ಮುಲ್ಕಿ : ಬಪ್ಪನಾಡ್ ದ ಅಪ್ಪೆ ದುರ್ಗೆನ ನಡೆಟ್ಟ್ ಭಕ್ತಿದ ಒಟ್ಟುಗು ಕಬಡ್ಡಿ ಗೊಬ್ಬಾವುನ ಮುಕೇನ ದೈಹಿಕ ಶಕ್ತಿದ ಪ್ರದರ್ಶನ ಆಪಿನವು ಭಾರಿ ಸಂತೋಷದ ಸಂಗತಿ. ಇತ್ತೆ ಬೇತೆ ಗೊಬ್ಬುಲೆನ್ ತೂಂಡ ಕಬಡ್ಡಿದ ಗೊಬ್ಬು ಭಾರಿ ಪಿರ ಬೂರ್ದುಂಡು. ಅಯಿಕ್ಕ್ ಮಾತೆರ್ಲ ಪ್ರೋತ್ಸಾಹ ಮಲ್ತ್ ದ್ ಅವೆನ್ ಒರಿಪಾವೊಡು ಪಂದ್ ವಿದ್ವಾನ್ ವೇದಮೂರ್ತಿ ವಾದಿರಾಜ ಭಟ್ ಕೊಲೆಕಾಡಿ ತೆರಿಪಾಯೆರ್.
ಆರ್ ಪಂಚದುರ್ಗಾ ಬಪ್ಪನಾಡು ಲಯನ್ಸ್ ಕ್ಲಬ್ ಬಪ್ಪನಾಡು ಇನ್ ಸ್ಪೈರ್ ಬೊಕ್ಕ ಅಮೆಚೂರ್ ಕಬಡ್ಡಿ ಅಸೋಸಿಯೇಶನ್ ಒಟ್ಟುಸೇರಿಗೆಡ್ ನಡತಿನ ಮ್ಯಾಟ್ ಕಬಡ್ಡಿ ಪಂತೊನು ಉದಿಪನ ಮಲ್ತ್ ಪಾತೆರಿಯೆರ್.
ಮಲ್ಲ ಬಿನ್ನೆರಾದ್ ಬತ್ತಿತ್ತಿನ ಬಿಜೆಪಿ ಮುಲ್ಕಿ ಬೆದ್ರ ಮಂಡಲ ಆಧ್ಯಕ್ಷೆರ್ ಸುನಿಲ್ ಆಳ್ವ ಪಾತೆರ್ದ್, ಕಬಡ್ಡಿ ಪಂಡ ಯುಕ್ತಿ ಬೊಕ್ಕ ಶಕ್ತಿ ಪ್ರದರ್ಶನದ ಗೊಬ್ಬು. ಸ್ವಾತಂತ್ರ್ಯ ಪೊರ್ಂಬಾಟದ ಪೊರ್ತುಡುಲ ಕಬಡ್ಡಿದ ಗೊಬ್ಬು ಮಲ್ಲ ಪಾತ್ರ ಒಯಿಸ್ ದ್ಂಡ್ ಪಂಡೆರ್.
ಕೃಷ್ಣರಾಜ್ ಭಟ್ರ್ ತಾರಾಯಿ ದರ್ತ್ ದ್ ಮ್ಯಾಟ್ ಕಬಡ್ಡಿ ಪಂತೊಗು ಚಾಲನೆ ಕೊರಿಯೆರ್.
ಬಿನ್ನೆರಾದ್ ಬಪ್ಪನಾಡು ಶ್ರೀ ದುರ್ಗಾಪರಮೇಶ್ವರಿ ದೇವಸ್ಥಾನದ ಆಡಳಿತ ಮೊಕ್ತೇಸರೆರ್ ಮನೋಹರ ಶೆಟ್ಟಿ,
ಕಾರ್ಪೊರೇಟರ್ ದಯಾವತಿ, ಲಯನ್ಸ್ ಬಪ್ಪನಾಡು ಇನ್ಸ್ ಪೈರ್ ಉಪಾಧ್ಯಕ್ಷೆರ್ ಪ್ರತಿಭಾ ಹೆಬ್ಬಾರ್ , ಕಾರ್ಯದರ್ಶಿ ಸುಧೀರ್ ಬಾಳಿಗ, ಕೋಶಾಧಿಕಾರಿ ಶಿವಪ್ರಸಾದ್,ಮಹಿಮ್ ಹೆಗ್ಡೆ, ಪಂಚದುರ್ಗ ಬಪ್ಪನಾಡು ಕೂಟದ ಶೇಖರ್ ಭಂಡಾರಿ, ದಿನೇಶ್ ಕೊಲ್ನಾಡು ಮೊಕುಲು ಮಾತ ಇತ್ತೆರ್.
Editorial