ದ್ಂಡ್.

ಒಟ್ಟಾರೆಯಾದ್ ಡಿಕೆಶಿ ಕುಟುಂಬಗ್ 273.42 ಕೋಟಿ ಬಿಲೆತ್ತ ಚರ ಆಸ್ತಿ ಉಂಡು. ಉಂದು ಅತ್ತಂದೆ, ಮೆರೆನ ಕುಟುಂಬಗ್ ಒಟ್ಟು 1,140.36 ಕೋಟಿ ರೂ. ಬಿಲೆತ್ತ ಸ್ಥಿರಾಸ್ತಿ ಉಂಡು.