ಕುಡ್ಲ: ಗುರುಪುರ ಮೂಳೂರು ಶ್ರೀ ಮುಂಡಿತ್ತಾಯ ದೈವೊಲ್ಯಡ್ ಕಾಲಾಧಿದ ಬಂಡಿ ಜಾತ್ರೆ ಫೆ.14-16 ಮುಟ್ಟ ನಡಪರೆ ಉಂಡು.
ಫೆ.14 ಅಂಗಾರೆ ಬೊಲ್ಪುಗು ಭಂಡಾರ ಪಿದಡುಂಡು. ಬೊಕ್ಕ ಕೊಡಿ ಏರುಂಡು. ಅವೆರ್ದ್ ಬೊಕ್ಕ ಕಂಚಿಲ್ ಸೇವೆ ಬೊಕ್ಕ ಮಡಸ್ತಾನ ಸೇವೆ ನಡಪರೆ ಉಂಡು. ಮಧ್ಯಾಹ್ನ ಸಾರ್ವಜನಿಕ ಮಹಾ ಅನ್ನಸಂತರ್ಪಣೆ ನಡಪರೆ ಉಂಡು. ರಾತ್ರೆ ಮೈಸಂದಾಯ ದೈವೊದ ನೇಮ, ಮುಂಡಿತ್ತಾಯ ದೈವೊದ ನೇಮ, ಬಂಡಿ ತೇರ್ ಉಚ್ಚಯ, ಅಭಯ ಪ್ರಧಾನ ಬೊಕ್ಕ ಪ್ರಸಾದ ಕೊರಿಯೆರೆ ಉಂಡು. ಫೆ.15 ಬುಧಾರ ಧೂಮಾವತಿ, ಬಂಟ ಬೊಕ್ಕ ಪರಿವಾರ ದೈವೊಲೆನ ನೇಮ, ಅಭಯ ಪ್ರಧಾನ ಬೊಕ್ಕ ಪ್ರಸಾದ ಕೊರಿಯೆರೆ ಉಂಡು. ಫೆ.16 ಗುರುವಾರ ರಾತ್ರೆ ತುಡಾರ ಬಲಿ ಉಚ್ಚಯ, ಕೊಡಿ ಜಾವರೆ ಬೊಕ್ಕ ಭಂಡಾರ ಪೋವರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ಮುಡಿ ಗಂಧ ಪ್ರಸಾದ ದೆತೊಂದು ದೈವೊಲೆನ ಕೃಪೆಗ್ ಪಾತ್ರರಾವೊಡು ಪಂದ್ ಪ್ರಧಾನ ಗುರಿಕಾರೆರ್, ಆಡಳಿತ ಮೊಕ್ತೇಸರೆರ್ ಪ್ರಮೋದ್ ಕುಮಾರ್ ರೈ, ಗುತ್ತು ಯಜಮಾನೆರ್, ಸೇವೆದ ಇಲ್ಲದಕುಲು, ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್, ಪದಾಧಿಕಾರಿಲು ಬೊಕ್ಕ ಊರುದ ಪತ್ತ್ ಸಮಸ್ತೆರ್ ಲೆಪ್ಪೋಲೆಡ್ ತೆರಿಪಾದೆರ್.
pallavi shetty