21 ವರ್ಷದ ಬೊಕ್ಕ 5 ಕೋಟಿ ರೂ.ಕರ್ಚಿಡ್ ಕೊಲ್ಲೂರು ಮೂಕಾಂಬಿಕೆಗ್ ಬ್ರಹ್ಮಕಲಶ

ಒಡಿಪು : ಕೊಲ್ಲೂರ್ ಶ್ರೀ ಮೂಕಾಂಬಿಕಾ ದೇವಿಗ್ 21 ವರ್ಷದ ಬೊಕ್ಕ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ನಡಪರೆ ಉಂಡು.

ಇತ್ತೆ ನೆಕ್ಕ್ ಅಗತ್ಯ ಇಪ್ಪುನ ಸಿದ್ದತೆ ಸುರು ಆತ್ಂಡ್. ಶಾಸ್ತ್ರ ಪ್ರಕಾರ ಪ್ರತಿ 12 ವರ್ಷಗೊರ ಅಷ್ಟಬಂಧ ನಡಪಾವೊಡು ಪಂದ್ ಉಂಡು.‌ ಆಂಡ ಅನಿವಾರ್ಯ ಕಾರಣರ್ದ್ ಕರಿನ 21 ವರ್ಷೊರ್ದಿಂಚ ದೇವಲ್ಯಡ್ ಬ್ರಹ್ಮಕಲಶ ನಡತ್ ದ್ ಇತ್ತಿಜಿ. ಆಂಡ ಅಯಿಕ್ಕ್ ಇತ್ತೆ ಕಾಲ ಕೂಡ್ ದ್ ಬೈದ್ಂಡ್. ಮುಲ್ಪ ಎಪ್ರಿಲ್ 30 ರ್ದ್ ಮೇ11 ಮುಟ್ಟ ಅಷ್ಟಬಂಧ ಬ್ರಹ್ಮಕಲಶ ಉಚ್ಚಯ ಗೌಜಿಡ್ ನಡಪರೆ ಉಂಡು‌. ನೆಕ್ಕ್ ಸುಮಾರ್ 5 ಕೋಟಿ ರೂ. ಆಪುಂಡು ಪಂದ್ ಅಂದಾಜ್ ಮಲ್ಪೆರೆ ಆತ್ಂಡ್. ದೇವಲ್ಯರ್ದ್ 2 ಕೋಟಿ ಗಲಸೊಂದು, ಬೊಕ್ಕದ 3 ಕೋಟಿನ್ ಭಕ್ತೆರೆರ್ದ್ ಸಂಗ್ರಹ ಮಲ್ತ್ ದ್ ಖರ್ಚಿ ಮಲ್ಪರೆ ಸರ್ಕಾರ ಅನುಮತಿ ಕೊರ್ತುಡು ಪಂದ್ ತೆರಿದ್ ಬೈದ್ಂಡ್.