ಕುಮಾರ್

ಎಲ್ಲೆರ್ದ್ ರಡ್ಡ್ ಚಕ್ರದ ಗಾಡಿಡ್ ರಡ್ಡ್ ಜನ ಪೋಯೆರೆ ಇಜ್ಜಿ ; ಅಲೋಕ್ ಕುಮಾರ್

Aug 4, 2022

ಎಲ್ಲೆರ್ದ್ ರಡ್ಡ್ ಚಕ್ರದ ಗಾಡಿಡ್ ರಡ್ಡ್ ಜನ ಪೋಯೆರೆ ಇಜ್ಜಿ ; ಅಲೋಕ್ ಕುಮಾರ್

ಕುಡ್ಲ : ಸುರತ್ಕಲ್ ಡ್ ನಡತಿನ ಫಾಝಿಲ್ ಹತ್ಯೆ ಆಯಿಬೊಕ್ಕ ಪಾಡಿನ ಸೆಕ್ಷನ್ 144 ನಿಷೇಧಾಜ್ಞೆನ್ ಸಡಿಲಿಕೆ ಮಲ್ಪರೆ ಎಡಿಜಿಪಿ ಅಲೋಕ್ ಕುಮಾರ್ ಸೂಚನೆ ಕೊರ್ತೆರ್ .

ಕುಡ್ಲಡ್ ಪಾಡ್ಡಿನ ನಿಷೇಧಾಜ್ಞೆಗ್ ಸಂಬಂಧಿ ಇನಿ ಪೊಲೀಸ್ ಆಯುಕ್ತೆರ್ನ ಕಚೇರಿಡ್ ನಡತಿನ ಸಭೆಟ್ ಆರ್ ಅಧಿಕಾರಿಲೆಗ್ ಸೂಚನೆ ಕೊರ್ತೆರ್.

ಫಾಝಿಲ್ ಮರ್ಡರ್ ಆಯಿನ ನೆಲೆಟ್ಟ್ ಅಹಿತಕರ ಘಟನೆನ್ ತಡೆಯೆರೆ ನಗರ ಆಯುಕ್ತೆರ್ ಜುಲೈ 28 ರ್ದ್ ಆಗಸ್ಟ್ 5 ತಾರಿಕ್ ಮುಟ ಬಯ್ಯಗ್ 6 ಗಂಟೆರ್ದ್ ಕಾಂಡೆ 6 ಗಂಟೆ ಮುಟ ಜನಕ್ಲೆಗ್ ನಿರ್ಬಂಧ ಪಾಡ್ದಿತ್ತೆರ್ .

ಈ ನಡುಟು ಕುಡ್ಲ ಸಹಜ ಸ್ಥಿತಿಗ್ ಬರೊಂದು ಉಪ್ಪುನ ನೆಲೆಟ್ಟ್ ಕಾರಣ ಆಗಸ್ಟ್ 5ರ್ದ್ ಬೊಕ್ಕ ಹಂತ ಹಂತವಾದ್ ನಿಷೇಧಾಜ್ಞೆನ್ ಸಡಿಲ ಮಲ್ಪರೆ ಎಡಿಜಿಪಿ ಅಲೋಕ್ ಕುಮಾರ್ ಅಧಿಕಾರಿಲೆಗ್ ಸೂಚನೆ ಕೊರ್ತೆರ್ .

ನಿಷೇಧಾಜ್ಞೆನ್ ಸಡಿಲಿಕೆ ಮಲ್ತಿ ಬೊಕ್ಕ ಒಂಜಿ ವಾರ ಬೈಕ್’ ಡ್ ಪಿರವು ಕುಲ್ಲೆರೆ ಅವಕಾಶ ಇಜ್ಜಿ ಈ ಪೊರ್ತುಡು ಜೋಕುಲು , ಪೆರಿಯಾಕುಲು ಬೈಕ್’ಡ್ ಪೋಯೇರೆ ಅವಕಾಶ ಕೊರ್ತೆರ್ . ಜವಣ್ಯೆರ್ ಪಿರವುಡು ಕುಲ್ಲೆರೆ ಬಲ್ಲಿ ಪಂದ್ ಪಂತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ನಳಿನ್ ಕುಮಾರ್ ನ ಕಾರ್ ಡ್ರೈವರ್ ಆದ್ ಇತ್ತಿನ ಪ್ರವೀಣ್ ದೂರ ಆಯಿನಿ ದಾಯೆ ? ನಳಿನ್ ಕುಮಾರ್ ಕಟೀಲ್ ನ್ ಇಚಾರಣೆ ಮಲ್ಪರೆ ಪೊಲೀಸ್ ದಕ್ಲೆಗ್ ಒತ್ತಾಯ ಮಲ್ತಿನ ಸಿದ್ದರಾಮಯ್ಯ

Jul 29, 2022

ನಳಿನ್ ಕುಮಾರ್ ನ ಕಾರ್ ಡ್ರೈವರ್ ಆದ್ ಇತ್ತಿನ ಪ್ರವೀಣ್ ದೂರ ಆಯಿನಿ ದಾಯೆ ? ನಳಿನ್ ಕುಮಾರ್ ಕಟೀಲ್ ನ್ ಇಚಾರಣೆ ಮಲ್ಪರೆ ಪೊಲೀಸ್ ದಕ್ಲೆಗ್ ಒತ್ತಾಯ ಮಲ್ತಿನ ಸಿದ್ದರಾಮಯ್ಯ

ಬೆಂಗ್ಳೂರು: ತೀರ್ ಪೋಯಿನ ಪ್ರವೀಣ್ ನೆಟ್ಟಾರ್ ಒಂಜಾತ್ ಕಾಲ ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲ್ ಆರ್ನ ಕಾರ್ ಡ್ರೈವರ್ ಆದ್ ಬೇಲೆ ಮಲ್ತೊಂದು ಇತ್ತಿನಾರ್ ಆತ್ ಕೈತಲ್ ಸಂಭಂದ ಇತ್ತಿನಾರ್ ಬೇಲೆ ಬುಡಿನಿ ದಾಯೆ? ಪೊಲೀಸೆರ್ ನಳಿನ್ ಕುಮಾರ್ ಕಟೀಲ್ ವಿಚಾರಣೆ ಮಲ್ಪುಲೇ ಪಂದ್ ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಒತ್ತಾಯ ಮಲ್ದೆರ್ .

ಹಿಂದುನಕುಲು ಸೈತುಂಡ ಮುಸ್ಲಿಮ್ ದಕ್ಲೆನ ಮಿತ್ತ್ , ಮುಸ್ಲಿಮೆರ್ ಸೈತೆರ್ಡ ಹಿಂದುನಕ್ಲೆನ ಮಿತ್ತ್ ಸಂಶಯ ಮಲ್ಪುನವು ಸಾಮಾನ್ಯ . ಪೊಲೀಸ್ ತನಿಖೆಲಾ ನೆತ್ತ ಮಿತ್ತೆ ಆಪಿನವು ಅಂಚದ್ ಇಚಾರ ಅಡೆಗೆ ಮುಚ್ಚುoಡು. ಪೊಲೀಸಸೆರ್ ಅರೆನ್ ವಿಚಾರಣೆ ಮಲ್ತೆರ್ಡ ದುಷ್ಕರ್ಮಿಲೆನ್ ಪತ್ತೆ ಮಲ್ಪರೆ ಸಾಕಾರ ಆಪುಂಡು ಪಂದ್ ಪಂಡೆರ್
.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ದೇವೆರೆ ಪಾದೋ ಸೇರ್ಯೆರ್ ಕುಡ್ಲದ ಸಂತೋಷ್ ಕುಮಾರ್ ಕೊಟ್ಟಿoಜ

May 14, 2022

ಕುಡ್ಲ : ಕುಡ್ಲದ ಬಿಲ್ಡರ್ ಮಾಲಕ, ಕಟ್ಟಡ ವಿನ್ಯಾಸಕಾರೆ , ಸಮಾಜ ಸೇವಕೆ ಸಂತೋಷ್ ಕುಮಾರ್ ಕೊಟ್ಟಿಂಜ (43) ಹುಷಾರ್ ದಾoತೆ ಶುಕ್ರವಾರ ಕಾಂಡೆ ಕುಡ್ಲದ ಖಾಸಗಿ ಆಸ್ಪತ್ರೆಡ್ ತೀರ್ ಪೋಯೆರ್.
ಮೃತೆರ್ ಅಪ್ಪೆ , ಬೊಡೆದಿ , ಮಗೆ ಬೊಕ್ಕ ಇಷ್ಟ ಮಿತ್ರೆರೆರ್ದ್ ದೂರ ಆತೆರ್.

ಕುಡ್ಲಡ್ ಕಟ್ಟಡ ವಿನ್ಯಾಸಕಾರೆರಾಯಿನ ಮೇರ್ ಬಂಟ್ವಾಳ ಸಜಿಪ ನಾರಾಯಣಗುರು ಜ್ಞಾನ ಮಂದಿರ, ಸುಂಕದಕಟ್ಟೆ ನಿರಂಜನ ಸ್ವಾಮೀಜಿ ಸಮಾದಿ, ಗೆಜ್ಜೆಗಿರಿ ಕ್ಷೇತ್ರ ಸೇರಿನಂಚ ಅವ್ವೆತೋ ಕ್ಷೇತ್ರದ ಕಟ್ಟಡ ವಿನ್ಯಾಸ, ಮಾರ್ಗದರ್ಶಕೆರಾದ್ ಆದ್ ಇತ್ತೆರ್ . ಗುರುಚಾರಿಟೇಬಲ್ ಟ್ರಸ್ಟಿಯಾದ್ ಸಾಮಾಜಿಕ, ಧಾರ್ಮಿಕ ಕ್ಷೇತ್ರಗ್ ತನ್ನನೆ ಕೊಡುಗೆ ಕೊರಿನ ಮಾಮಲ್ಲ ವ್ಯಕ್ತಿ.

Santosh Kumar Kootinja from Mangalore no more.

Mangalore: Architect, social worker and builder from Mangalore Santosh Kumar Kootinja (43) expired on Friday after a brief illness.He is survived by his mother,wife,son and a host of well wishers and friends.

An architect by profession he had designed the Sajipa Narayan Guru Gyan Mandir, Sunkadakatte Niranjan Swamiji Samadhi, Gejjegiri kshetra and many others.
As trustee of Guru charitable trust he has taken lead in a host of charitable activities for the society.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕುಡ್ಲ : ಡಾ. ಎಂ.ಎನ್. ರಾಜೇಂದ್ರ ಕುಮಾರ್ ಗ್ ‘ಸಾಧನ‌ಚಕ್ರವರ್ತಿ’ ಪ್ರಶಸ್ತಿ

Feb 24, 2022

ಕುಡ್ಲ : ಐಕಳಬಾವ ಕಾಂತಾಬಾರೆ ಬೂದಾಬಾರೆ ಕುಂಬಳ ಸಮಿತಿ, ಐಕಳ ಬೊಕ್ಕ ಮುಂಬಯಿ ವತಿರ್ದ್ ಫೆ. 26ಕ್ಕ್ ನಡಪುನ ಐಕಳ ಕಂಬುಲ ಉಚ್ಚಯೋಡು ದ.ಕ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್‌ ಬೊಕ್ಕ ಕರ್ನಾಟಕ ರಾಜ್ಯ ಸಹಕಾರ ಮಾರಾಟ ಮಹಾಮಂಡಳದ ಗುರ್ಕಾರ್ಲಾಯಿನ ಡಾ| ಎಂ.ಎನ್‌. ರಾಜೇಂದ್ರ ಕುಮಾರ್‌ ಮೆರೆಗ್ “ಸಾಧನ ಚಕ್ರವರ್ತಿ’ ಪ್ರಶಸ್ತಿ ಕೊರಿಯೆರೆ ಉಲ್ಲಾ ಪಂದ್ ಕಂಬುಲ ಉಚ್ಚಯ ಸಮಿತಿದ ಗುರ್ಕಾರ್ಲಾಯಿನ ಐಕಳಬಾವ ದೇವಿಪ್ರಸಾದ್‌ ಶೆಟ್ಟಿ ಬೆಳಪು ಪಂತೆರ್ .

ಎಸ್‌ಸಿಡಿಸಿಸಿ ಬ್ಯಾಂಕ್‌ ಗುರ್ಕಾರ್ಲಾದ್ 28 ವರ್ಷರ್ದ್ ಸಹಕಾರ ಕ್ಷೇತ್ರೊಡು ಸಾರ್ಥಕ ಸೇವೆ ಮಲ್ತೊಂದು ಉಪ್ಪುನ ಡಾ| ರಾಜೇಂದ್ರ ಕುಮಾರ್‌ ಬ್ಯಾಂಕ್ನ್ “ಜನಸ್ನೇಹಿ’ ಬ್ಯಾಂಕಕ್ ಆದ್ ರೂಪಿಸಾಯಿನ ಪುಗಾರ್ತೆ ಪಡೆತೆರ್ . ಗ್ರಾಮೀಣ ಪ್ರದೇಶೊಡು ಬ್ಯಾಂಕಿಂಗ್‌ ಸೇವೆದ ಪರಿಕಲ್ಪನೆನ್ ಅನುಷ್ಠಾನ ಮಲ್ತ್ ಸಹಕಾರಿ ರಂಗಗ್ ಪೊಸ ಆಯಾಮ ಕಂತ್ ಕೊರಿನಾರ್.

ಫೆ.24 ಕ್ಕ್ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮೆರೆನ 73ನೇ ಪುಟ್ಟು ಪರ್ಬದ ಗೌಜಿ

Feb 21, 2022

ಕುಡ್ಲ,ಫೆ.21: ಫೆಬ್ರವರಿ 24 ಕ್ಕ್ ‘ಸಹಕಾರ ರತ್ನ’ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮೆರೆನ 73ನೇ ಪುಟ್ಟು ಪರ್ಬದ ಗೌಜಿ ಬೊಕ್ಕ ಮಾನಾದಿಗೆದ ಲೇಸ್ ಅಂಚನೆ ಫಲಾನುಭವಿಲೆಗ್ ಸವಲತ್ತು ಕೊರ್ಪಿನ ಕಾರ್ಯಕ್ರಮ ನಡಪರೆ ಉಂಡು ಪಂದ್ ಅಭಿನಂದನಾ ಸಮಿತಿದ ಅಧ್ಯಕ್ಷೆರ್ ಐಕಳಬಾವ ದೇವಿಪ್ರಸಾದ್ ಶೆಟ್ಟಿ ಸುದ್ದಿಗೋಷ್ಠಿಡ್ ಪಂಡೆರ್.

ಸಹಕಾರಿ ಕ್ಷೇತ್ರ ದುಂಬು ಬರ್ರೆ ತನ್ನನೇ ಆಯಿನ ಕೊಡುಗೆನ್ ಕೊರೊಂದ್ ದ.ಕ.ಜಿಲ್ಲಾ ಸಹಕಾರಿ ಬ್ಯಾಂಕ್ (ಎಸ್ಸಿಡಿಸಿಸಿ ಬ್ಯಾಂಕ್ ) ರಾಜ್ಯ ಬೊಕ್ಕ ರಾಷ್ಟ್ರ ಮಟ್ಟಡ್ ಗುರುತಿಸಾದ್ಂಡ್. ಬ್ಯಾಂಕ್ ದ ಬುಳೆಚ್ಚಿಲ್ ಗ್ ಪ್ರಾಮಾಣಿಕ ರೀತಿಡ್ ಸಾರ್ಥಕತೆನ್ ತೋಜಾಯಿನ ಬ್ಯಾಂಕ್ ಅಧ್ಯಕ್ಷೆರ್ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮಾತೆರ್ನಲ ಪ್ರೀತಿ-ವಿಶ್ವಾಸನ್ ಪಡೆತ್ತಿನಾರ್. ಅವಿಭಜಿತ ದ.ಕ. ಜಿಲ್ಲೆದ ಮಾದರಿ ಸಹಕಾರಿ ನಾಯಕೆರಾದ್ ರಾಜ್ಯ ಮಟ್ಟಡ್ ಲ ಪುದರ್ ನ್ ಪಡೆಯಿನ ‘ಸಹಕಾರ ರತ್ನ’ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮೇರ್ 73 ನೇ ಪುಟ್ಟುಪರ್ಬದ ಗೌಜಿನ್ ಮಲ್ಪರೆ ಜಿಲ್ಲೆದ ಸಮಸ್ತ ಸಹಕಾರಿಲು ತೀರ್ಮಾನ ಮಲ್ತ್ ದ. ಅಂಚಾದ್ ಫೆ.24ಕ್ಕ್ ಕಾಂಡೆ 10.30 ಗ್ ಎಸ್ ಸಿಡಿಸಿಸಿ ಬ್ಯಾಂಕ್ ದ ಸಭಾಂಗಣಡ್ ಪುತ್ತಿಗೆ ಮಠತ್ತ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಜಿ ಮುತಾಲಿಕೆಡ್ ರಾಜೇಂದ್ರ ಕುಮಾರ್ ಮೆರೆನ ಪುಟ್ಟು ಪರ್ಬನ್ ಆಚರಣೆ ಮಲ್ಪರೆ ಉಂಡು. ಅಂಚನೆ ಮಾನಾದಿಗೆದ ಲೇಸ್, 73 ಫಲಾನುಭವಿಲೆಗ್ ಸವಲತ್ತು ಕೊರ್ಪಿನ ಲೇಸ್ ನಡಪರೆ ಉಂಡು ಪಂದ್ ದೇವಿಪ್ರಸಾದ್ ಶೆಟ್ಟಿ ಸುದ್ದಿಗೋಷ್ಠಿಡ್ ತೆರಿಪಾದೆರ್.

ಸವಲತ್ತು ಕೊರ್ಪಿನ ಲೇಸ್ ನ್ ಉದ್ಯಮಿ ಆಯಿನ ನಾಡೋಜ ಜಿ.ಶಂಕರ್, ಜಾಗತಿಕ ಬಂಟರ ಸಂಘದ ಒಕ್ಕೂಟ, ಬೊಂಬಾಯಿ ಉಂದೆತ್ತ ಅಧ್ಯಕ್ಷೆರ್ ಐಕಳ ಹರೀಶ್ ಶೆಟ್ಟಿ ಅಂಚನೆ ಅದಾನಿ ಫೌಂಡೇಶನ್ ದಕ್ಷಿಣ ಭಾರತದ ಅಧ್ಯಕ್ಷೆರ್ ಕಿಶೋರ್ ಅಳ್ವ ನಡಪಾದ್ ಕೊರಿಯರ್ ಉಲ್ಲೆರ್. ಉಭಯ ಜಿಲ್ಲೆದ ಸಹಕಾರಿ ಯೂನಿಯನ್ ದ ಅಧ್ಯಕ್ಷೆರ್ ಆಯಿನ ಜಯಕರ್ ಶೆಟ್ಟಿ ಇಂದ್ರಾಳಿ, ಬಿ.ಪ್ರಸಾದ್ ಕೌಶಲ್ ಶೆಟ್ಟಿ ಮಲ್ಲ ಬಿನ್ನೆರಾದ್ ಲೇಸ್ ಡ್ ಪಾಲ್ ಪಡೆಯರೇ ಉಲ್ಲೆರ್.

ಸುದ್ದಿಗೋಷ್ಠಿಡ್ ಅಭಿನಂದನಾ ಸಮಿತಿದ ಕಾರ್ಯದರ್ಶಿ ಭಾಸ್ಕರ್ ಎಸ್.ಕೋಟ್ಯಾನ್, ಸದಸ್ಯೆರ್ ಆಯಿನ ವಿನಯಕುಮಾರ್ ಸೂರಿಂಜೆ, ಶಶಿಕುಮಾರ್ ಬೊಲ್ಯೋಟ್ಟು, ಜಯರಾಮ ರೈ, ವಾದಿರಾಜ ಶೆಟ್ಟಿ, ಸದಾಶಿವ ಉಳ್ಳಾಲ , ರಾಜು ಪೂಜಾರಿ, ಅಶೋಕ್ ಕುಮಾರ್, ಹರಿಶ್ಚಂದ್ರ, ರಾಜೇಶ್ ರಾವ್, ಬ್ಯಾಂಕ್ ದ ವ್ಯವಸ್ಥಾಪನ ನಿರ್ದೇಶಕೆರ್ ರವೀಂದ್ರ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಕಾರ್ಲದ ಸುದ್ದಿ Karkala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ರಾಷ್ಟ್ರ ಮಟ್ಟದ ಅತ್ಯುತ್ತಮ ಯೋಗ ಗುರು ಮಾನಾದಿಗೆ ಪಡೆಯಿನ ಕೆ ಅಶೋಕ್ ಕುಮಾರ್

Jan 21, 2022

ಕುಡ್ಲ : ಆನ್ ಲೈನ್ ಆಲ್ ಸ್ಪೋರ್ಟ್ಸ್ ಯೋಗಾಸನ ಸ್ಪೋರ್ಟ್ಸ್ ಚಾಂಪಿಯನ್ ಶಿಪ್ ಬೊಕ್ಕ ಇಂಟರ್ನ್ಯಾಷನಲ್ ವರ್ಕ್ ಶಾಪ್-2021ಫೈವ್ ಸ್ಟಾರ್ ವೆಲ್ ಪ್ಯಾರ್ ಸ್ಪೋರ್ಟ್ಸ್ ಕ್ಲಬ್ ಯೋಗಾಸನ ಸ್ಪೋರ್ಟ್ಸ್ ಪೆಡರೇಷನ್ ಇಂಡಿಯಾ, ವರ್ಲ್ಡ್ ಯೋಗಾಸನಾ ಸ್ಪೋರ್ಟ್ಸ್ ರೆಕಾರ್ಡ್ ಬುಕ್ ಬೊಕ್ಕ ಫಿಟ್ ಇಂಡಿಯಾ ಮೆಕ್ಲೆನ ಒಟ್ಟು ಸೇರಿಗೆಡ್ ನಡತಿನ ಯೋಗ ಮಾನಾದಿಗೆ 2020-21 ಟ್ಟ್ ಅತ್ಯುತ್ತಮ ಯೋಗಗುರು ಮಾನಾದಿಗೆನ್ ಕೆ .ಅಶೋಕ್ ಕುಮಾರ್ (ಅಂತರಾಷ್ಟ್ರೀಯ ಯೋಗ ಪಟು, ಗೋಲ್ಡನ್ ಬುಕ್ ಆಫ್ ವರ್ಲ್ಡ್ ರೆಕಾರ್ಡ್ಸ್) ಮೇರ್ ಪಡೆತೆರ್.ಮೇರ್ ನಿರಂತರ ಯೋಗ ಶಿಕ್ಷಣ ಕೇಂದ್ರ ಜೋಡುರಸ್ತೆ ಮುಲ್ಪದ ಯೋಗ ಶಿಕ್ಷಕೆಯಾದ್ ಉಲ್ಲೆರ್ .

Nationwide Best Yoga Teacher Award K Ashok Kumar (International Yogurt and Golden Book of Records)

Online All Sports Yogasan Sports Championships and International Workshop -2021
Five Star Well Parer Sports Club Yogasana Sports Federation India, World Yogasana Sports Record Book and Fit India Awarded by Y Ashok Kumar (International Yoga Award, Golden Book of World Records). Kudos have been introduced to the national level through yoga. He is the Yoga Teacher of the Year at the Center for Continuing Yoga Education.

Uncategorized ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಯು.ಪಿ.ಎಂ.ಸಿಯ ಟೇಕ್ವಾಂಡೋ ಪಟು ಸೂರಜ್ ಕುಮಾರ್ ಗ್ ಬಂಗಾರ್ದ ಪದಕ

Dec 8, 2021

ಬೆಂಗ್ಳೂರು : ಆಜ್ಞಾದಿ ಕಾ ಅಮೃತ್ ಮಹೋತ್ಸವ ಫಿಟ್ ಇಂಡಿಯಾ ಓಪನ್ ನ್ಯಾಷನಲ್ ಟೇಕ್ವಾಂಡೋ’ ಚಾಂಪಿಯನ್ ಶಿಪ್ 2021ಡ್ ಕುಂಜಿಬೆಟ್ಟು ಉಪೇಂದ್ರ ಪೈ ಮೆಮೋರಿಯಲ್ ಕಾಲೇಜ್ದ ಟೇಕ್ವಾಂಡೋ ಪಟು ಸೂರಜ್ ಕುಮಾರ್ಗ್ ಬಂಗಾರ್ದ ಪದಕ ಬೈದುಂಡು .

ಜೆಪಿ ಪಾರ್ಕ್ ಟೇಕ್ವಾಂಡೋ ಟ್ರೈನಿಂಗ್ ಸೆಂಟರ್ (ರಿ) ಬೆಂಗ್ಳೂರು ಮೆಕ್ಲೆನ ಒಟ್ಟು ಸೇರಿಗೆಡ್ ಡಿ.4 ಬೊಕ್ಕ 5 ತಾರೀಖ್ ಗ್ ನಡತಿನ ‘ಟೇಕ್ವಾಂಡೋ ಚ್ಯಾಂಪಿಯನ್ ಶಿಪ್ 2021’ ಟ್ಟ್ ಒಡಿಪು ಜಿಲ್ಲಾ ಕೇಂದ್ರನ್ ಪ್ರತಿನಿಧಿಸಾದ್ ಸೀನಿಯರ್ ಬಾಯ್ ಅಂಡರ್ 60 ಕೆ.ಜಿ ಬೊಕ್ಕ ಆಂಜೊವ್ಲೆನ ವೈಯಕ್ತಿಕ ಈ ಭಾಗಡ್ ಸುರುತ ಮಾನಾದಿಗೆ ಪಡೆದ್ ಬಂಗಾರ್ದ ಪದಕ ಪಡೆತೆರ್.ಕಾಲೇಜ್ದ ಆಡಳಿತ ಮಂಡಳಿ, ಪ್ರಾಚಾರ್ಯೆರ್ ಬೊಕ್ಕ ಉಪನ್ಯಾಸಕ ಅಂಚನೆ ಬೋಧಕೇತರ ಸಿಬ್ಬಂದಿ ವರ್ಗದಕುಲು ಅಂಚನೆ ಜೋಕುಲು ಎಡ್ಡೆಪ್ಪುನು ಬಯಕಿಯೆರ್.

U.P.M.C. Taekewondo artist Suraj Kumar bags gold

Bangalore : At Azadi ka Amrit Mahotsav- Fit India Open National Taekwondo championships 2021 ; Suraj Kumar from Upendra Pai Memorial college bagged gold

The Taekewondo Championships 2021 was organised at Bangalore by JP park Taekewondo Training Center (R) on December 4th and 5th. Representing Udupi district in the senior boys under 60 kg and Anjovlen personal category he won the first place.The principal,staff, students and the management congratulated Suraj on his achievement.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಈದು ಪಾಡ್ಯಾರಮನೆ ಅಜಿತ್ ಕುಮಾರ್ ಜೈನ್ರು

Jul 1, 2021

ಅಜಿತ್ ಕುಮಾರ್ ಜೈನೆರ್ 90ನೇ ದಶಕಡ್ ( ಹೆಚ್ಚಿನಂಶ 1994 – 95) ಕಂಬುಲ ಕ್ಷೇತ್ರಗ್ ಓಟಗಾರೆರಾದ್ ಪಾದಾರ್ಪಣೆ ಮಲ್ತೆರ್.
ಈದು ಕಂಬುಲದ ರುವಾರಿ ಆದ್ 18 ವರ್ಷ ಈದುದ “ಜಯ-ವಿಜಯ” ಜೋಡುಕರೆ ಕಂಬುಲನ್ ಯಶಸ್ವಿ ಸಂಘಟನೆ ಮಲ್ತುದು..”ಮಿಯ್ಯಾರ್ ದೊಲ್ದಬೆಟ್ಟು ಧರ್ಮಪಾಲ್ ಜೈನ್ರ್” ನ ಎರ್ಲೆನ್ ಸುರುಕಾದ್ ಕುದಿಟ್ ಕಾಂಡೆ ಗಿಡಾದ್ ಅವ್ವೆ ದಿನ ಮದ್ಯಾಹ್ನ “ಕೊಳಕೆ ಇರ್ವತ್ತೂರು ಭಾಸ್ಕರ ಸುಬ್ಬಯ್ಯ ಕೋಟ್ಯಾನ್ರೆ”ನ ಎರ್ಲೆನ್ ಗಿಡಾಯೆರ್…. ತನ್ನ ಅಣ್ಣೆ ಅಶೋಕ್ ಕುಮಾರ್ ಜೈನ್ರ್ ಪಾರುನ ಪೊರ್ತುಡು ಅಜಿತೆರ್ ಲಾ ಗಿಡವುನ ಆಸಕ್ತಿ ಡ್ ಇತ್ತೆರ್.

ಸುರುಕಾದ್ ಮೂಡಬಿದ್ರಿ ಪಾದೆ ಸುರೇಂದ್ರ ಕುಮಾರ್ರೆನ ಬಲ್ಲ್ ದ ಎಲ್ಯ ಎರ್ಲೆನ್ ಗಿಡಾದ್ ಸುರುಕಾದ್ ಈದು ಕಂಬುಲಡೆ ಪ್ರಥಮವಾದ್ ಬಹುಮಾನ ಪಡೆಯೆರ್. ನಾಯೆರ್ದ ಮಲ್ಲ ವಿಭಾಗಡ್ ಸುರುಕು “ಗೊಳ್ತಮಜಲು ಉಗ್ಗಪ್ಪ ಪಂಡಿತೆರ್ನ” ನಾಯೆರ್ದ ಮಲ್ಲ ಎರ್ಲೆನ್ ಗಿಡಾದ್ ಬಹುಮಾನ ಪಡೆಯೆರ್,(ಗೊಳ್ತಮಜಲ್ದ ಎರ್ಲು ರಡ್ಡ್ ಮೋಡನಕುಲು. ಪೊಯ್ಯೆದ ಕೂಟಡ್ ಬಾರಿ ಪಾರೊಂದು ಇತ್ತ) ಮಸ್ತ್ ಕಂಬುಲಡ್ ಅಣ್ಣ ಮೆಗ್ಯಗ್ ಸಾಲ್ ಬೂರ್ದುನ ಸಂದರ್ಭಲಾ ಉಂಡು..ಅಜಿತನ್ನೆ..ಗೊಳ್ತಮಜಲುದ ಎರ್ಲೆನ ನಾಯೆರ್ ಪತ್ತೊಂದು ಇತ್ತಿನ ಪೊರ್ತು…..ಆ ವರ್ಷ…ಆಯಿನ 3 ಕಂಬುಲಡ್ ಲಾ… ಕೊಳಕೆದ ಎರ್ಲು ನಾಯರ್ಡ್ ಒಂಜನೇ ಬಹುಮಾನ ಅಶೋಕೆರ್ ಗಿಡಾವರೆ… ಬೊಕ್ಕೊಂಜಿ ಕಂಬುಲ ಉಪ್ಪಿನಂಗಡಿ 16 ನೇ ಸಾಲ್ಡ್ ಗೊಳ್ತಮಜಲು vs ಕೊಳಕೆಗ್ಲಾ ಸಾಲ್…ಕಡಂಬೆರ್ ಮೈಕ ಡ್.. “ಈದು ಕಂಬುಲದ ವ್ಯವಸ್ಥಪಾಕೆರ್ ಕರೆಟ್ ಉಲ್ಲೆರ್….. ವಿಜಯ ಕರೆ ಅಣ್ಣಗ್ ವಿಕ್ರಮ ಕರೆ ಮೆಗ್ಯಗ್ ಎರ್ಲೆನ್ ಬುಡಿಯೆರ್…..ರಡ್ಡ್ ಎರ್ಲುಲಾ… ಅರ್ಧ ಕರೆ ಮುಟ ಸಮಾ…ಸಮಾ…. ಅರ್ಧ ಕರೆಟ್ ಅಜಿತೆರ್ ನಾಯರ್ ಪಗತ್ ದ್ ಮಾತ್ತದ ಮೋಡಗ್ ಒಂಜಿ ಸುಲ್ತಾನ್ ಪೆಟ್ಟ್ ಕೊರಿಯೆರ್

ಅರ್ಧ ಕರೆರ್ದ್ ಬೊಕ್ಕ… ಗೊಳ್ತಮಜಲು ದ ಮೋಡ ನಕ್ಲೆನ ಸ್ಪೀಡ್…ಆ ವರ್ಷದ ಉಪ್ಪಿನಂಗಡಿ, ಕಂಬುಲ ದ ಒಂಜನೇ ಇನಾಮು ಗೊಳ್ತಮಜಲುದ ಎರ್ಲೆಗ್… ಬೊಕ್ಕ “ಕಕ್ಕೆಪದವು ಪುನ್ಕೆದಡಿ ಅಣ್ಣು ಭಂಡಾರೆನ್ ನಾಯೆರ್ದ ಎರ್ಲೆನ್ ಗಿಡಾದ್ ಮೆಡಲ್ ಪಡೆಯೆರ್..ಬಲ್ಲ್ ದ ಮಲ್ಲ ವಿಭಾಗೊಡು “ಬೆಳುವಾಯಿ ಸದಾನಂದ ಶೆಟ್ರ್”* ನ ಎರ್ಲೆನ್ ಗಿಡಾದ್ (1998 – 99 ಸೀರಿಸ್) ಪವನ್ದ ಗೊಂಚಿಲ್ ದ ಬಹುಮಾನ (ಮೂಲ್ಕಿ ಕಂಬುಲ, ಕವಲುಕಟ್ಟೆ ಕಂಬುಲ, ಅಡ್ವೆ ನಂದಿಕೂರ್ದ ಕಂಬುಲ)ಒಂ ಜಿ ವರ್ಷ 32 ಪವನ್ ಬೆಳುವಾಯಿ ಸದಾನಂದ ಶೆಟ್ರೆಗ್ ದೆತ್ತ್ ಕೊರ್ನ ಓಟಗಾರ್ರ್ ಈದು ಪಾಡ್ಯಾರಮನೆ ಅಜಿತ್ ಕುಮಾರ್ ಜೈನ್ರ್. ಅವೆರ್ದ್ ಬೊಕ್ಕ “ಬೋಳಂತೂರ್ ಗುತ್ತು ಗಂಗಾಧರ ರೈ” ಕ್ಲೆನ (2001) ಬೋಳಂತೂರ್ ಕಾಟಿ + ಮಾತಿಬೆಟ್ಟು,ಬೆಳುವಾಯಿಡ್ಡ್ ಬೋಳಂತೂರು ಗ್ ಬತ್ತಿಬೊಕ್ಕ ಈ ಜತೆನ್ ಗಿಡಾಯಿನಾರ್ ಈದು ಅಜಿತೆರ್. ಮಸ್ತ್ ಮೆಡಲ್ ಮಲ್ದೆರ್…..ಬೊಕ್ಕ,ಬೋಳಂತೂರು ಕಾಟಿ + ಮುನ್ನೆ, ಬೋಳಂತೂರು ಕಾಟಿ + ಉದ್ಯಾವರ.ಈ ಜತೆ ಟ್ಲಾ ಅಜಿತೆರ್ ಮೆಡಲ್ ಮಲ್ದೆರ್..ಅವೆರ್ದ್ ಬೊಕ್ಕ ಕಾರ್ಕಳ ಜೀವನ್ದಾಸ್ ಅಡ್ಯಂತಾಯೆರ್ನ ಬಲ್ಲ್ ದ ಎರ್ಲೆನ್ ಗಿಡಾದ್ ಬಹುಮಾನ ಪಡೆಯೆರ್….ಅವೆರ್ದ್ ಬೊಕ್ಕ ನಾಯೆರ್ ದ ಎಲ್ಯ ವಿಭಾಗೊಡು “ಕೆರುವಾಶೆ ಅರುಣ್ ಕುಮಾರ್ ಜೈನ್ರ್”ನ ನಾಗು + ಕಾರ್ಲದ ಜೀವೆರ್ ನ ಮುಖೇಶನ್ಲಾ ಜತೆ ಮಲ್ತುದು ಸೀರಿಸ್ ಮೆಡಲ್ (2006 – 07) ಮಲ್ದೆರ್…

ಆ ನಂತರ ಬಲ್ಲ್ ದ ಮಲ್ಲ ವಿಭಾಗೊಡು ” ಅತ್ತೂರು ಗುಂಡ್ಯಡ್ಕ ಬೋಳ ಶ್ರೀನಿವಾಸ್ ಕಾಮತೆರ್ನ” ಎರ್ಲೆನ್ ಗಿಡಾದ್ ಮೆಡಲ್ ಮಲ್ದೆರ್.. ಬೊಕ್ಕ ನಮ್ಮ *ಕಂಬುಲ ಅಕಾಡೆಮಿ* ದ ತರಬೇತಿದ ವಿಷಯಗ್ ಬರ್ಪುನು ಆಂಡಾ… ಅಕಾಡೆಮಿಡ್ ಜವನೆರೆಗ್ ಗಿಡಾವುನ ತರಬೇತಿ ಕೊರ್ನಗ ರಡ್ಡ್ ದಿನ ಅಜಿತನ್ನೆ ಬರ್ಪೆರ್. ಪ್ರತೀ ಜವನೆರೆಗ್ ಸುಲಲಿತವಾದ್ ಗಿಡಾವುನ ಮಾಹಿತಿ ಕೊರೊಂದು ಆತ್ಮವಿಶ್ವಾಸ ದಿಂಜಾವುನ ಕ್ರಮ ಅವ್ವು ಅಜಿತನ್ನಡ್ಡ್ ಮಾತ್ರ ಸಾಧ್ಯ.
ಬೊಕ್ಕ ಸಾಲ್ ದ ಸಮಯಡ್….
ಟೈಟ್ ಫೈಟ್ ದ ಸ್ಪರ್ಧೆದ ಕ್ಲೋಸ್ ಫಿನಿಶಿಂಗ್ ( 0.03/0.06) ಡ್ ,ಸೋಲು ಗೆಲುವುದ ವಿಚಾರ ವಿಮರ್ಶೆಡ್ ಅಜಿತಣ್ಣನ ಅಭಿಪ್ರಾಯ ಅವ್ವು ಫೈನಲ್.ಕಂಬುಲದ ಬಗ್ಗೆ ಅಜಿತೆರೆನ ಆಳವಾಯಿನ ಜ್ಞಾನಡ್ಡ್ ಮಾತ್ರ ನಿಖರವಾದ್ ಪನರೆ ಸಾಧ್ಯ ಆದಿಪ್ಪು.

ಅಂಚೆನೆ ಅಕಾಡೆಮಿಡ್ ತರಬೇತಿ ಕೊರೊಂದು ಎರ್ಲೆನ್ ಬುಡ್ಪವರ ಲಾ ಪ್ರಯತ್ನ ಮಲ್ತುದು….
“ಬಾರಾಡಿ ಬೀಡುದ ಡಾ.ಜೀವಂಧರ್ ಬಳ್ಳಾಲ್ರ್ “ನ ನೇತೃತ್ವಡ್ ಆಪುನ “ಸೂರ್ಯ-ಚಂದ್ರ” ಜೋಡುಕರೆ ಕಂಬುಲಡ್ ಕೊಳಕೆ ಇರ್ವತ್ತೂರು ಭಾಸ್ಕರ್.ಎಸ್. ಕೋಟ್ಯಾನ್ರ್ ನ ಮಾರ್ಗದರ್ಶನಡ್ ಒರಿ ತೀರ್ಪುಗಾರೆರಾದ್ ಪ್ರಯತ್ನ ಮಲ್ತೆರ್….ಇನಿ ಕಂಬುಲಡ್ ಫ್ಲಾಗ್ ಡ್ ಯಶಸ್ವಿ ಕಾರ್ಯ ನಿರ್ವಾಹಣೆ ಮಲ್ತೊನ್ದು ಉಲ್ಲೆರ್…ಅಂಚೆನೆ ಕಂಬುಲಡ್ ಪಾರುನ ಕಂಜಿಲೆನ ಸೆಲೆಕ್ಷನ್ ವಿಷಯಡ್…ಈದು ಅಜಿತ್ ಕುಮಾರ್ ಜೈನ್ರು ಕಂಬುಲ ಕ್ಷೇತ್ರಡ್ ಮೂಡುದು ಬೈದಿನ ಅದ್ಭುತ ಪ್ರತಿಭೆ.

ಕಂಬುಲ ಆಯೋಜನೆದ ಪ್ರತಿಯೊಂಜಿ ಹಂತದ ವ್ಯವಸ್ಥೆಡ್ ಅತ್ಯಂತ ಅನುಭವಿ ವ್ಯಕ್ತಿ.
ಅವ್ವತ್ತಂದೆ ಗಿಡವೆರ್ಲೆನ ಪಾರುನ ರೀತಿದ ಸ್ವಭಾವದ ಬಗ್ಗೆ, ಅಂಚೆನೆ ಕಂಬುಲದ ಸ್ಪರ್ಧೆಡ್(ಸಾಲ್ಡ್ )ಎರ್ಲು ಪಾರುನ ವಿಚಾರೊಡು “ಎರ್ಲೆನ ನಡವಳಿಕೆ ಬಗ್ಗೆ ಅಪಾರ ಜ್ಞಾನ, ಅನುಭವ ಇಪ್ಪುನ ಕೆಲವೇ ಕೆಲವು ಬೆರಳೆಣಿಕೆದ ನಿಷ್ಣಾತ ತಜ್ಞರೆನ ಪೈಕಿ ಅಗ್ರಸ್ಥಾನೊಡು ಇಪ್ಪುನಾರ್ ನಮನ ಅಜಿತನ್ನೆ.”

ಪೌರ ಕಾರ್ಮಿಕೆ ಅರುಣ್ ಕುಮಾರ್ ಗ್ ಹೊಸ ಅಂಗಣದ ಮಾನಾದಿಗೆ

May 27, 2021

ಮುಲ್ಕಿ : ಕೋವಿಡ್ ದಂಚಿನ ಸೀಕ್ ದ ಪೊರ್ತುಡು ತನ್ನ ಜೀವದ ಮಿತ್ತ್ ದ ಆಸೆ ದೀವಂದೆ ಪ್ರಾಮಾಣಿಕವಾದ್ ಸ್ವಚ್ಛತೆದ ಕೆಲಸ ಮಲ್ಪುನ ಪೌರ ಕಾರ್ಮಿಕೆರೆನ್ ನಮ ನಿಜವಾದ್ ಲ ಗುರ್ತಿಸಾದ್ ಗೌರವ ಮಲ್ಪೊಡು ಪಂಡ್ ದ್ ಧರ್ಮದರ್ಶಿ ಹರಿಕೃಷ್ಣ ಪುನರೂರು ಪಂಡೆರ್.
ಮುಲ್ಕಿಡ್ ಗುರುವಾರ ಕಾಂಡೆ ನಡತಿನ ಹೊಸ ಅಂಗಣ ಪತ್ರಿಕೆದ ಸಂಚಿ ಬುಡುಗಡೆ ಬೊಕ್ಕ “ತಿಂಗೊಲ್ದ ಬೊಲ್ಪು” ಸರಣಿ ಮಾನಾದಿಗೆದ ಲೇಸ್ ದ ಗುರ್ಕಾರ್ಮೆ ಒಯಿಸ್ ದ್ ಆರ್ ಪಾತೆರಿಯೆರ್.
ಮುಲ್ಕಿ ರೋಟರಿ ಕ್ಲಬ್ ದ ಗುರ್ಕಾರ್ಲು ಅಶೋಕ್ ಕುಮಾರ್ ಶೆಟ್ರ್ ಪಾತೆರ್ದ್, ಕೊರೊನಾ ವಾರಿಯರ್ಸ್ ನ್ ಮಾನಾದಿಗೆ ಮಲ್ದಿನ ಹೊಸ ಅಂಗಣ ಪತ್ರಿಕೆದ ಕೆಲಸ ಮೆಚ್ಚೊಡಾಯಿನವು ಪಂಡೆರ್.

ಉಂದುವೇ ಪೊರ್ತುಡು ಮುಲ್ಕಿ ನಗರ ಪಂಚಾಯ್ತಿದ ಪೌರ ಕಾರ್ಮಿಕೆ ಅರುಣ್ ಕುಮಾರ್ ಮೆರೆನ ಮಾನಾದಿಗೆ ನಡತ್ಂಡ್.
ಮುಲ್ಕಿ ಬಿಲ್ಲವ ಸಂಘದ ಗುರ್ಕಾರ್ಲು ರಮೇಶ್ ಅಮೀನ್ ಕೊಕ್ಕರಕಲ್, ನಿವೃತ್ತ ಪ್ರಾಚಾರ್ಯೆರ್ ವೈ.ಎನ್.ಸಾಲ್ಯಾನ್, ಪುರಂದರ ಸಾಲ್ಯಾನ್, ಅಬ್ದುಲ್ ರಜಾಕ್ ಮೊಕುಲು ಮಾತ ಬಿನ್ನೆರಾದ್ ಬತ್ತಿತ್ತೆರ್.ಹೊಸ ಅಂಗಣ ಪತ್ರಿಕೆದ ಸಂಪೊಲಿಗೆದಾರ್ ಡಾ.ಹರಿಶ್ಚಂದ್ರ ಪಿ.ಸಾಲ್ಯಾನ್ ಬಿನ್ನೆರೆನ್ ಎದ್ಕೊಂಡೆರ್.ವಿಜಯ ಕುಮಾರ್ ಕುಬೆವೂರು ಲೇಸ್ ನಡಪಾದ್ ಕೊರಿಯೆರ್.