ಗಡಿನಾಡ್ ದ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿಗ್ ನಂದಳಿಕೆ ನಾರಾಯಣ ಶೆಟ್ಟಿ ಆಯ್ಕೆ

ಬೊಂಬೈ: ಗಡಿ ಪ್ರದೇಶವಾಯಿನ ಕಾಸ್ರೋಡುಡ್ ಕನ್ನಡ ಭಾಷೆ ಸಂಸ್ಕೃತಿ ಕಲೆ ನೆತ್ತ ಅಭಿವೃದ್ಧಿಗಾದ್ ರಚನೆ ಆಯಿನ ಗಡಿನಾಡ್ ದ ಸಾಹಿತ್ಯ ಸಾಂಸ್ಕೃತಿಕ ಅಕಾಡೆಮಿ, ಕನ್ನಡ ಸೇವೆನ್ ಗುರ್ತ ಮಲ್ತ್ ದ್, ಗಡಿನಾಡ್ ದ ಕನ್ನಡ ರಾಜ್ಯೋತ್ಸವ ಪ್ರಶಸ್ತಿಗ್ ಬೊಂಬೈದ ಸಾಹಿತಿ, ರಂಗನಟೆ ನಿರ್ದೇಶಕೆರ್ ನಾರಾಯಣ ಶೆಟ್ಟಿ ನಂದಳಿಕೆ ಮೆರೆನ್ ಆಯ್ಕೆ ಮಲ್ದ್ಂಡ್.

ಡಿಸೆಂಬರ್ 11 ತಾರೀಕ್ ದಾನಿ ಕೇರಳದ ಕನ್ನಡಿಗೆರೆನ್ ಒಟ್ಟು ಮಲ್ತ್ ದ್ ಗಡಿನಾಡ ಕನ್ನಡ ರಾಜ್ಯೋತ್ಸವನ್ ಕಾಸ್ರೋಡುದ ಸರ್ವಿಸ್ ಕೋ ಆಪರೇಟಿವ್ ಬ್ಯಾಂಕ್ ಹಾಲ್ ಡ್ ಆಚರಣೆ ಮಲ್ಪುನ ಪೊರ್ತುಡು ಈ ಪ್ರಶಸ್ತಿನ್ ನಾರಾಯಣ ಶೆಟ್ಟಿ ನಂದಳಿಕೆ ಮೆರೆಗ್ ಕೊರ್ರೆ ಉಂಡು. ನವ್ಯ ಕನ್ನಡ ಸಾಹಿತ್ಯದ ಮುಂಗೋಳಿ ಪಂದೇ ಪುದರ್ ಪಡೆಯಿನ ಮಹಾಕವಿ ಮುದ್ದಣ್ಣ ಪುಟ್ಟಿನ ದಕ್ಷಿಣ ಕನ್ನಡದ ಒಡಿಪು ಜಿಲ್ಲೆದ ನಂದಳಿಕೆಡ್ 1952 ಜೂನ್ 10 ದಾನಿ ಪುಟ್ಟುದು ಇಪ್ಪುನ ನಾರಾಯಣ ಶೆಟ್ಟಿ ಮೇರ್ ಸುರುತ ವಿದ್ಯಾಭ್ಯಾಸ ಪುಟ್ಟಿನ ಊರುಡೇ ಮಲ್ತ್ ದ್, ಎಲ್ಯೆರ್ದೆ ಬೊಂಬೈಗ್ ಬತ್ತಿನ ಮೇರ್ ಬೊಕ್ಕ ನನದ ವಿದ್ಯಾಭ್ಯಾಸನ್ ಪಗೆಲ್ ಬೇಲೆ ಮಲ್ಪುನೊಟ್ಟಿಗೆ ರಾತ್ರೆ ಶಾಲೆಡ್ ಕಲ್ತೆರ್. ಕನ್ನಡ ಬೊಕ್ಕ ತುಳು ಭಾಷೆಡ್ ಲೇಖನ, ಕಬಿತೆ, ನಾಟಕ, ಸಾಹಿತ್ಯ ಬೊಕ್ಕ ರಂಗಭೂಮಿಡ್ ಇಂಚನೆ ಬೇತೆ ಬೇತೆಟ್ ಬೆಂದಿನ ಅನುಭವ ಉಂಡು ಮೆರೆಗ್, ಅಂಚನೆ ಹಿಂದಿ ಮರಾಠಿ ಭಾಷಾಂತರದೊಟ್ಟಿಗೆ ಸದ್ಯ ಮಹಾರಾಷ್ಟ್ರ ಶಾಸನದ ರಂಗಭೂಮಿ ಸೆನ್ಸರ್ ಬೋರ್ಡ್ ಡ್ ತುಳು ಕನ್ನಡ ವಿಭಾಗದ ರಂಗಾ ಕೃತಿ ಪರಿ ನಿರೀಕ್ಷಕೆ ಪನ್ಪುನ ಇಸೇಸ ಗೌರವಗ್ ಮೇರ್ ಪಾತ್ರರಾತೆರ್. ಮೇರ್ ಬರೆತಿನ ತುಳು ಬೊಕ್ಕ ಕನ್ನಡ ನಾಟಕದ ಸಂಖ್ಯೆ 25ಕ್ಕ್ ಹೆಚ್ಚ. ಪ್ರಕಟ ಆಯಿನ ಕೃತಿಲು 3, ಬೊಜ್ಜ ತುಳು ನಾಟಕಗ್ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿದೊಟ್ಟಿಗೆ ಉಂದು “ಶುದ್ಧ” ಪನ್ಪುನ ತುಳು ಸಿನಿಮಾವಾದ್ ಅಂತರಾಷ್ಟ್ರೀಯ 7 ಪ್ರಶಸ್ತಿನ್ ಪಡೆತ್ಂಡ್. ಬಂಟರ ಸಂಘದ ಮುಖವಾಣಿ ಬಂಟರ ವಾಣಿದ ಸಂಪಾದಕೆರ್ ಮಂಡಳಿಡ್ ಕರಿನ ರಡ್ಡ್ ದಶಕಲೆರ್ದ್ ಇಪ್ಪುನ ಮೇರ್ ಬರೋಡ, ಸಾಂಗ್ಲಿ, ನಾಸಿಕ್, ಕೊಲ್ಲಾಪುರ, ಕಾರ್ಲ, ನಂದಳಿಕೆ, ಒಡಿಪು ಬೇತೆ ಬೇತೆ ಕಡೆಟ್ ಮಾನಾದಿಗೆ ತಿಕ್ದ್ಂಡ್. ಅಂಚನೆ ರಂಗಸಾಧಕ ಪ್ರಶಸ್ತಿ, ರಂಗ ನಮನ ಪ್ರಶಸ್ತಿ, ರಂಗ ಚತುರ ಪ್ರಶಸ್ತಿ, ಪೆರ್ಮೆದ ತುಳುವೆ ಪ್ರಶಸ್ತಿ, ಬೊಂಬೈ ವಿಶ್ವವಿದ್ಯಾನಿಲಯರ್ದ್ ರಂಗ ಗೌರವ, ಬಿಲ್ಲವರ ಅಸೋಸಿಯೇಶನ್ ರ್ದ್ ಗೌರವ ಅತ್ತಂದೆ ಬೇತೆ ಬೇತೆ ಸಂಘ-ಸಂಸ್ಥೆಲೆರ್ದ್ ನೂದೆರ್ದ್ ಹೆಚ್ಚ ತಮ್ಮನ ಗೌರವವನ್ ಪಡೆತೆರ್. ಪುಗರ್ತೆದ “ಫಿಲಿಫ್ಸ್ ಇಂಡಿಯಾ” ಸಂಸ್ಥೆಡ್ ಬೆಂದ್ಂದ್ ಸ್ವ ನಿವ್ರತ್ತಿ ದೆತೊಂದು ಸದ್ಯ ಬೊಂಬೈ ಬೊಕ್ಕ ಊರುದ ರಂಗ ಕ್ಷೇತ್ರಡ್ ಇತ್ತೆರ್. ಇಂಚಿಪ್ಪ ಬಂಟರ ಸಂಘ ಕೊರ್ಪುನ ವೈ ಜಿ. ಶೆಟ್ಟಿ ಸ್ಮಾರಕ ಪ್ರಶಸ್ತಿ, ಪೊವಾಯಿ ಕನ್ನಡ ಸಂಘದ ಬೊಳ್ಳಿ ಪರ್ಬದ ಪೊರ್ತುಡು ಕನ್ನಡ ಜ್ಯೋತಿ ಪ್ರಶಸ್ತಿ, ವಿಜಯ ಕಲಾವಿದೆರ್ ಕಿನ್ನಿಗೋಳಿ ಮೆರೆನ ಬೊಳ್ಳಿ ಪರ್ಬದ ಪೊರ್ತುಡು ಇಸೇಸ ರಂಗ ಗೌರವ, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ವತಿರ್ದ್ ದಾಖಲೀಕರಣ ಆಪುನ ಕಣಜಡ್ ಬರವುದ ಬಿರ್ಸೆ ಅಭಿದಾನ, ಕನ್ನಡ ವೆಲ್ಫೇರ್ ಸೊಸೈಟಿದ 54ನೇ ವಾರ್ಷಿಕ ಉಚ್ಚಯದ ಪೊರ್ತುಡು ಇಸೇಸ ತಮ್ಮನ ಇಂಚ ಪತ್ತ್ ಸುಮಾರ್ ಪ್ರಶಸ್ತಿ ಗಲಸಿನ ಬೊಂಬೈ ಸಾಹಿತಿ, ಕವಿ, ಲೇಖಕೆ ಸಂಘಟಕೆ ನಾರಾಯಣ ಶೆಟ್ಟಿ ಮೆರೆನ ಸರಳ ಸಜ್ಜನಿಕೆದ ವ್ಯಕ್ತಿತ್ವ ಇತ್ತಿನರ್. ಇಂಚಿಪ್ಪ ಮೇರ್ ಬರೆದ್ ನಿರ್ದೇಶನ ಮಲ್ತಿನ ತುಳುನಾಡ ರಾಣಿ ಅಬ್ಬಕ್ಕ ಐತಿಹಾಸಿಕ ನಾಟಕ ಮಸ್ತ್ ಜನಪ್ರಿಯ ಆತ್ಂಡ್.

Nandalike Narayan Shetty selected for Gadinada Kannada Rajyotsava award

Mumbai,Nov 29th: Gadinada Sahitya Samskritika Akademi was formed in Kasaragod to encourage art, literature and culture of the border areas.The Gadinada Rajyotsava award is presented to identify and appreciate the talents of these regions.
Nandalike Narayan Shetty litterateur, theatre artiste and director from Mumbai has been selected for this prestigious award.The program for the presentation of the award is scheduled for December 11th at Kasaragod; and aims at bringing together all kannadigas from Kerala .

Bron at Nandalike in Udupi district; the birthplace of poet Mudanna ; Narayan Shetty a pioneer in new Kannada literature, was born on June 10th ,1952.After his primary education in his home town he came down to Mumbai for further studies.He is well versed and experienced in the field of theatre,writing and poetry.
He has more than 25 kannada and Tulu dramas to his credit.His Tulu drama ‘Bojja’ has won the Sahitya Academy award and has been made into a movie ‘ Shuddha ‘ that has won 7 international awards .

He has been actively engaged as an editorial board member of the Bantara Sangha magazine ‘ Bantara Vani’ from the past two decades.
He has been conferred with many prestigious awards by various associations all over the country.
He is a retired employee of ‘Phillips India ‘ settled in Mumbai and is now active in literary and cultural activities.
A multi talented personality , simple and mild mannered his recently written and directed historical play ” Tulunaduda Rani Abbakka” was well received by the audience.