ಧಾರವಾಡ: ಕಾಂತಾರಾ ಪಿಕ್ಚರ್ ಡ್ ಇತ್ತಿನ ಭೂತಕೋಲ ಆಚರಣೆ ವಿಚಾರವಾದ್ ಚಿತ್ರನಟೆ ಚೇತನ್, ಭೂತಕೋಲ ಹಿಂದೂ ಸಂಸ್ಕೃತಿ ಅತ್ತ್ ಪಂದ್ ಹೇಳಿಕೆ ಕೊರ್ದು ಇತ್ತೆರ್. ಇತ್ತೆ ಮೇರೆನ ಮಿತ್ತ್ ರಡ್ಡನೇ ಕೇಸ್ ದಾಖಲ್ ಆತ್ಂಡ್.
ಮೇರೆನ ಮಿತ್ತ್ ಕೋಡೆ ಒಡಿಪು ಜಿಲ್ಲೆದ ಕಾರ್ಲ ಪೊಲೀಸ್ ಠಾಣೆಡ್ ಹಿಂದೂ ಜಾಗರಣಾ ವೇದಿಕೆದ ಕಾರ್ಯಕರ್ತೆರ್ ದೂರು ಕೊರ್ದು ಇತ್ತೆರ್. ಇನಿ ಧಾರವಾಡದ ಉಪನಗರ ಠಾಣೆಡ್ ಹಿಂದೂ ಜಾಗರಣಾ ವೇದಿಕೆ ಕಾರ್ಯಕರ್ತೆರ್ ದೂರು ದಾಖಲ್ ಮಲ್ದೆರ್. “ಚೇತನ್ ಭಾರತದ ಪ್ರಜೆನೇ ಅತ್ತ್. ಮುಲ್ಪ ಬತ್ತ್ ದ್ ಹಿಂದೂ ಧರ್ಮನ್ ರಡ್ಡ್ ಮಲ್ಪುನ ಬೇಲೆ ಮಲ್ತೊಂದು ಉಲ್ಲೆರ್. ಇಂಚಾದ್ ಕೂಡ್ಲೆ ಮೇರೆನ್ ಬಂಧನ ಮಲ್ಪೊಡು” ಪಂದ್ ಒತ್ತಾಯ ಮಲ್ದೆರ್.
pallavi shetty