February 20, 2022

ಪುತ್ತೂರು : ಹಿಜಾಬ್ ಲಡಾಯಿ ,ತರಗತಿ ಬುಡ್ದು ಪೋಯಿನ ಜೋಕುಲು – ಕಾಲೇಜ್ಗ್ ರಡ್ಡ್ ದಿನ ರಜೆ

Feb 20, 2022

ಪುತ್ತೂರು: ರಾಜ್ಯೋಡು ಭಾರೀ ಚರ್ಚೆ ಆವೊಂದು ಉಪ್ಪುನ ಹಿಜಾಬ್ ಲಡಾಯಿ ಇತ್ತೇ ಕುಡ್ಲದ ಕೆಲವು ಕಡೆಟ್ ಸುರು ಆತುಂಡು. ಪುತ್ತೂರುದ ಸರಕಾರಿ ಪ್ರಥಮ ದರ್ಜೆ ಕಾಲೇಜ್ ಗ್ ಹಿಜಾಬ್ ಪಾರ್ದ್ ಬತ್ತಿನ ಪೊಣ್ಣನ್ ಪ್ರಾಂಶುಪಾಲೆರ್ ಉಂತಾದೆರ್

ಹಿಜಾಬ್ ಪಾಡ್ದ್ ತರಗತಿದ ಉಲಯಿ ಪ್ರವೇಶ ಕೊರಿಯೆರೆ ಕಾಲೇಜು ಪ್ರಾಂಶುಪಾಲೆರ್ ಬುಡoದಿನ ನೆಲೆಟ್ಟ್ ಪೊಣ್ಣುಲು ತರಗತಿ ಬುಡ್ದು ಪಿದಾಯಿ ಪೋತೆರ್, ಉಂದೆನ್ ತೂಯಿನ ಕೆಲವು ಜೋಕುಲು ಅಕ್ಲೆಗ್ ಹಿಜಾಬ್ ಪಾಡ್ದ್ ತರಗತಿಡ್ ಕುಲ್ಲೆರೆ ಅವಕಾಶ ಕೊರೊಡು ಪಂದ್ ಕಾಲೇಜು ಆಡಳಿತ ಮಂಡಳಿ ದಕ್ಲೆಡ ಬಿನ್ನಾಪು ಮಲ್ತೆರ್ . ಅಪಗನೆ ಜಾಗೆಗ್ ಬತ್ತಿನ ಪೋಲಿಸೆರ್ ಪರಿಸ್ಥಿತಿ ಕೈಮೀರಂದಿಲಕ ತೂತೆರ್ .
ಹಿಜಾಬ್ ವಾರ್ ಕುಡ ದುಂಬರಿಯಂದಿಲಕ ತಡೆಯೆರೆ ಇತ್ತೇ ಪುತ್ತೂರುದ ಪ್ರಥಮ ದರ್ಜೆ ಕಾಲೇಜ್ಗ್ ರಡ್ಡ್ ದಿನ ರಜೆ ಕೊರ್ತೆರ್ .

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News ವಿದ್ಯೆಗ್ ಸಂಬಂದ ಪಟ್ಟಿನ ಮಾಹಿತಿ | Education Information

ಪದವಿ ಕಾಲೇಜ್ಗ್ ಡ್ರೆಸ್ ಕೋಡ್ ಖಡ್ದಾಯ : ಸಚಿವ ಅಶ್ವಥ್ ನಾರಾಯಣ ಸ್ಪಷ್ಟನೆ

Feb 20, 2022

ಕರ್ನಾಟಕ : ಡಿಗ್ರಿ ಕಾಲೇಜು ಜೋಕ್ಲೆಗ್ ಸದ್ಯೋಗೂ ಒವ್ವೆ ಡ್ರೆಸ್ ಕೋಡ್ ಇಜ್ಜಿ , ಒವ್ವೆ ರೀತಿದ ವಸ್ತ್ರನ್ ಮುಕ್ತವಾದ್ ಪಾಡೋಲಿ ಪಂದ್ ಅಂಗಾರೆ ಹೇಳಿಕೆ ಕೊರಿನ ಉನ್ನತ ಶಿಕ್ಷಣ ಸಚಿವ ಸಿ.ಎನ್. ಅಶ್ವತ್ಥ ನಾರಾಯಣ ಇತ್ತೇ ಉಲ್ಟಾ ಆಕ್ದೆರ್ .

ಈ ಸಂಬಂಧ ಸರಣಿ ಟ್ವೀಟ್ ಮಲ್ತಿನ ಅಶ್ವತ್ಥ ನಾರಾಯಣ, ಶಿಕ್ಷಣ ಸಂಸ್ಥೆಲು ಬೊಕ್ಕ ಕಾಲೇಜ್ ಅಭಿವೃದ್ಧಿ ಸಮಿತಿ ಸೂಚಿಸಾಯಿನ ವಸ್ತ್ರ ಸಂಹಿತೆ ಬಗ್ಗೆ ಹೈಕೋರ್ಟ್ ಕೊರಿನ ಆದೇಶ ಸ್ಪಷ್ಟವಾದ್ ಉಂಡು . ಉಂದುವೇ ಆದೇಶ ಸರ್ಕಾರಿ ಬೊಕ್ಕ ಖಾಸಗಿ ಪಿಯುಸಿ, ಡಿಗ್ರಿ ಕಾಲೇಜ್ಗ್ಲಾ ಅನ್ವಯ ಆಯೆರೆ ಉಂಡು ಪಂದ್ ಪಂತೆರ್.

ಕುಡೊಂಜಿ ಟ್ವೀಟರ್ ಡ್ ಪದವಿ ಪೂರ್ವ, ಪದವಿ ಕಾಲೇಜುದ ಕಾಲೇಜು ಅಭಿವೃದ್ಧಿ ಮಂಡಳಿ ಸೂಚಿಸಾಯಿನ ವಸ್ತ್ರ ಸಂಹಿತೆನ್ ಮಾತಾ ಜೋಕುಲು ಕಡ್ಡಾಯವಾದ್ ಪಾಲಿಸಾವೊಡು ಪಂದ್ ಆದೇಶ ಕೊರ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಸಾಹಿತಿ ಗುರುರಾಜ ಮಾರ್ಪಳ್ಳಿ ಮೆರೆನ ಕೊಳಲಿನ ಸ್ವರ ಬೂಕು ಬುಡುಗಡೆ

Feb 20, 2022

ಕುಡ್ಲ : ಸಾಹಿತಿ ಗುರುರಾಜ ಮಾರ್ಪಳ್ಳಿ ಮೆರೆನ ಕೊಳಲಿನ ಸ್ವರ ಅನುಭವ ಕಥನ ಬೂಕುನು ಕೋಡೆ ಪಿರಿಯಸಾಹಿತಿ ವೈದೇಹಿ ಮಣಿಪಾಲದ ಇರುವಂತಿಗೆ ಇಲ್ಲಡ್ ಬುಡುಗಡೆ ಮಲ್ತೆರ್ . ಕಲೆಯ ಪ್ರಪಂಚದ ಉನ್ನತ ಸಾಧಕೆರ್ನ ಅನುಭವದ ದಾಖಲೆಲು ವರ್ತಮಾನ ಜಗತ್ತ್ ಗ್ ಅಗತ್ಯವಾದ್ ಉಂಡು ಐರ್ದ್ ಪೊಸ ಜನಾಂಗ ಪ್ರೇರಣೆ

ಪಡೆಯೆರೆ ಸಾಧ್ಯ ಪಂದ್ ಕೃತಿದ ಬಗ್ಗೆ ವೈದೇಹಿ ಪಂಡೆರ್.

ಗುರುರಾಜ ಮಾರ್ಪಳ್ಳಿ ಪಾತೆರ್ದ್ ತಾನ್ ಬರೆಯೆರೆ ಶ್ರೀಮತಿ ವೈದೇಹಿ ಮೆರೆನ ಪ್ರೇರಣೆನೇ ಕಾರಣ ಆದ್ ಉಂಡು , ಕಲೆತ ಪ್ರಪಂಚಡ್ ಬೇಲೆ ಮಲ್ತಿನ ಉದ್ದಾಮ ವ್ಯಕ್ತಿತ್ವಲಾಯಿನ ಕಾರಂತ ಬಿ.ವಿ.ಕಾರಂತ, ಕೆ.ವಿ.ಸುಬ್ಬಣ್ಣ, ಕೆರೆಮನೆ ಶಂಭು ಹೆಗಡೆ, ಮಹಾಬಲ ಹೆಗಡೆ ಮೆಕ್ಲೆನ ಒಟ್ಟುಗು ಪಡೆಯಿನ ನೆಂಪು ಪಟ್ಟೋನ್ಡೆರ್ . ಈ ಪೊರ್ತುಡು ಒಡಿಪು ತಾಲೂಕು ಕನ್ನಡ ಸಾಹಿತ್ಯ ಪರಿಷತ್ತ್ ದ ಗುರ್ಕಾರ್ಲಾಯಿನ ರವಿರಾಜ್ ಎಚ್.ಪಿ ಪಾಲ್ ಪಡೆದಿತ್ತೆರ್.

ಕುಂಜಾರುಗಿರಿ ಶ್ರೀ ದುರ್ಗಾದೇವಿ ದೇವಲ್ಯ : ಮಹಾರಥೋಚ್ಚಯ

Feb 20, 2022

ಬಂಟ್ವಾಳ : ಕುಂಜಾರು ಗಿರಿ ಶ್ರೀ ದುರ್ಗಾದೇವಿ ದೇವಲ್ಯೊಡು ಆಡಳಿತದಾರೇರಾಯಿನ ಅದಮಾರು ಮಠಾಧೀಷೆರಾಯಿನ ಶ್ರೀ ವಿಶ್ವ ಪ್ರಿಯ ತೀರ್ಥ ಶ್ರೀಪಾದೆರ್ನ ಮುತಾಲಿಕೆಡ್ ಮಹಾರಾಥೋತ್ಸವ ಬಾರಿ ಗೌಜಿಡ್ ನಡತ್oಡ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಉಪ ತಹಶೀಲ್ದಾರ್ ಶ್ರೀದೇವಿ ಮೆರೆಗ್ ಕರವೇ ಕಾರ್ಯಂತೆರೆರ್ದ್ ಮಾನಾದಿಗೆ

Feb 20, 2022

ಮಡಿಕೇರಿ : ಕೊಡಗು ಜಿಲ್ಲೆದ ಸೋಮವಾರಪೇಟೆ ತಾಲೂಕುದ ಶನಿವಾರಸಂತೆ ಹೋಬಳಿ ಕಂದಾಯ ಇಲಾಖೆಗ್ ಪೊಸತಾದ್ ನೇಮಕ ಆಯಿನ ಶ್ರೀದೇವಿ ಮೆರೆಗ್ ಶಿವರಾಮೇಗೌಡರ ಕರ್ನಾಟಕ ರಕ್ಷಣಾ ವೇದಿಕೆರ್ದ್ ಮಾನಾದಿಗೆ ಮಲ್ತೆರ್.

ಈ ಪೊರ್ತುಡು ಕರವೇ ಸೋಮವಾರಪೇಟೆ ತಾಲ್ಲೂಕು ಕಾರ್ಯದರ್ಶಿ ರಾಮನಳ್ಳಿ ಪ್ರವೀಣ್ ಪಾತೆರ್ದ್ ಶನಿವಾರಸಂತೆ ಹೋಬಳಿ ಗ್ ಆರ್ ಆಯ್ಕೆ ಆಯಿನ ಬಾರಿ ಕುಸಿತ ಇಚಾರ ಪಂದ್ ಪಂಡೆರ್.

ಈ ಪೊರ್ತುಡು ಶನಿವಾರಸಂತೆ ಹೋಬಳಿ ಮಹಿಳಾ ಘಟಕದ ಅಧ್ಯಕ್ಷೆರಾಯಿನ ಕುಸುಮ ಪಾಲ್ ಪಡೆದಿತ್ತೆರ್. ಸೋಮವಾರಪೇಟೆ ತಾಲ್ಲೂಕು ಅಧ್ಯಕ್ಷೆರಾಯಿನ ಫ್ರಾನ್ಸಿಸ್ ಡಿಸೋಜಾ ಬೊಕ್ಕ ಕರವೇ ಸೋಮವಾರಪೇಟೆ ತಾಲ್ಲೂಕು ಕಾರ್ಯದರ್ಶಿ ರಾಮನಹಳ್ಳಿ ಪ್ರವೀಣ್ ಅಂಚನೆ ಶನಿವಾರಸಂತೆ ಹೋಬಳಿ ಮಹಿಳಾ ಘಟಕದ ಅಧ್ಯಕ್ಷೆರಾಯಿನ ಕುಸುಮಾ ಬೊಕ್ಕ ರಂಜಿತ್ ಪಾಲ್ ಪಡೆದಿತ್ತೆರ್ .

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ರಪಕ್ಕ ಸುದ್ದಿ Flash News

ಸಾರ್ವತ್ರಿಕ ವಿಶ್ವ ಸಾಧನ ಪುಸ್ತಕದ ಪಟ್ಟಿಗ್ ಸೇರಿನ ಶ್ರೀ ರವಿಶಂಕರ್ ವಿದ್ಯಾ ಮಂದಿರದ ಜೋಕುಲು

Feb 20, 2022

ಕಾರ್ಲ :ಸಾರ್ವತ್ರಿಕ ಸಾಧಕೆರ್ ಬೊಕ್ಕ ಅಬ್ದುಲ್ ಕಲಾಂ ವಿಶ್ವದಾಖಲೆಗ್ ಅಂತರಾಷ್ಟ್ರೀಯ ಮಟ್ಟದ ಆನ್ಲೈನ್ ಯೋಗಾಸನ ಪಂಥಡ್ ಶ್ರೀಶ್ರೀ ರವಿಶಂಕರ ವಿದ್ಯಾಮಂದಿರದ ವಿದ್ಯಾರ್ಥಿನಿಲಾಯಿನ ಅಶ್ನಿ ಕೋಟ್ಯಾನ್, ಆಯುಷ್ಯ, ಅನ್ವಿ ಅಂಚನ್ ಪಾಲ್ ಪಡೆದ್ ಪ್ರಮಾಣ ಪತ್ರ ಪಡೆತೆರ್.

ಮೆಕುಲು ಕಾರ್ಲದ ನಿರಂತರ ಯೋಗ ಕೇಂದ್ರದ ತರಬೇತುದಾರೇರಾಯಿನ ಕೆ. ನರೇಂದ್ರ ಕಾಮತ್ ಬೊಕ್ಕ ಶ್ರೀ ಅಶೋಕ್ ಕುಮಾರ್ ಮೆಕ್ಲೆನೆರ್ದ್ ತರಬೇತಿ ಪಡೆಯೊಂದು ಉಲ್ಲೆರ್ . ಮೆಕ್ಲೆನ್ ಶಾಲೆದ ಆಡಳಿತ ಮಂಡಳಿದ ಅಧ್ಯಕ್ಷೆರಾಯಿನ ಡಾಕ್ಟರ್ ಪ್ರಶಾಂತ್ ಹೆಗ್ದೆ, ಪ್ರಾಂಶುಪಾಲೆರಾಯಿನ ಶ್ರೀಮತಿ ಶಿಲ್ಪಾ ಜಿ ಪ್ರಭು, ಆಡಳಿತಾಧಿಕಾರಿ ನಿತ್ಯಾ ಬರ್ಕೆ ಬೊಕ್ಕ ಶಿಕ್ಷಕ ವೃಂದ ಮಾನಾದಿಗೆ ಮಲ್ತೆರ್ .

ದೇರಾಜೆಬೆಟ್ಟ ಕ್ಷೇತ್ರ: ಪುನರ್‌ ಪ್ರತಿಷ್ಠೆ : ಇನಿರ್ದ್ ಬ್ರಹ್ಮ ಕುಂಭಾಭಿಷೇಕ

Feb 20, 2022

ಬೊಲ್ತೆರ್ : ಪಶ್ಚಿಮಘಟ್ಟದ ನೆಲೆಟ್ಟ್ ಪಚ್ಚೆ ಪಜಿರ್ದ ಐಸಿರೊಡು ನಡುಟು ಮೆನ್ಕೊಂದು ಉಪ್ಪುನ ಕ್ಷೇತ್ರ ಮರೋಡಿ ದೇರಾಜೆಬೆಟ್ಟ ದೈವ– ಕೊಡಮಣಿತ್ತಾಯ ದೈವಸ್ಥಾನ. 800 ವರ್ಷದ ಪರಪೋಕು ಉಪ್ಪುನ ಕ್ಷೇತ್ರ 250 ವರ್ಷದ ಪಿರವು ಪಾಳು ಬೂರ್ದು ಇತ್ತುಂಡು . ಭಕ್ತೆರ್ನ ಸಾಕಾರೊಡು ₹ 30 ಲಕ್ಷರ್ದ್ ಜಾಸ್ತಿ ಪಣವುಡು ಕ್ಷೇತ್ರ ಭವ್ಯವಾದ್ ಜೀರ್ಣೋದ್ಧಾರ ಆದ್ , ಬ್ರಹ್ಮ ಕುಂಭಾಭಿಷೇಕಗ್ ತಯಾರ್ ಆದ್ ಉಂಡು .

ಮರೋಡಿ ಗ್ರಾಮೊಡು ಇತ್ತೇ ಪರ್ವದ ಗೌಜಿ ಅವ್ವೆತೋ ಭಕ್ತೆರ್ ಪ್ರತಿನಿತ್ಯ ಶ್ರಮದಾನಡ್ ಪಾಲ್ ಪಡೆದ್ ತನ್ನನೇ ಆಯಿನ ಸೇವೆನ್ ಮಲ್ತೊಂದು ಉಲ್ಲೆರ್ . ಕ್ಷೇತ್ರೊಡು ಮಾಮಲ್ಲ ಚಪ್ಪರ ಬಾರಿ ಪೊರ್ಲುಡು ಕಟ್ಟ್ ದೆರ್ . ಪ್ರಮುಖ ಮಾರ್ಗಡ್ ಸ್ವಾಗತ ಕಮಾನುಲೆನ್ , ಬಂಟಿಂಗ್ಸ್‌, ಫ್ಲೆಕ್ಸ್‌, ಬ್ಯಾನರ್‌ಲೆನ್ ಭಕ್ತೆರೆನ್ , ಗಣ್ಯೆರೆನ್ ಕೈ ಬೀಜಾದ್ ಲೆತ್ತೊಂದು ಉಂಡು . ಬೇತೆ ಬೇತೆ ಸಮಿತಿದ ಪದಾಧಿಕಾರಿಲು , ಸದಸ್ಯೆರ್ ತನ್ನ ಜವಾಬ್ದಾರಿನ್ ಅಚ್ಚುಕಟ್ಟಾದ್ ಬೇಲೆ ಮಲ್ತೊಂದು ಉಲ್ಲೆರ್ .

ಜೀರ್ಣೋದ್ಧಾರ ಸಂಕಲ್ಪ: ಮರೋಡಿ ಪೊಸರಡ್ಕ ದೈವ ಕೊಡಮಣಿತ್ತಾಯ ಬೊಕ್ಕ ಬೈದರ್ಕಳ ಗರಡಿ ಜೀರ್ಣಾವಸ್ಥೆಡ್ ಉಂಡು , ಅವೆನ್ ಜೀರ್ಣೋದ್ಧಾರ ಮಲ್ಪುನ ಸಂಕಲ್ಪದೊಟ್ಟುಗು ಭಕ್ತೆರ್ನ ಸಮ್ಮುಖಡ್ ಅಷ್ಟಮಂಗಳ, ಆರೂಢಪ್ರಶ್ನೆ ಮಲ್ತ್ ಇತ್ತೆರ್ . ಐರ್ದ್ ದುಂಬು ದೇರಾಜೆಬೆಟ್ಟದ ದೈವಸ್ಥಾನ ಕಟ್ಟ್ ದ್ , ನೇಮೋಚ್ಚಯರ್ದ್ ಬೊಕ್ಕ ಪೊಸರಡ್ಕ ಕ್ಷೇತ್ರನ್ ಜೀರ್ಣೋದ್ಧಾರ ಮಲ್ಪೊಡು ಪಂದ್ ಪ್ರಶ್ನೆಡ್ ಗೋಚರವಾಯಿಲಕ ದೇರಾಜೆಬೆಟ್ಟ ಕ್ಷೇತ್ರನ್ ಜೀರ್ಣೋದ್ಧಾರ ಮಲ್ದೆರ್ .

ಇನಿತ ಲೇಸ್ :
ದೈವದ ಪುನರ್ ಪ್ರತಿಷ್ಠೆ, 108 ಕಲಶ ಸಹಿತ ಬ್ರಹ್ಮ ಕುಂಭಾಭಿಷೇಕ ಬೊಕ್ಕ ನೇಮೋಚ್ಚಯ ಫೆ.19, 20 ಗ್ ಕೇಳ ಅನಂತ ಆಸ್ರಣ್ನೆರ್ಣ ಪೌರೋಹಿತ್ಯಡ್ ನಡಪರೇ ಉಂಡು. 19 ಗ್ ದೇವತಾ ಪ್ರಾರ್ಥನೆ, ತೋರಣ ಮಹೂರ್ತ, ಉಗ್ರಾಣ ಮಹೂರ್ತ, ಹೊರಕಾಣಿಕೆ ಸಮರ್ಪಣೆ, ಮರೋಡಿ ಶಾಂತಿನಗರ ಅರುಣೋದಯ ಮಂದಿರದಿಂದ ಪುದೆಕಾಣಿಕೆ ಮೆರವಣಿಗೆ ನಡಪರೇ ಉಂಡು . 20 ಗ್ ದೈವ ಬೊಕ್ಕ ಕೊಡಮಣಿತ್ತಾಯ ದೈವದ ಮಂಚ ಪ್ರತಿಷ್ಠಾಪನೆ, ಕಲಶಾಭಿಷೇಕ, ಪರ್ವ ಸಂಕ್ರಾಂತಿ, ದರ್ಶನ, ಸಂಜೆ ಭಂಡಾರ ಆಗಮನ, ರಾತ್ರಿ ದೈವ ಕೊಡಮಣಿತ್ತಾಯ ದೈವದ ನೇಮೋಚ್ಚಯ ನಡಪರೇ ಉಂಡು .

20 ತಾರೀಖ್ ಗ್ ಕಾಂಡೆ 11.30ಕ್ ಅಳದಂಗಡಿ ಅರಮನೆದ ಪದ್ಮಪ್ರಸಾದ್ ಅಜಿಲ ಮೆರೆನ ಗುರ್ಕಾರ್ಮೆಡ್ ಸಭಾ ಕಾರ್ಯಕ್ರಮ ನಡಪೆರೆ ಉಂಡು . ಶಾಸಕ ಹರೀಶ್ ಪೂಂಜ, ವಿಧಾನ ಪರಿಷತ್ ಸದಸ್ಯ ಕೆ. ಹರೀಶ್ ಕುಮಾರ್, ಆಳ್ವಾಸ್ ಶಿಕ್ಷಣ ಸಂಸ್ಥೆದ ಗುರ್ಕಾರ್ಲಾಯಿನ ಡಾ.ಎಂ.ಮೋಹನ್ ಆಳ್ವ, ಜಿಲ್ಲಾ ಧಾರ್ಮಿಕ ಪರಿಷತ್‌ದ ಸದಸ್ಯ ದೇವೇಂದ್ರ ಹೆಗ್ಡೆ, ಮರೋಡಿ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಪದ್ಮಶ್ರೀ ಜೈನ್ ಪಾಲ್ ಪಡೆಯೆರೆ ಉಲ್ಲೆರ್ . ರಾತ್ರಿ 8ಕ್ ಬ್ರಹ್ಮ ಕುಂಭಾಭಿಷೇಕ ಸಮಿತಿ ಗುರ್ಕಾರ್ಲಾಯಿನ ಕೆ. ಹೇಮರಾಜ್ ಬೆಳ್ಳಿಬೀಡು ಗುರ್ಕಾರ್ಮೆಡ್ ಧಾರ್ಮಿಕ ಸಭೆ ನಡಪರೇ ಉಂಡು . ಕಟೀಲ್ದ ಪ್ರಧಾನ ಅರ್ಚಕೆರಾಯಿನ ಅನಂತ ಪದ್ಮನಾಭ ಅಸ್ರಣ್ಣೆರ್ ಆಶೀರ್ವಚನ ಕೊರಿಯೆರೆ ಉಲ್ಲೆರ್ . ಬೆಳ್ತಂಗಡಿ ಬೆಸ್ಟ್ ಫೌಂಡೇಷನ್‌ದ ಗುರ್ಕಾರ್ಲಾಯಿನ ರಕ್ಷಿತ್ ಶಿವರಾಂ, ಅಳಗಂಗಡಿ ಸತ್ಯದೇವತಾ ದೈವಸ್ಥಾನದ ಆಡಳಿತ ಮೊಕ್ತೇಸರ ಶಿವಪ್ರಸಾದ್ ಅಜಿಲ ಪಾಲ್ ಪಡೆಯೆರೆ ಉಲ್ಲೆರ್ . ಹೈಕೋರ್ಟ್‌ ವಕೀಲ ಪ್ರಜ್ವಲ್‌ ಬಂಗೇರ ಧಾರ್ಮಿಕ ಉಪನ್ಯಾಸ ಕೊರಿಯೆರೆ ಉಲ್ಲೆರ್ .

ಪೆರಿಯ ಧೂಮವತಿ ದೈವದ ದರ್ಶನ ಪಾತ್ರಿ ಶ್ರೀ ಭೋಜ ಪೂಜಾರ್ಲೆಗ್ ಮಾನಾದಿಗೆ

Feb 20, 2022

ಕುಡ್ಲ : ಪೆರಿಯ ಧೂಮವತಿ ದೈವದ ದರ್ಶನ ಪಾತ್ರಿ ಶ್ರೀ ಭೋಜ ಪೂಜಾರಿ ಅಂಚನೆ ಸಮಾಜ ಸೇವಕ ಶ್ರೀ ಪದ್ಮನಾಭ ಸುವರ್ಣ ಪರಪಟ್ಟ ಮೆಕ್ಲೆಗ್ ಮಾನಾದಿಗೆ ಮಲ್ತೆರ್.

ಈ ಪೊರ್ತುಡು ಹೆಜಮಾಡಿ ಗ್ರಾಮ ಪಂಚಾಯತ್ದ ಗುರ್ಕಾರ್ಲಾಯಿನ ಪ್ರಾಣೇಶ್ ಹೆಜಮಾಡಿ, ಹೆಜಮಾಡಿ ಬ್ರಹ್ಮಲಿಂಗೇಶ್ವರ ಆಲಡೆಯ ಮೋಕ್ತೆಸೆರಾಯಿನ ಸುರೇಶ್ ಶೆಟ್ಟಿ, ಗುತ್ತಿನಾರ್ ಅರುಣ್ ಶೆಟ್ಟಿ, ಪ್ರಭೋದ್ ಚಂದ್ರ ಹೆಜಮಾಡಿ, ನಿವೃತ ಮೆಸ್ಕಾಂ ಅಧಿಕಾರಿ ಪರಮೇಶ್ವರ್, ಎಲ್ ಐ ಸಿ ಉಡುಪಿ ವಿಭಾಗದ ರಾಜುಹೆಜಮಾಡಿ, ಮಾಜಿ ಗ್ರಾಮ ಪಂಚಾಯತ್ ಗುರ್ಕಾರ್ಲು ಸುಭಾಸ್.ಜಿ. ಸಾಲಿಯಾನ್, ಪಂಚವರ್ಣ ಫ್ರೆಂಡ್ಸ್ ನ ಕೃಷ್ಣ ಪ್ರಸಾದ್, ಮಿಥುನ್ ಸುವರ್ಣ, ರವೀಂದ್ರ ಹೆಜಮಾಡಿ, ರಮೇಶ್ ಹೆಜಮಾಡಿ, ಶಾಂತರಾಮ್ ಆಚಾರ್ಯ, ಸುಂದರ್ ಆಚಾರ್ಯ, ಪ್ರಕಾಶ್ ಆಚಾರ್ಯ ಇವರುಗಳು ಪಾಲ್ ಪಡೆದಿತ್ತೆರ್ . ನಿತೀನ್ ಕೋಡಿಯವರು ಲೇಸ್ ನಡಪಾದ್ ಕೊರಿಯೆರ್.

ಒಡಿಪು ಜಿಲ್ಲಾ ಮಟ್ಟದ ರಸಪ್ರಶ್ನೆ ಲೇಸ್ : ಮೆಗಾ ಕ್ವಿಜ್ 2022

Feb 20, 2022

ಒಡಿಪು : ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಕಾರ್ಲ ತಾಲೂಕು ಒಡಿಪು ಜಿಲ್ಲಾ ಮಟ್ಟದ ರಸಪ್ರಶ್ನೆ ಲೇಸ್ ”ಮೆಗಾ ಕ್ವಿಜ್ 2022″ ಎಸ್ ವಿ ಟಿ ಕಾಲೇಜು ಕಾರ್ಲಡ್ ತಾರೀಖ್ 22/2/2022 ಕ್ಕ್ ಕಾಂಡೆ 10 ಗಂಟೆಗ್ ನಡಪರೇ ಉಂಡು ಪಂದ್ ಪ್ರಕಟಣೆಡ್ ತೆರಿಪಾದೆರ್.