ಕುಡ್ಲ: ಬಂಟ ಸಮಾಜಗ್ ಅಭಿವೃದ್ಧಿ ನಿಗಮ, 2 ಎ ಮೀಸಲಾತಿನ್ ಸರ್ಕಾರ ಕೊರೊಡು ಪಂದ್ ಬಂಟ ಸಮುದಾಯ ಮುಖಂಡೆರ್ ಬಿಜೆಪಿ ರಾಜ್ಯಾಧ್ಯಕ್ಷೆರೆನ ಮುಖೇನ ಮುಖ್ಯಮಂತ್ರಿಲೆಗ್ ಬಿನ್ನಾಪು ಸಂದಾಯೆರ್. ಒಂಜಿ ವೇಳೆ ಈ ಬೇಡಿಕೆ ಈಡೇರಿಸಾಯಿಜಿಂಡ ಮಾರ್ಗಗ್ ಜಪ್ಪುಜ, ದುಂಬುದ ವೋಟುಡೇ ಉತ್ತರ ಕೊರ್ಪ ಪಂದ್ ಜಾಗತಿಕ ಬಂಟರ ಸಂಘದ ಒಕ್ಕೂಟದ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಎಚ್ಚೆರ್ಗೆ ಕೊರಿಯೆರ್.
ಜಾಗತಿಕ ಬಂಟರ ಸಂಘದ ಒಕ್ಕೂಟರ್ದ್ ಬಂಟ್ಸ್ ಹಾಸ್ಟೆಲ್ ದ ಚಾವಡಿಡ್ ಸನಿಯಾರ ನಡತಿನ ಸುದ್ದಿಗೋಷ್ಠಿಡ್ ಪಾತೆರ್ನ ಮೇರ್, ಮಾತ ಸಮಾಜಗ್ಲಾ ನಿಗಮ, ಸರಕಾರರ್ದ್ ಸಕಾಯ ತಿಕ್ಕುಂಡು, ಆಂಡ ಬಂಟೆರೆಗ್ ಅಂಚಿನ ಸಹಕಾರ, ನಿಗಮ ಬೈದಿಜಿ. ಇಡೇ ಮುಟ್ಟ ಎಂಕುಲು ಪೊರ್ಂಬಾಟ ಮಲ್ತಿಜ, ನೆತ್ತ ಅರ್ಥ ಎಂಕ್ಲೆಗ್ ಶಕ್ತಿ ಇಜ್ಜಿ ಪಂದ್ ಅತ್ತ್. ಬಂಟ ಸಮಾಜದ ಐನ್ ಶಾಸಕೆರ್ ಉಲ್ಲೆರ್. ಅಕುಲೇ ನಮ್ಮ ಬೇಡಿಕೆನ್ ಈಡೇರಿಸಾವೊಡು, ನೆಕ್ಕಾದ್ ನಮ್ಮ ಅಗತ್ಯ ಇತ್ತಿಜಿ. ಇತ್ತೆ ನಮ್ಮ ನಾಯಕೆರೆನ್ ಸಮಾಜ ಪ್ರಶ್ನೆ ಮಲ್ತೊಂದು ಉಂಡು. ಕಾಂಗ್ರೆಸ್ ಪ್ರಣಾಳಿಕೆಡ್ ಬಂಟೆರ್, ಬ್ರಾಹ್ಮಣರೆಗ್ ನಿಗಮದ ಭರವಸೆ ಕೊರ್ತುಂಡು. ಅವೆರ್ದ್ ದುಂಬು ಸರಕಾರ ಬೇಡಿಕೆ ಈಡೇರಿಸಾವೊಡು ಪಂದ್ ಆಗ್ರಹ ಮಲ್ತೆರ್. ಬಂಟ ಸಮುದಾಯ ತೂವರೆ ಶ್ರೀಮಂತ ಸಮುದಾಯದಲೆಕ್ಕ ತೋಜಿಂಡ ಶೇ.75 ದಾತ್ ಜನ ಮಧ್ಯಮ ಬೊಕ್ಕ ಬಡತನದ ರೇಖೆಡ್ ಜೀವನ ಸಾಗವೊಂದು ಉಲ್ಲೆರ್. ಇದ ಮುಟ್ಟ ಬಂಟ ಸಮುದಾಯಗ್ ತಿಕ್ಕೊಡಾಯಿನ ಮೀಸಲಾತಿನ್ ಒವ್ವೇ ಆಡಳಿತ ಪಕ್ಷಲು ಕೊರ್ತಿಜ. ಐನ್ ಜನ ಶಾಸಕೆರ್ ಬಂಟೆರಾದಿತ್ತ್ಂಡಲ ಸ್ವಸಮುದಾಯಗ್ ಸಕಾಯ ಮಲ್ತ್ಂಡ ಬೇತೆ ಸಮುದಾಯಗ್ ಕೋಪ ಬರ್ಪುಂಡ ಪನ್ಪುನ ಅಂಜಿಕೆ ಇಪ್ಪು ಪಂದ್ ಪಂಡೆರ್.
ಬಿಲ್ಲವೆರೆಗ್ ನಿಗಮ ಆತ್ಂಡ್. ಸಂತೋಷ ಅಕ್ಲೆಗ್ ಶಾಸಕೆರ್, ಸಚಿವೆರ್ ಬೆಂಬಲ ಕೊರ್ತೆರ್. ಆಂಡ ನಮ್ಮಕುಲು ದಾದ ಮಲ್ತೊಂದು ಉಲ್ಲೆರ್ ಗೊತ್ತಾವೊಂದು ಇಜ್ಜಿ. ಮಾರ್ಗದ ಪುದರ್ ದೀಪಿನ ಇಚಾರಡ್ ಸುಂದರ ಶೆಟ್ಟಿ ಮೆರೆನ ಪುದರ್ ಬನ್ನಗ ಮಾತ ಬಂಟೆರ್ ಒಗ್ಗಟ್ಟಿತ್ತೆರ್. ಇಡೀ ಜಗತ್ತ್ ಡೇ ಇಪ್ಪುನ ಬಂಟೆರೆನ್ ಕನತ್ ದ್ ಪ್ರತೀ ಕ್ಷೇತ್ರಡ್ ಒರಿ ಬಂಟ ಅಭ್ಯರ್ಥಿನ್ ಉಂತಾವ. ಐನ್ ಸಾರ ವೋಟ್ ಪಡೆದಾಂಡಲ ಗೆಂದುನ ಅಭ್ಯರ್ಥಿನ್ ಸೋಪಾವುನ ಸಾಮರ್ಥ್ಯ ಎಂಕ್ಲೆಗ್ ಉಂಡು ಪಂದ್ ಎಚ್ಚರಿಕೆ ಕೊರಿಯೆರ್.
ಪಡ್ಡೆದ್ರ ಬಂಟರ ಸಂಘದ ಅಧ್ಯಕ್ಷೆರ್ ಐಕಳ ಬಾವ ದೇವಿಪ್ರಸಾದ್ ಶೆಟ್ಟಿ ಪಾತೆರ್ದ್, ಒಂಜಿ ಅಭ್ಯರ್ಥಿನ್ ಗೆಂದಾವುನ ಬೊಕ್ಕ ಸೋಪಾವುನ ಶಕ್ತಿ ಬಂಟ ಸಮಾಜಗ್ ಉಂಡು. ಎಂಕ್ಲೆನ ಸಮಾಜದ ಐನ್ ಶಾಸಕೆರ್ ಸಮಾಜದ ಬೇಡಿಕೆನ್ ಈಡೇರಿಸುನ ದಿಟ್ಟಿಡ್ ಬೇಲೆ ಮಲ್ಪೊಡು. ವಾ ಸರಕಾರ ಎಂಕ್ಲೆನ ಬೇಡಿಕೆನ್ ಈಡೇರಿಸಾವುಂಡಾ ಅಕ್ಲೆಗ್ ಅಭಿನಂದನೆ ಸಂದಾವ ಪಂಡೆರ್. ಸುದ್ದಿಗೋಷ್ಠಿಡ್ ಉಪಾಧ್ಯಕ್ಷೆರ್ ಕರ್ನಿರೆ ವಿಶ್ವನಾಥ ಶೆಟ್ಟಿ, ಕೋಶಾಧಿಕಾರಿ ಉಳ್ತೂರು ಮೋಹನ್ ದಾಸ್ ಶೆಟ್ಟಿ, ಕಾರ್ಯದರ್ಶಿ ಇಂದ್ರಾಳಿ ಜಯಕರ ಶೆಟ್ಟಿ, ಜತೆ ಕಾರ್ಯದರ್ಶಿ ಪ್ರವೀಣ್ ಭೋಜ ಶೆಟ್ಟಿ, ಪುಣೆ ಸಂತೋಷ್ ಶೆಟ್ಟಿ, ಶಶಿಧರ ರೈ ಬಾಲ್ಯೊಟ್ಟು, ತುಳುನಾಡ್ ಭಾಗದ ಬೇತೆ ಬೇತೆ ಕ್ಷೇತ್ರದ ಬಂಟೆರೆ ಸಂಘದ ಅಧ್ಯಕ್ಷೆರ್, ಪದಾಧಿಕಾರಿಲು ಇತ್ತೆರ್.
ವೋಟುಗು ಉಂತುನಕ್ಲೆಗ್ ಬೆರಿಬಲ!
ಇತ್ತೆದ ಸರಕಾರ ಬೇಡಿಕೆ ಈಡೇರಿಸಾಯಿಜಿಂಡ ಬಂಟ ಸಮುದಾಯದ ಪ್ರತಿನಿಧಿಯಾದ್ ಲೋಕಸಭಾ ಚುನಾವಣೆಗ್ ಉಂತುವರಾ ಪಂದ್ ಪತ್ರಕರ್ತೆರ್ ಪ್ರಶ್ನೆ ಮಲ್ತೆರ್. ಅಯಿಕ್ ಉತ್ತರ ಕೊರ್ನ ಐಕಳ, ಎಂಕ್ಲೆಗ್ ಏರ್ನ ಮಿತ್ತ್ ಲ ವೈಯಕ್ತಿಕ ಕೋಪ ಇಜ್ಜಿ. ಅತ್ತಂದೆ ಯಾನ್ ಏಪನೇ ವೋಟುಗು ಉಂತುದುಂಡ ಶಾಸಕೆ, ಸಚಿವೆ ಆದಿತ್ತುದುವೆ. ಹಾಲಾಡಿ ಮೆರೆನ್ ಬುಡ್ದ್ ಬೇತೆ ಮಾತೆರ್ಲಾ ಎನ್ನೆರ್ದ್ ಎಲ್ಯ ಅಕುಲು. ಯಾನ್ ಬೆಂಬಲ ಕೊರ್ಪೆ. ಇತ್ತೆ ಎಂಕ್ ಪ್ರಾಯ ಆಂಡ್, ಎಂಕ್ಲೆನ ಸಮುದಾಯನ್ ಬೆಂಬಲಿಸುನಕ್ಲೆಗ್ ಎಂಕುಲ್ಲಾ ಬೆಂಬಲ ಕೊರ್ಪ ಪಂಡೆರ್.
We will answer at the elections if Bunts Corporation is not formed – Bunt community issues an alert
Manglore: The Bunt community have put forward certain demands with the government and in case this was not granted they have issued an warning that they were ready to come down to the streets and give a fitting answer in the coming elections. The request includes forming a corporation for the development of the community and granting 2 A status to the community.The request has been put forward to the government through the state president of the BJP said Ikala Harish Shetty president of the Global Bunts association.
pallavi shetty