ಕಟೀಲ್ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯಡ್ ಎ.14-21 ಮುಟ್ಟ ನಡಪರೆ ಇಪ್ಪುನ ಜಾತ್ರೆದ ಅಂಗವಾದ್ (ಇನಿ) ಎ.14 ಸುಕ್ರಾರ ಕೊಡಿ ಏರುಂಡು.
ಬೊಲ್ಪುಗು ಬಲಿ ಪಿದಾಡ್ ದ್, ಕೊಡಿ ಏರುಂಡು. ಬೊಕ್ಕ ದೈವ ದೇವೆರೆನ ದರ್ಶನ ಬಲಿ, ಭೋಜನ ಶಾಲೆಗ್ ಪ್ರಸಾದ ಕೊನೊಯೆರೆ, ಮಹಾಪೂಜೆ, ಪಲ್ಲಪೂಜೆ ಸಮರ್ಪಣೆ ಅವರೆ ಉಂಡು. ಬಯ್ಯಗ್ ಬಲಿ, ಮಲ್ಲ ಅಜಕಾಯಿ, ರಾಜಾಂಗಣ ರಾತ್ರೆ ಪ್ರಸಾದ ಕೊರಿಯೆರೆ ಉಂಡು. ಅವೆರ್ದ್ ಬೊಕ್ಕ ಬಂಗಾರ್ ದ ತೇರ್ ಉಚ್ಚಯ, ಬೊಳ್ಳಿಪಲ್ಲಕ್ಕಿ ಉಚ್ಚಯ, ವಸಂತ ಮಂಟಪ ಪೂಜೆ, ಅಷ್ಟಾವಧಾನ ನಡಪರೆ ಉಂಡು.
ಅಂಚೆನೆ ಮುಲ್ಪದ ಸರಸ್ವತೀ ಸದನಡ್ ಬೊಲ್ಪುಗು ಭಜನೆ, ನಲಿಕೆ ಭಜನೆ ಬೊಕ್ಕ ಬಯ್ಯಗ್ ನೃತ್ಯ ವಿದ್ಯಾನಿಲಯ ವಿದುಷಿ ಸಂಧ್ಯಾ ಕೇಶವ ರಾವ್ ಬೆಂಗ್ಲೂರ್ ಮೊಕ್ಲೆರ್ದ್ ಭರತನಾಟ್ಯ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty