ಡಿ.4: ವಿಟ್ಲ ಕಾಶೀಮಠ ಶ್ರೀ ಕಾಶೀ ಯುವಕ ಮಂಡಲ(ರಿ.) ಬೊಕ್ಕ ಮಹಿಳಾ ಮಂಡಲದ ಮುತಾಲಿಕೆಡ್ ಶ್ರೀ ಸತ್ಯನಾರಾಯಣ ಪೂಜೆ, ವಾರ್ಷಿಕ ಉಚ್ಚಯ

ವಿಟ್ಲ: ಶ್ರೀ ಕಾಶೀ ಯುವಕ ಮಂಡಲ(ರಿ.) ಕಾಶೀಮಠ ವಿಟ್ಲ ಬೊಕ್ಕ ಶ್ರೀ ಕಾಶೀ ಮಠ ಮಹಿಳಾ ಮಂಡಲ ಕಾಶೀಮಠ ವಿಟ್ಲ ನೆತ್ತ ಮುತಾಲಿಕೆಡ್ ಶ್ರೀ ಸತ್ಯನಾರಾಯಣ ಪೂಜೆ, ವಾರ್ಷಿಕ ಉಚ್ಚಯ ಬೊಕ್ಕ ತಮ್ಮನ ಲೇಸ್ ಡಿ.4 ಐತಾರದಾನಿ ನಡಪರೆ ಉಂಡು.

ಬೊಲ್ಪುಗು ಶ್ರೀ ಗಣಪತಿ ಹೋಮ,ಅಯಿರ್ದ್ ಬೊಕ್ಕ ನವೀಕರಣ ಆಯಿನ ಕಾಶೀಮಠ ಹಿಂದೂ ರುದ್ರಭೂಮಿನ್ ವಿಟ್ಲ ಪಟ್ಟಣ ಪಂಚಾಯತಿಗ್ ಕೊರಿಯೆರೆ, ಸತ್ಯನಾರಾಯಣ ಪೂಜೆ, ಕೈತಲ್ ದ ಜೋಕುಲೆರ್ದ್ ಸಾಂಸ್ಕೃತಿಕ ಲೇಸ್, ಸಭಾ ಕಾರ್ಯಕ್ರಮ, ಅನ್ನಸಂತರ್ಪಣೆ, ಯಾನ್ ಉಲ್ಲೆತ್ತ ತುಳು ಹಾಸ್ಯಮಯ ನಾಟಕ ನಡಪುಂಡು. ಸಭಾ ಲೇಸ್ ದ ಅಧ್ಯಕ್ಷತೆನ್ ಶ್ರೀ ಕಾಶೀ ಯುವಕ ಮಂಡಲ(ರಿ.)ದ ಗೌರವಾಧ್ಯಕ್ಷೆರ್ ಬಾಬು ಕೊಪ್ಪಳ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ವಿಟ್ಲ ಅರಮನೆತ ಬಂಗಾರು ಅರಸೆರ್, ಕೃಷ್ಣಯ್ಯ ಕೆ, ಅಯ್ಯಪ್ಪ ಸ್ವಾಮಿ ದೇವಲ್ಯ ವಿಟ್ಲದ ನಾರಾಯಣ ಯಾನೆ ಬಟ್ಟು ಸ್ವಾಮಿ, ಗ್ರಾಮೀಣ ಸಹಕಾರಿ ಬ್ಯಾಂಕ್ ವಿಟ್ಲದ ಅಧ್ಯಕ್ಷೆರ್ ಜಗನ್ನಾಥ ಸಾಲಿಯಾನ್, (ಎಮ್ ಎ, ಎಮ್ ಇಡಿ, ಕೆಇಎಸ್) ಸ.ಪೌ ಶಾಲೆ ಕಲ್ಲಂಗಳ ಕೇಪುದ ಮುಖ್ಯ ಶಿಕ್ಷಕಿ ಮಾಲತಿ ದಿನೇಶ್ ಬರಿಯೆರೆ ಉಲ್ಲೆರ್. ಶ್ರೀ ಕಾಶೀ ಯುವಕ ಮಂಡಲ ಅಧ್ಯಕ್ಷೆರ್ ದಿವಾಕರ ನಾಯಕ್, ಮಾಜಿ ಅಧ್ಯಕ್ಷೆರ್ ವಿ.ಕೆ ನಾರಾಯಣ ಸಾಲ್ಯಾನ್ ಕೊಪ್ಪಳ, ಶ್ರೀ ಕಾಶೀ ಮಹಿಳಾ ಮಂಡಲ ಅಧ್ಯಕ್ಷೆರ್ ವನಿತಾ ಚಂದ್ರಹಾಸ, ವಿಟ್ಲ ಪಟ್ಟಣ ಪಂಚಾಯತಿ ಸದಸ್ಯೆರ್ ರವೀಶ್ ವಿಟ್ಲ ಬೊಕ್ಕ ವಸಂತ ಕಬ್ಬಿನಹಿತ್ಲು ಗೌರವ ಉಪಸ್ಥಿತಿಡ್ ಉಲ್ಲೆರ್. ಅಂಚನೆ ಈ ಲೇಸ್ ಗ್ ನಿಕುಲು ಮಾತ ಬತ್ ದ್, ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಶ್ರೀ ಕಾಶೀ ಯುವಕ ಮಂಡಲ (ರಿ.) ಕಾಶೀಮಠ ವಿಟ್ಲ, ಶ್ರೀ ಕಾಶೀ ಮಹಿಳಾ ಮಂಡಲ ಕಾಶೀಮಠ ವಿಟ್ಲದ ಅಧ್ಯಕ್ಷೆರ್, ಪದಾಧಿಕಾರಿಲು ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.