ಶಬರಿಮಲೆ: ವಿಶ್ವ ಪುಗರ್ತೆದ ಭಾರತದ ಕೇರಳ ರಾಜ್ಯದ ಶಬರಿಮಲೆಟ್ ಇನಿರ್ದ್ ಮಂಡಲಂ ಮಕರವಿಳಕ್ಕು ಪೂಜೆ ಸುರು ಆಯೆರೆ ಉಂಡು. ಈ ಪೂಜೆ ನನ ರಡ್ಡ್ ತಿಂಗೊಲ್ ನಡಪರೆ ಉಂಡು.
ಈ ಉಚ್ಚಯೊಗಾದ್ ದೇವಲ್ಯದ ಬಾಕಿಲ್ ನ್ ಬುಧಾರ ಬಯ್ಯಗ್ ದೈದೆರ್. ಶ್ರೀಕ್ಷೇತ್ರೊಗು ಈ ಸರ್ತಿ ಪೊಸ ತಂತ್ರಿಲಾದ್ ಕೆ. ಜಯರಾಮ್ ನಂಬೂದಿರಿ ಮೇರ್ ಬೈದೆರ್. ಕೊರೊನಾ ಇತ್ತಿನ ಕಾರಣ ಕರಿನ ರಡ್ಡ್ ವರ್ಷ ಹೆಚ್ಚದ ಸಂಖ್ಯೆಡ್ ಜನ ಸೇರಿಯೆರೆ ಇಜ್ಜಿ ಪಂದ್ ನಿರ್ಬಂಧ ಪಾಡ್ದ್ ಇತ್ಂಡ್. ಆಂಡ ಈ ಸರ್ತಿ ಲಕ್ಷಾಂತರ ಸಂಖ್ಯೆಡ್ ಭಕ್ತೆರ್ ಶಬರಿಮಲೆ ಯಾತ್ರೆಡ್ ಪಾಲ್ ಪಡೆಪೆರ್ ಪಂದ್ ನಿರೀಕ್ಷೆ ಉಂಡು. ಶಬರಿಮಲೆ ಮಾರ್ಗಡ್ ಬಿಗಿ ಪೊಲೀಸ್ ಬಂದೋಬಸ್ತ್ ಪಡ್ದೆರ್. ಭದ್ರತೆಗಾದ್ ಸುಮಾರ್ 13,000 ಸಿಬ್ಬಂದಿ ಬೊಕ್ಕ ಸಿಸಿ ಕ್ಯಾಮರ ಪಾಡ್ದೆರ್.
pallavi shetty