ಹಳೆಯಂಗಡಿ: ತೋಕೂರು ಶ್ರೀ ಸುಬ್ರಹ್ಮಣ್ಯ ದೇವಲ್ಯಡ್ ಪೊಸ ಕೊಡಿಮರತ್ತ ಮರನ್ ಎಣ್ಣೆಡ್ ಪಾಡುನ(ತೈಲಾಧಿವಾಸ) ಬೇಲೆ ಫೆ.12 ಐತಾರ ಬೊಲ್ಪುಗು 9.5 ಕ್ ನಡಪರೆ ಉಂಡು.
ಕೊಡಿ ಮರಕ್ ಐತಾರೊರ್ದು ಬುಡಂದೆ ಶುದ್ಧ ಎಡ್ಮೆದ ಎಣ್ಣೆನ್ ಗಲಸುನೆರ್ದಾವರ ಭಕ್ತೆರ್ ಸೇವಾ ರೂಪೊಡು ಎಡ್ಮೆದೆಣ್ಣೆ ಸಂದಾವರೆ ಅವಕಾಶ ಉಂಡು. ಪಿದಯಿರ್ದ್ ಕನತಿನ ಎಣ್ಣೆ ಪಾಡರೆ ಅವಕಾಶ ಇಜ್ಜಿ. ದೇವಲ್ಯಡ್ ರಸೀದಿ ಬರೆಪಾದ್ ಎಡ್ಮೆದೆಣ್ಣೆ ದೆತೊಂದು ಕೊಡಿ ಮರಕ್ಕ್ ಪಾಡೊಲಿ.
ಈ ಮುಖೇನ ದೇವೆರೆನ ಸೇವೆ ಮಲ್ತ್ ದ್ ಶ್ರೀ ಸುಬ್ರಹ್ಮಣ್ಯ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ಜೀರ್ಣೋದ್ಧಾರ ಸಮಿತಿ ಅಂಚೆನೆ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.
Editorial