ಉಳ್ಳಾಲ ತಾಲೂಕ್ ದ ಪೆರ್ಮನ್ನೂರು ಗ್ರಾಮದ ಪಂಡಿತ್ ಹೌಸ್ ದ ವಿಜೇತನಗರದ ರುಕಿಯಾ ಪನ್ಪಿನರೆನ ಇಲ್ಲಲ್ ಮಾ.7 ಕ್ಕ್ ಕೆಲವು ಜನ ಆಂಜೋವ್ ಬೊಕ್ಕ ನಾಲ್ ಜನ ಪೊಂಜೋವ್ ನಕುಲು ಅನೈತಿಕ ಚಟುವಟಿಕೆ ಮಲ್ತೊಂದು ಇತ್ತೆರ್ ಪಂದ್ ತಿಕ್ಕಿನ ಪೊಲಬುದ ಮಿತ್ತ್ ಪೊಲೀಸ್ ದಕುಲು ರೈಡ್ ಮಲ್ದೆರ್.
ಈ ರೈಡ್ ಮಲ್ಪರೆ ಸಹಾಯಕ ಪೊಲೀಸ್ ಆಯುಕ್ತೆರ್, ಮಂಗಳೂರು ದಕ್ಷಿಣ ಉಪ ವಿಭಾಗರ್ದ್ ಸರ್ಚ್ ವಾರಂಟ್ ದೆತೊಂದು ಉಳ್ಳಾಲ ಪೊಲೀಸ್ ಠಾಣೆದ ಪೊಲೀಸ್ ನಿರೀಕ್ಷಕೆರಾಯಿನ ಸಂದೀಪ್ ಜಿ ಎಸ್, ಪೊಲೀಸ್ ಉಪ ನಿರೀಕ್ಷಕೆರ್ ಮಂಜುಳಾ ಎಲ್ ಬೊಕ್ಕ ಸಿಬ್ಬಂದಿನೊಟ್ಟಿಗೆ ರೈಡ್ ಮಲ್ತೆರ್.
ಬಂಟ್ವಾಳ ತಾಲೂಕ್ ದ ಬೋಳಂತೂರು ಗ್ರಾಮದ ವಿಟ್ಲಕೋಡಿ ಇಲ್ಲದ ದಿ. ಮೊಯಿದ್ದೀನ್ ಮೆರೆನ ಬೊಡೆದಿ ರುಕಿಯಾ (50) ದಸ್ತಗಿರಿ ಆಯಿನ ಆರೋಪಿ. ಮೆರೆನ್ ಕೋರ್ಟುಗು ಹಾಜರ್ ಮಲ್ದೆರ್. ಅಂಚನೆ ಆರೋಪಿ ಲತೀಫ್ ಪನ್ಪುನರೆನ ಮಿತ್ತ್ ಉಳ್ಳಾಲ ಠಾಣೆಡ್ ಕೆಲವು ಕೇಸ್ ದಾಖಲ್ ಆತ್ಂಡ್.
ಈ ಕೇಸ್ ದ ಬಗೆಟ್ ರಡ್ಡ್ ಚಕ್ರದ 3 ಗಾಡಿ, 9 ಮೊಬೈಲ್ ಫೋನ್, 5 ಸಾರ ರೂ.,ಇಂಚ ಒಟ್ಟು 1,76,580 ರೂ. ಬಿಲೆತ ಸೊತ್ತುಲೆನ್ ವಶಕ್ಕ್ ಪಡೆತೆರ್.
ಈ ಪೊರ್ತುಡು ಉಳ್ಳಾಲ ಪೊಲೀಸ್ ಠಾಣೆದ ಪೊಲೀಸ್ ನಿರೀಕ್ಷಕೆರಾಯಿನ ಸಂದೀಪ್ ಜಿ ಎಸ್, ಪೊಲೀಸ್ ಉಪ ನಿರೀಕ್ಷಕೆರ್ ಮಂಜುಳಾ ಎಲ್ ಬೊಕ್ಕ ಸಿಬ್ಬಂದಿಲಾಯಿನ ಮಂಜುನಾಥ ಎನ್, ವಾಸುದೇವ ಚವ್ಹಾಣ್, ದ್ರಾಕ್ಷಾಯಿಣಿ,ಲಕ್ಷ್ಮೀ ಬೊಕ್ಕ ಎಸಿಪಿ ಸ್ಕ್ವಾಡ್ ದ ಸಿಬ್ಬಂದಿ ರೆಜಿ ಇತ್ತೆರ್.
Editorial