ಒಡಿಪು : ಕರಿನ ತಿಂಗೊಲು ಗಾಡಿದ ಅಪಘಾತಡ್ ತೀರ್ ಪೋಯಿನ ಹಿರಿಯಡಕ ಮೇಳದ ಪ್ರಸಿದ್ಧ ಕಲಾವಿದೆರಾಯಿನ ವೇಣೂರು ವಾಮನ ಕುಮಾರ್ ಮೆರೆನ ಬೊಡೆದಿ ಆಶಾ ಮೆರೆಗ್ ಒಡಿಪುದ ಯಕ್ಷಗಾನ ಕಲಾರಂಗದ ವತಿರ್ದ್ ಐವ ಸಾರ ರೂಪಾಯಿದ ಸಾಂತ್ವಾನ ನಿಧಿನ್ ಫೆ. 4 ತಾರೀಖ್ ಗ್ ಹಿರಿಯಡಕ ಮೇಳದ ಮತ್ತರ್ಮೆಡ್ ಕೊರಿಯೆರ್ .
ಯಕ್ಷಗಾನ ಕಲಾರಂಗದ ಉಪಾಧ್ಯಕ್ಷ ಎಸ್.ವಿ. ಭಟ್, ಪಿ. ಕಿಶನ್ ಹೆಗ್ಡೆ, ಕಾರ್ಯದರ್ಶಿ ಮುರಲಿ ಕಡೆಕಾರ್, ಜತೆ ಕಾರ್ಯದರ್ಶಿ ನಾರಾಯಣ ಎಮ್. ಹೆಗಡೆ ಪಾಲ್ ಪಡೆದಿತ್ತೆರ್ . ಉಂದುವೇ ಪೊರ್ತುಡು ಶ್ರೀನಿವಾಸ ರಾವ್ ಮುತಾಲಿಕೆಡ್ ಹಿರಿಯಡಕದ ನಾಗರಿಕೆರೆರ್ದ್ ಒಟ್ಟು ಮಲ್ತಿನ ಒಂಜಿ ಲಕ್ಷ ರೂಪಾಯಿ ಬೊಕ್ಕ ಮೇಳದ ಕಲಾವಿದೆರೆರ್ದ್ ಒಟ್ಟು ಮಲ್ತಿನ ಮುಪ್ಪತ್ತ ರಡ್ಡ್ ಸಾರ ರೂಪಾಯಿದ ಪಣವುನು ಕಲಾವಿದನ ಕುಟುಂಬಗ್ ಕೊರಿಯೆರ್ .
pallavi shetty