ದಕ್ಷಿಣ ಕನ್ನಡ ಜಿಲ್ಲೆಡ್ ಪೊಯ್ಯೆ ದೆಪ್ಪರೆ ಅವಕಾಶ: ಜಿಲ್ಲಾಡಳಿತ ನಿರ್ಧಾರ

ಕುಡ್ಲ: ದಕ್ಷಿಣ ಕನ್ನಡ ಜಿಲ್ಲೆದ ಕರಾವಳಿ ನಿಯಂತ್ರಣ ವಲಯಡ್ ಸಾಂಪ್ರದಾಯಿಕವಾದ್ ಪೊಯ್ಯೆ ದೆಪ್ಪುನ ಬೇಲೆನ್ ಸುರು ಮಲ್ಪರೆ ಜಿಲ್ಲಾಡಳಿತ ಅವಕಾಶ ಕೊರ್ತುಂಡು.

ಏಳ್ ಜನ ಸದಸ್ಯೆರೆನ ಸಮಿತಿಡ್ ಈ ನಿರ್ಧಾರ ದೆತೊಂದುಂಡು ಪಂದ್ ಜಿಲ್ಲಾಧಿಕಾರಿ ರವಿಕುಮಾರ್ ಎಂ ಆರ್ ತೆರಿಪಾದೆರ್. ಸಿಆರ್ ಜಡ್ ವ್ಯಾಪ್ತಿಡ್ ಕಾರ್ಮಿಕೆರೆಗ್ ಮಾತ್ರ ಅವಕಾಶ ಕೊರ್ತುಂಡು. ಮುಲ್ಪ ಒವ್ವೇ ಅಕ್ರಮ ನಡಪರೆ ಇಜ್ಜಿ. ಮಿಷಿನ್ ಗಲಸರೆ ಇಜ್ಜಿ, ಮರಳು ದಿಬ್ಬದ ಕೈತಲ್ ಸಿಸಿಟಿವಿ ಪಾಡ್ದ್ ನಿಗಾ ದೆತೊನೊವ,ಆ್ಯಪ್ ಮುಖೇನ ಮಾತ್ರ ಪೊಯ್ಯೆ ಬಟವಾಡೆ ಮಲ್ಪರೆ ಅವಕಾಶ ಕೊರ್ತ ಪಂದ್ ರವಿಕುಮಾರ್ ಪಂಡೆರ್.