February 15, 2022

ಸಂಶಯಾಸ್ಪದ ರೀತಿಡ್ ಆರ್ ಎಸ್ ಎಸ್ ಕಾರ್ಯಕರ್ತೆ ಜ್ಯೋತಿಷ್ ಸಾವು

ಕಾಸ್ರೋಡು : ಕೆಲವು ಕೊಲೆ ಪ್ರಕರಣದ ಆರೋಪ ಇತ್ತಿನ ಆರ್.ಎಸ್.ಎಸ್ ಕಾರ್ಯಕರ್ತೆ ಜ್ಯೋತಿಷ್ ಬಲ್ಲ್ ಪಾಡೊಂದು ಸೈತಿನ ಸ್ಥಿತಿಟ್ಟ್ ಪತ್ತೆ ಆತೆರ್.

ಅಣಂಗೂರು ಜೆ.ಪಿ.ಕಾಲನಿ ನಿವಾಸಿ ಜ್ಯೋತಿಷ್ ಇನಿ ಕಾಂಡೆ ಅರೆನ ಇಲ್ಲದ ಕೈತಲ್ದ ಮರತ್ತ ಗೆಲ್ಲ್ ಗ್ ಕಂಟೆಲ್ಗ್ ಬಲ್ಲ್ ಪಾಡ್ದ್ ತೀರ್ ಪೋತಿನ ಸ್ಥಿತಿಟ್ಟ್ ಅರೆನ ಪುಣ ತಿಕ್ ದ್ಂಡ್ ಪಂದ್ ಪೊಲೀಸ್ ದಕುಲು ತೆರಿಪಾದೆರ್.

ಸೋಮಾರ ರಾತ್ರೆ ಇಲ್ಲಡ್ ಜೆತ್ತ್ ದಿತ್ತಿನ ಜ್ಯೋತಿಷ್ ಅಂಗಾರೆ ಕಾಂಡೆ ಇಲ್ಲಡ್ ಇತ್ತಿಜೆರ್. ಇಲ್ಲದಕುಲು ನಾಡ್ ನಗ ಕೈತಲ್ದ ಮರಟ್ಟ್ ಅರೆನ ಪುಣ ನೇಲೊಂದಿತ್ತ್ಂಡ್ ಪಂದ್ ಇಲ್ಲದಕುಲು ಪಂತೆರ್.
ಆರ್.ಎಸ್.ಎಸ್ ಸ್ವಯಂಸೇವಕೆ ಆದಿತ್ತಿನ ಜ್ಯೋತಿಷ್ ಯಾನೆ ಜೋಬಾಯ್, ಬಂಗ್ರಗುಡ್ಡೆದ ಸಿನಾನ್, ಸೂರ್ಲುದ ರಿಷಾದ್ ಕೊಲೆ ಪ್ರಕರಣದ ಆರೋಪಿಯಾದಿತ್ತಿನಿ ಅತ್ತಾಂದೆ ತಳಂಗರೆದ ಜೈನುಲ್ ಆಬಿದ್ ಕೊಲೆ ಕೇ ಸ್ ಡ್ ಲ ಶಾಮೀಲಾತಿನ ಆರೋಪ ಉಂಡು ಪಂದ್ ಪೊಲೀಸೆರ್ ತೆರಿಪಾದೆರ್.

ಜ್ಯೋತಿಷ್ ನ ಪುಣೊನು ಕಾಸ್ರೋಡುದ ಜನರಲ್ ಆಸ್ಪತ್ರೆದ ಶವಾಗಾರೊಗು ಕೊನೊತೆರ್.‌ ಕಾಸ್ರೋಡು ಪೇಂಟೆದ ಪೋಲಿಸ್ ಸ್ಟೇಶನ್ಡ್ ಕೇಸ್ ದಾಖಲಾತ್ಂಡ್.