ಪುತ್ತೂರ್: ಬದಿಯಡ್ಕ ಶ್ರೀ ನಾಗ ಬೊಕ್ಕ ಪಂಚದೈವೊಲೆನ ಸಾನಿಧ್ಯಡ್ ನೇಮ ಮಾ.9 ಗುರುವಾರ ನಡಪರೆ ಉಂಡು.
ಧರ್ಮಸ್ಥಳ ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ ಹೆಗ್ಗಡೆ ಮೆರೆನ ಆಶೀರ್ವಾದದೊಟ್ಟಿಗೆ, ಶ್ರೀಧಾಮ ಮಾಣಿಲ ಶ್ರೀ ಮೋಹನದಾಸ ಸ್ವಾಮೀಜಿನ ದುಂಬಾತ್ತಿಗೆಡ್, ಪುರೋಹಿತೆರ್ ಶ್ರೀಧರ್ ಭಟ್ ಕಬಕ ಮೆರೆನ ಮುತಾಲಿಕೆಡ್ ಈ ಲೇಸ್ ದ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಮಾ.8 ಬುಧಾರ ಬಯ್ಯಗ್ ಶ್ರೀ ಮಹಾದೇವಿ ದೇವಲ್ಯರ್ದ್ ಪುದೆ ಕಾಣಿಕೆ ಪಿದಾಡುಂಡು. ರಾತ್ರೆ ಧಾರ್ಮಿಕ ಸಭಾ ಲೇಸ್ ನಡಪರೆ ಉಂಡು. ಮಾ.9 ಗುರುವಾರ ಬೊಲ್ಪುಗು 12 ತಾರಾಯಿದ ಮಹಾಗಣಪತಿ ಹವನ, ಆಶ್ಲೇಷಾ ಬಲಿ, ತಂಬಿಲ ಸೇವೆ, ರಕ್ತೇಶ್ವರಿ, ವ್ಯಾಘ್ರಚಾಮುಂಡಿ, ಪಂಜುರ್ಲಿ, ಧೂಮಾವತಿ, ಗುಳಿಗ ದೈವೊಲೆಗ್ ಸಾನಿಧ್ಯ ಕಲಶಾಭಿಷೇಕ ತಂಬಿಲ ಸೇವೆ, ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ದೈವೊಲೆನ ಭಂಡಾರ ಜತ್ತ್ ದ್, ಅನ್ನಸಂತರ್ಪಣೆ ಆದ್ ದೈವೊಲೆನ ನೇಮ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಸಾನಿಧ್ಯದ ಅಧ್ಯಕ್ಷೆರ್, ಗೌರವಾಧ್ಯಕ್ಷೆರ್, ಪದಾಧಿಕಾರಿಲು ಬೊಕ್ಕ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty