ಮೂಲ್ಕಿ: ಒಳಲಂಕೆ ಶ್ರೀ ವೆಂಕಟರಮಣ ದೇವಲ್ಯಡ್ ಪ್ರತಿಷ್ಠಾ ಪುಣ್ಣಮೆ ಉಚ್ಚಯ ಡಿ.8 ತಾರೀಕ್ ಗುರುವಾರ ಶ್ರೀ ಕಾಶೀ ಮಠಾಧೀಶೆರ್ ಶ್ರೀಮದ್ ಸಂಯಮೀಂದ್ರತೀರ್ಥ ಸ್ವಾಮೀಜಿ ಮೆರೆನ ಉಪಸ್ಥಿತಿಟ್ಟ್ ನಡಪರೆ ಉಂಡು.
ಡಿ.7 ಕ್ಕ್ ಬರ್ಪಿನ ಸ್ವಾಮೀಜಿ ಡಿ. 9 ಮುಟ್ಟ ಕ್ಷೇತ್ರಡ್ ವಾಸ ಉಪ್ಪುವೆರ್. ಡಿ.8 ಗ್ ಕಾಂಡೆ ಮೂಲ್ಕಿ ಪೇಂಟೆದ ಭಕ್ತೆರೆರ್ದ್ ನಗರ ಕಾಣಿಕೆ ಸಮರ್ಪಣೆ ಆಯಿಬೊಕ್ಕ ಪ್ರಾರ್ಥನೆದೊಟ್ಟುಗು ಸ್ವಾಮೀಜಿಡ್ದ್ ಬೇತೆ ಬೇತೆ ರೀತಿದ ದ್ರವ್ಯ ಅಂಚನೆ ಸೀಯಾಳ ಅಭಿಷೇಕ ನಡಪರೆ ಉಂಡು.
ಬಯ್ಯಗ್ ಗಂಗಾ ಭಾಗೀರಥಿ ಅಭಿಷೇಕ ಬೊಕ್ಕ ಕನಕಾಭಿಷೇಕ, ಮಹಾ ನೈವೇದ್ಯ ನಡತ್ ದ್ ಬಯ್ಯ 7 ಗಂಟೆಗ್ ಮಹಾ ಭೂರಿ ಸಮಾರಾಧನೆ, ರಾತ್ರೆ 11.30 ಗ್ ಮಹಾ ರಥೋಚ್ಚಯ, ಚಂದ್ರ ಮಂಡಲೋಚ್ಚಯ ಅಂಚನೆ ದೇವ ದರ್ಶನಡ್ ಆಭಯ ಪ್ರಸಾದ ಕೊರ್ಪಿನ ಲೇಸ್ ನಡಪರೆ ಉಂಡು. ಅಂಚೆನೆ ಡಿ.9 – 11 ಮುಟ್ಟ ದೇವದರ್ಶನ ಸೇವೆ ಇಪ್ಪುಜಿ ಪಂದ್ ಪ್ರಕಟನೆ ತೆರಿಪಾದ್ಂಡ್.
Editorial