February 7, 2022

ತುಳು ಸಾಹಿತಿ, ತುಳು ಅಭಿಮಾನಿ ಜಯಕರ ಪೂಜಾರಿ ತಿಗಲೆ ಬೇನೆಡ್ ದೇವೆರೆ ಪಾದ ಸೇರಿಯೆರ್

Feb 7, 2022

ಕುಡ್ಲ : ಬೊಂಬೈಡ್ ತುಳು ಲಿಪಿತ್ತ ಬುಲೆಚ್ಚಿಲ್ ಗ್ ಬೇಲೆ ಮಲ್ದಿನ ತುಳು ಸಾಹಿತಿ, ಮಾಮಲ್ಲ ತುಳು ಅಭಿಮಾನಿ, ಟೈಮ್ಸ್ ಆಫ್ ಕುಡ್ಲ ತುಳು ಪತ್ರಿಕೆದ ಬೊಂಬೈದ ಒತ್ತು ಸಂಪೊಲಿಗೆದಾರ್ ಜಯಕರ ಪೂಜಾರಿ ಮೇರ್ ಸೋಮಾರ ಬಯ್ಯಡ್ 6 ಗಂಟೆಗ್ ಬೊಡೆದಿನ ಎದುರುಡೇ ತಿಗಲೆ ಬೇನೆ ಆದ್ ತೀರ್ ಪೋಯೆರ್.

ಮೇರ್ ಬೆದ್ರ ಸಂಪೊಲಿಗೆದಾರ್ . ಆಂಡ ಬೊಂಬೈಡ್ ಇತ್ತೆರ್. ಅರೆನ ನಿಧನೊಗು ಟೈಮ್ಸ್ ಆಫ್ ಕುಡ್ಲ ದ ಮಾತ ಸಿಬ್ಬಂದಿಲು ಕಣ್ಣನೀರ್ದ ಪನಿ ಅರ್ಪಣ ಮಲ್ದೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಫೆ. 8 : ಸಂಗೀತ ಗುರು ಶೀಲಾ ದಿವಾಕರ್ ಮೆರೆಗ್ ಗುರುವಂದನೆ, ಶ್ರದ್ಧಾಂಜಲಿ ಸಭೆ

Feb 7, 2022

ಸುರತ್ಕಲ್ : ಸಂಗೀತ ಗುರು ಶೀಲಾ ದಿವಾಕರ್ ಮೇರ್ನ ಶಿಷ್ಯ ವರ್ಗದಕಲೆರ್ದ್ “ಗುರು ವಂದನೆ ಸಂಗೀತೋಪಾಸನೆ” ಅಂಚೆನೇ ಶ್ರದ್ಧಾಂಜಲಿ ಸಭೆ ಫೆ.8 ಅಂಗಾರೆ ಕಾಂಡೆ ನಡಪರೆ ಉಂಡು.
ಸುರತ್ಕಲ್ ಇಡ್ಯಾ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ವಠಾರೊಡು ನಡಪುನ ದಿ.ಶೀಲಾ ದಿವಾಕರ್ ಮೇರ್ನ ವೈಕುಂಠ ಸಮಾರಾಧನೆ ಲೇಸ್ ದ ನಿಲೆಟ್ಟ್ ಕಾಂಡೆ 10-11.30 ಗಂಟೆ ಮುಟ್ಟ ಅರೆನ ಶಿಷ್ಯೆರೆರ್ದ್ ಗುರುವಂದನೆ ಸಂಗೀತೋಪಾಸನೆ ನಡಪರೆ ಉಂಡು.
ಕಾಂಡೆ 11.30-12.30 ಮುಟ್ಟ ಶ್ರದ್ಧಾಂಜಲಿ ಸಭೆ ನಡಪರೆ ಉಂಡು ಪಂದ್ ಶೀಲಾ ದಿವಾಕರ್ ಮೇರ್ನ ಕಂಡನಿ ದಿವಾಕರ್ ಲಕ್ಷ್ಮಣ ರಾವ್, ಜೋಕುಲಾಯಿನ ನವ್ಯಾ ದಿವಾಕರ್, ಧೀರಜ್ ದಿವಾಕರ್ ಬೊಕ್ಕ ಕುಟುಂಬದಕುಲು ಲೆಪ್ಪೋಲೆಡ್ ತೆರಿಪಾದೆರ್.

ಉಡುಪಿದ ಸುದ್ದಿ | Udupi News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಉದ್ಭವ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ನಕ್ರೆ : ವರ್ಷದ ಉಚ್ಚಯ

Feb 7, 2022

ಕಾರ್ಲ: ಉದ್ಭವ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ನಕ್ರೆಡ್ ತಾರೀಖ್ 7/2/2022 ನೇ ಸೋಮಾರರ್ದ್ ತಾರೀಖ್ 11/2/2022 ನೇ ಶುಕ್ರಾರ ಮುಟ ಪುತ್ತೂರು ಶ್ರೀ ಹಯವದನ ತಂತ್ರಿಲೆನ ಮುತಾಲಿಕೆಡ್ ವರ್ಷದ ಮಲ್ಲ ತೇರ್ ನಡಪೆರೆ ಉಂಡು.

ತಾರೀಖ್ 8/2/2022 ನೇ ಅಂಗಾರೆ
ಕಾಂಡೆ : ನವಕ ಕಲಶ, ರುದ್ರಾಭಿಷೇಕ, ಮಹಾಪೂಜೆ, ಪ್ರಸಾದ ವಿತರಣೆ,
ರಾತ್ರಿ ಗಂಟೆ 7-30ಕ್ : ಉಚ್ಚಯ ಬಲಿ, ರಾತ್ರಿ ಪೂಜೆ. 6.00 ಗಂಟೆರ್ದ್ 7: 00 ಗಂಟೆ ಮುಟ : ಭಜನೆ ಶ್ರೀ ದುರ್ಗಾ ಮಹಿಳಾ ಭಜನಾ ಮಂಡಳಿ, ಕುಕ್ಕುಂದೂರು.

ತಾರೀಖ್ : 09-02-2022ನೇ ಬುಧಾರ
ಕಾಂಡೆ : ನವಕ ಕಲಶ, ರುದ್ರಾಭಿಷೇಕ,
ಮಧ್ಯಾಹ್ನ : ಶ್ರೀ ದೇವೆರ್ನ ರಥಾರೋಹಣ, ಮಹಾಪೂಜೆ, ಪ್ರಸಾದ ವಿತರಣೆ,ಅನ್ನ ಸಂತರ್ಪಣೆ
ರಾತ್ರಿ ಗಂಟೆ 7-30ಕ್ : ಉಚ್ಚಯ ಬಲಿ, ಶ್ರೀ ಮಹಾ ರಥೋತ್ಸವ, ರಾತ್ರಿ ಪೂಜೆ, ಪರಿವಾರ ದೈವದ ತಂಬಿಲ, ಭೂತ ಬಲಿ, ಕವಾಟ ಬಂಧನ
6.00 ಗಂಟೆರ್ದ್ 7 : 00ಗಂಟೆ ಮುಟ : ಭಜನೆ ಶ್ರೀ ಶಾರದಾ ಮಹಿಳಾ ಭಜನಾ ಮಂಡಳಿ ಅನಂತರಯನ.

ತಾರೀಖ್ : 10-02 2022ನೇ ಗುರುವಾರ
ಕಾಂಡೆ : ಕವಾಟೋದ್ಘಾಟನೆ, ತುಲಾಭಾರ ಸೇವೆ, ಮಹಾಪೂಜೆ, ಪ್ರಸಾದ ವಿತರಣೆ, ಮಹಾ ಅನ್ನಸಂತರ್ಪಣೆ
ರಾತ್ರಿ ಗಂಟೆ 7-30ಕ್ : ಉಚ್ಚಯ ಬಲಿ, ದೈವದ ನೇಮ, ಅವಕೃತ ಕಟ್ಟೆಪೂಜೆ,ಧ್ವಜಾವರೋಹಣ, ಮಂತ್ರಾಕ್ಷತೆ
6-00 ಗಂಟೆರ್ದ್ 7-00 ಗಂಟೆ ಮುಟ : “ಭಜನೆ” ನೆರೆಕರೆ ದಕ್ಲೆನೆರ್ದ್
ನಡಪೆರೆ ಉಂಡು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕೋರ್ದಬ್ಬು ದೈವಸ್ಥಾನ, ಮಂಗಾಜೆ : ಶ್ರೀ ಕೋರ್ದಬ್ಬು ತನ್ನಿಮಾನಿಗ ಗುಳಿಗ ಪಂಜುರ್ಲಿ ಬೊಕ್ಕ ರಾಹು ದೈವದ ಪುನರ್ ಪ್ರತಿಷ್ಠೆ ಬೊಕ್ಕ ಕಲಶಾಭಿಷೇಕ ಅಂಚನೆ ವರ್ಷಾವಧಿ ಉಚ್ಚಯ

Feb 7, 2022

ಪುರಲ್ : ತಾರೀಖ್ 17-02-2022ನೇ ಗುರುವಾರ ಕಾಂಡೆ 8.45 ಗಂಟೆರ್ದ್ 9: 00 ಗಂಟೆ ಮುಟ ನಡಪುನ ಮಾನ ಲಗ್ನ ಸುಮೂಹೂರ್ತಡ್, ವೇದಮೂರ್ತಿ ಶ್ರೀ ಸುಬ್ರಹ್ಮಣ್ಯ ತಂತ್ರಿ ಪೊಳಲಿ ಮೆರ್ನ ಮುತಾಲಿಕೆಡ್ ಪುನರ್ ನಿರ್ಮಾಣ ಆಯಿನ ಪೊಸ ದೈವಸ್ಥಾನಡ್ ಶ್ರೀ ಕೋರಬ್ದು ತನ್ನಿಮಾನಿಗ, ಗುಳಿಗ ಪಂಜುರ್ಲಿ ಬೊಕ್ಕ ರಾಹು ದೈವದ ಪುನರ್ ಪ್ರತಿಷ್ಠೆ ಬೊಕ್ಕ ಕಲಶಾಭಿಷೇಕ ಅಂಚನೆ ತಾ.19-02-2022ನೇ ಶನಿಯಾರ ಬೊಕ್ಕ 20-02-2022ನೇ ಐತಾರ ವರ್ಷಾವಧಿ ನೇಮೋಚ್ಚಯ ಬೇತೆ ಬೇತೆ ಧಾರ್ಮಿಕ, ಸಾಂಸ್ಕೃತಿಕ ಲೇಸ್ ದ ಒಟ್ಟುಗು ನಡಪೆರೆ ಉಂಡು.

ಆ ಪ್ರಯುಕ್ತ ತಾ. 15-02-2022ರ್ದ್ 20-02-2022ರ ಮುಟ ನಡಪುನ ಈ ಮಾತಾ ಲೇಸ್ ಗ್ ಮಾತೆರ್ಲ ಬತ್ದ್ , ತನು-ಮನ-ಧನರ್ದ್ ಸಾಕಾರ ಕೊರ್ದು , ಸಿರಿಮುಡಿ ಗಂಧ ಪ್ರಸಾದನ್ ಸ್ವೀಕಾರ ಮಲ್ಪೊಡು ಪಂದ್ ಜೀರ್ಣೋದ್ಧಾರ ಸಮಿತಿದ ಗುರ್ಕಾರ್ಲಾಯಿನ ಶ್ರೀ ಸುಕೇಶ್ ಚೌಟ ಬಡಕಬೈಲು ಪಂತೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಫ್ಲ್ಯಾಶ್ ನ್ಯೂಸ್ / ರಪಕ್ಕ ಸುದ್ದಿ | Flash News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಟೀಮ್ ಇಂಡಿಯಾ U19 ಚಾಪಿಯನ್ : ಐನೇ ಸಲ ವಿಶ್ವಕಪ್ ಗೆಂದಿನ ಭಾರತ

Feb 7, 2022

ಅಹಮದಾಬಾದ್: ಮುಲ್ಪದ ನರೇಂದ್ರ ಮೋದಿ ಕ್ರೀಡಾಂಗಣಡ್ ನಡತಿನ ಭಾರತ- ವೆಸ್ಟ್ ಇಂಡೀಸ್ ನಡುಟು ನಡತಿನ ಸುರುತ ಏಕದಿನ ಪಂಥಡ್ ಟೀಂ ಇಂಡಿಯಾ ಭರ್ಜರಿ 6 ವಿಕೆಟ್ ಪಡೆದ್ ವೆಸ್ಟ್ ಇಂಡೀಸ್ ಸೋಲ್ಪಾದುಂಡು ,

ಟಾಸ್ ಸೋತು ಸುರು ಬ್ಯಾಟಿಂಗ್ ಮಲ್ತಿನ ವೆಸ್ಟ್ ಇಂಡೀಸ್ 43. 5 ಓವರ್ಡ್ ತನ್ನ ಮಾತಾ ವಿಕೆಟ್ ಕಳೆಯೊಂದು 176 ರನ್ ದೆತ್ತೆರ್ . ಭಾರತದ ಪರ ಯುಜುವೇಂದ್ರ ಚಾಹೆಲ್ ನಾಲ್ , ವಾಷಿಂಗ್ಟನ್ ಸುಂದರ್ 3, ಪ್ರಸಿದ್ ಕೃಷ್ಣ 2, ಮೊಹಮ್ಮದ್ ಸಿರಾಜ್ 1 ವಿಕೆಟ್ ಪಡೆಯೆರ್ .

ವೆಸ್ಟ್ ಇಂಡೀಸ್ ಕೊರಿನ 176 ರನ್ ದ ಗುರಿತ ಪಿರವು ಪೋಯಿನ ಟೀಂ ಇಂಡಿಯಾ 28 ಓವರ್ ಡ್ 4 ವಿಕೆಟ್ ನಷ್ಟಗ್ 178 ರನ್ ಪಡೆಯುನ ಮುಖೇನ ಆಜಿ ವಿಕೆಟ್ ದ ಅಂತರಡ್ ಗೆಂದಿಯೆರ್.

ಇಲ್ಲಡ್ ಕಂಡ್ ದ್ ಗ್ಯಾಸ್ ರಿಫಿಲ್ಲಿಂಗ್ : 1,92,000 ಮೌಲ್ಯದ ಸೊತ್ತುನು ಪೊಲೀಸ್ ದಕುಲು ಕೊನೊಯೆರ್

Feb 7, 2022

ಕುಡ್ಲ : ಕುಡ್ಲದ ಪೆರ್ಮನ್ನೂರು ಗ್ರಾಮದ ಚೆಂಬುಗುಡ್ಡೆ ಪ್ರದೇಶದ ಇಲ್ಲಡ್ ಕಂಡ್ ದ್ ಗ್ಯಾಸ್ ರೀಫಿಲ್ಲಿಂಗ್ ಮಲ್ತೊಂದು ಇತ್ತಿನ ಜಾಗೆಗ್ ಪೊಲೀಸ್ದಕುಲು ಪೋಯಿನ ಸಂಗತಿ ಇನಿ ನಡತ್oಡ್ .

ಫ್ರಾನ್ಸಿಸ್ ಪನ್ಪಿನಾರ್ ತನ್ನ ಇಲ್ಲಗ್ ತಾಗ್ದ್ ತಗಡ್ ಶೀಟ್ ಡ್ ಕಟ್ಟಿನ ಕೋಣೆಡ್ ಅಟಿಲ್ದ ಗ್ಯಾಸ್ ದ ಅಂಡೆಗ್ ರೆಗ್ಯುಲೇಟರ್ ಮುಖೇನ ಗ್ಯಾಸ್ ಜಿಂಜಾದ್ ಮಾರಾಟ ಮಲ್ಪುನ ತೊಜೀದ್ ಬೈದುಂಡು.
ಈ ಬಗ್ಗೆ ಮಾಹಿತಿ ಪಡೆಯಿನ ಪೊಲೀಸ್ದಕುಲು ಅಡೆಗ್ ದಾಳಿ ಮಲ್ಪುನಗ ಪೊರ್ಬುಲು ಕಂಡ್ ದ್ ಗ್ಯಾಸ್ ರೀಫಿಲ್ಲಿಂಗ್ ಮಲ್ತೊಂದು ಇತ್ತೆರ್ ಪೊಲೀಸ್ದಕ್ಲೆನ್ ತೂದು ಪೊರ್ಬುಲು ಬಲ್ತಿನ ಘಟನೆ ನಡತo ಡ್.

ದಾಳಿ ಮಲ್ತಿನ ಪೊರ್ತುಡು ಜಾಗೆಡ್ ಕೆಲವು ಕಂಪೆನಿಗ್ ಸೇರಿನ ಡೊಮೆಸ್ಮಿಕ್ ಬೊಕ್ಕ ಕಮರ್ಷಿಯಲ್ ಗ್ಯಾಸ್ ಸಿಲಿಂಡರ್ ಸೇರ್ದ್ ಒಟ್ಟು 128 ಸಿಲಿಂಡರ್ ಸೇರ್ದ್ 1,92,000 ರೂ. ಮೌಲ್ಯದ ಸೊತ್ತು ವಶಕ್ ಪಡೆತೆರ್ .

ಈ ಬಗ್ಗೆ ಉಳ್ಳಾಲ ಪೊಲೀಸ್ ಠಾಣೆಡ್ ಕೇಸ್ ದಾಖಲಾತುಂಡು , ಆರೋಪಿನ್ ಪೊಲೀಸ್ದಕುಲು ನಾಡೊಂದು ಉಲ್ಲೆರ್
ಸಹಾಯಕ ಪೊಲೀಸ್ ಆಯುಕ್ತೆರಾಯಿನ , ಕುಡ್ಲ ದಕ್ಷಿಣ ಉಪವಿಭಾಗದ ಮಾರ್ಗದರ್ಶನಡ್ ಕುಡ್ಲ ತಾಲೂಕು ಉಳ್ಳಾಲ ಪೊಲೀಸ್ ಠಾಣೆದ ಪೊಲೀಸ್ ನಿರೀಕ್ಷಕ ಸಂದೀಪ್, ಜಿ.ಎಸ್.ಪೊಲೀಸ್ ಉಪ – ನಿರೀಕ್ಷಕ ಶಿವಕುಮಾರ್. ಕೆ , ಬೊಕ್ಕ ಸಿಬ್ಬಂದಿಲಾಯಿನ ಮಹೇಶ, ರೆಜಿ, ಉದಯ, ಸಾಗರ್ ಬೊಕ್ಕ ಉಳ್ಳಾಲ ವಲಯದ ಆಹಾರ ನಿರೀಕ್ಷಕ ಹಾರಿಸ್, ಪ್ರಭಾರ ಆಹಾರ ನಿರೀಕ್ಷಕ ರೇಖ ಬೊಕ್ಕ ಕೂಟ ಕಾರ್ಯಾಚರಣೆಡ್ ಪಾಲ್ ಪಡೆದ್ ಇತ್ತೆರ್..

ಗಂಧದ ಮರ ಕಂಡಿನ 4 ಜನ ಉಲಯಿ

Feb 7, 2022

ಕುಡ್ಲ, ಫೆ.07: ಕೊಣಾಜೆ ಪೊಲೀಸ್ ಠಾಣೆ ವ್ಯಾಪ್ತಿಡ್ ಶ್ರೀ ಗಂಧದ ಮರನ್ ಕಂಡಿನ ಪ್ರಕರಣಡ್ ಪೊಲೀಸ್ ದಕುಲ್ 4 ಜನನ್ ಪತ್ತ್ ದೆರ್.

ಕುಡ್ಲ ವಿಶ್ವ ವಿದ್ಯಾಲಯದ ಜಾಗೆಡ್ ತಾರೀಕ್ ಫೆ.04 ಕ್ಕ್ ಕತ್ತಲೆದ ಪೊರ್ತುಡ್ ಶ್ರೀ ಗಂಧದ ಮರನ್ ಕಂಡಿನ ಪ್ರಕರಣ ಕೊಣಾಜೆ ಪೊಲೀಸ್ ಠಾಣೆಡ್ ದಾಖಲಾತ್ಂಡ್.

ಮೂಲತಃ ಬೆಳುವಾಯಿ ಅಂಚನೆ ಇತ್ತೆ ಕೆ.ಸಿ ನಗರಡ್ ಇಪ್ಪುನ ಮಜೀದ್ ನವಾಜ್, ಬಂಟ್ವಾಳದ ಶರೀಫ್, ದುನಿಯಾ ಶರೀಫ್, ವರ್ಕಾಡಿದ ಲಕ್ಷ್ಮಣ ಶೆಟ್ಟಿ ಪನ್ಪಿನ ಆರೋಪಿಲೆನ್ ಪೊಲೀಸ್ ದಕುಲ್ ಈ ವಿಚಾರಡ್ ಬಂಧಿಸಾದೆರ್. ಈ ಪ್ರಕರಣಡ್ ರೂ.25,000 ಕಾಸ್ ದ 41.1 ಕೆ.ಜಿ ತೂಕದ 14 ಶ್ರೀ ಗಂಧದ ಮರತ್ತ ತುಂಡ್ ನ್ ಪೊಲೀಸ್ ದಕುಲ್ ಜಪ್ತಿ ಮಲ್ತೊಂದೆರ್. ಈ ಕಾರ್ಯಾಚರಣೆಡ್ ಸಹಾಯಕ ಪೊಲೀಸ್ ಆಯುಕ್ತೆರ್ ದಿನಕರ ಶೆಟ್ಟಿ ಮುತಾಲಿಕೆಡ್ ಕೊಣಾಜೆ ಪೊಲೀಸ್ ಪ್ರಕಾಶ್ ದೇವಾಡಿಗ ಪೊಲೀಸ್ ನಿರೀಕ್ಷೆಕೆರ್, ಉಪ-ನಿರೀಕ್ಷೆಕೆರ್ ಮಲ್ಲಿಕಾರ್ಜುನ ಬಿರಾದಾರ ಬೊಕ್ಕ ಶರಣಪ್ಪ ಭಂಡಾರಿ ಮೆರ್ನ ಸಿಬ್ಬಂದಿ ಎ.ಎಸ್.ಐ ಆಯಿನ ಉಮೇಶ್, ಮೋಹನ್, ಸಂಜೀವ, ಹೆಚ್.ಸಿ ಆಯಿನ ಅಶ್ವಿನ್, ಮಹೇಶ್, ಮಂಜಪ್ಪ, ರೇಷ್ಮಾ ಪಿಸಿ ಆಯಿನ ಅಶೋಕ್, ಶಿವಕುಮಾರ್, ಮಂಜುನಾಥ ಸಿ ದೇವರಾಜ್ ಆರೋಪಿಲೆನ್ ನಾಡ್ ಪತ್ತ್ ನೆಟ್ ಪಾಲ್ ಪಡೆದಿತ್ತೆರ್.

4 persons arrested on charges of stealing sandelwood trees.

Mangalore: Four persons were arrested on charges of stealing sandelwood trees in Konaje police station limits .

The trees were stolen from Mangalore University campus,and a case was filed in this regard in Konaje police station. About 25, 000k worth 14 sandelwood peices were siezed by the police.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ವರನಟ ಡಾ. ರಾಜ್ ಕುಮಾರ್ ನ ಮೂರ್ತಿನ್ ಕಂಡಿನ ಕಲ್ವೆರ್

Feb 7, 2022

ವರನಟ ಡಾ.ರಾಜ್ ಕುಮಾರ್ ಮೂರ್ತಿನ್ ಕಲ್ವೆರ್ ಕಂಡ್ ದ್ ಕೊನತಿನ ಘಟನೆ ರಾಜಧಾನಿ ಬೆಂಗ್ಳೂರ್ ದ ಲುಂಬಿನಿ ಗಾರ್ಡನ್ ದ ಕೈತಲ್ ನಡತ್ಂಡ್.

ರಡ್ಡ್ ದಿನತ್ತ ಪಿರವು ನಡತಿನ ಘಟನೆ ಇತ್ತೆ ಬೊಲ್ಪುಗ್ ಬೈದ್ಂಡ್. ಈ ವಿಷಯಡ್ ಅರಣ್ಯ ಅಧಿಕಾರಿ ಯೋಗೇಶ್, ಅಮೃತಹಳ್ಲಿ ಪೊಲೀಸ್ ಠಾಣೆಡ್ ಪ್ರಕರಣ ದಾಖಲಾತ್ಂಡ್. ಪ್ರಕರಣಡ್ ರಡ್ಡ್ ಆರೋಪಿಲೆನ್ ಪೊಲೀಸೆರ್ ಬಂಧಿಸಾದೆರ್.

Dr Raj statue stolen

An statue of Kannada super star Dr Raj Kumar was stolen from Lumbini garden in Bangalore.

The incident has come to light now.A case has been registered in Amritahalli police station limits by forest officer Yogesh.Two persons have been arrested in connection to the incident.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ಜಗತ್ತ್ ದ ನಾಯಕೆರ್ ನ ಪಟ್ಟಿಡ್ ನರೇಂದ್ರ ಮೋದಿಜಿಗ್ ಸುರುತ್ತ ಜಾಗೆ

Feb 7, 2022

ಭಾರತದ ಪ್ರಧಾನಿ ನರೇಂದ್ರ ಮೋದಿ ಮೇರ್ ಅಮೆರಿಕದ ಅಧ್ಯಕ್ಷೆರ್ ಜೋ ಬಿಡೆನ್ ಬೊಕ್ಕ ಕೆನಡಾದ ಪ್ರಧಾನಿ ಜಸ್ಟಿನ್ ಟ್ರುಡೊ ಅಕ್ಲೆನ ರೇಟಿಂಗ್ ನ್ ಪಿರ ಪಾಡ್ದ್ ಜಾಗತಿಕ ನಾಯಕೆರ್ನ ಪಟ್ಟಿಡ್ ಸುರುತ್ತ ಜಾಗೆನ್ ಪಡೆತ್ತೆರ್.

ಡೇಟಾ ಇಂಟೆಲಿಜೆನ್ಸ್ ಕಂಪನಿ ಮಾರ್ನಿಂಗ್ ಕನ್ಸಲ್ಟ್‌ ದ ಇತ್ತೆದ ಅನುಮೋದನೆ ರೇಟಿಂಗ್‌ ಡ್ ನರೇಂದ್ರ ಮೋದಿ ಮೇರ್ ಎಚ್ಚ ಅನುಮೋದನೆ ರೇಟಿಂಗ್ ನ್ ಪಡೆತ್ತೆರ್. ಮಾರ್ನಿಂಗ್ ಕನ್ಸಲ್ಟ್, ಪ್ರತಿ ನಾಯಕೆರೆನ್ ಪತ್ತೆ ಮಲ್ಪರೆ ಸುರು ಮಲ್ತಿನ ಪೊರ್ತುಡ್, ರಾಷ್ಟ್ರಗ್ ಬತ್ತಿನ ಲಾಕ್‌ಡೌನ್ ಪಂಡ ಮೇ 2020 ರ್ದ್ ಮೋದಿ ಮೇರ್ ನ ಅನುಮೋದನೆ ರೇಟಿಂಗ್ ಎಚ್ಚ ಆದಿತ್ತ್ಂಡ್. ಆಂಡ ಕರೀನ ವರ್ಷ ರಡ್ದನೇ ಕೋವಿಡ್ ಅಲೆದ ಪೊರ್ತುಡ್ ಅವ್ ತಿರ್ತು ಜತ್ತಿತ್ತ್ಂಡ್. ಈ ಕಂಪನಿ ಇತ್ತೆ ಆಸ್ಟ್ರೇಲಿಯಾ, ಬ್ರೆಜಿಲ್, ಕೆನಡಾ, ಫ್ರಾನ್ಸ್, ಜರ್ಮನಿ, ಭಾರತ, ಇಟಲಿ, ಜಪಾನ್, ಮೆಕ್ಸಿಕೋ, ದಕ್ಷಿಣ ಕೊರಿಯಾ, ಸ್ಪೇನ್, ಬ್ರಿಟನ್ ಬೊಕ್ಕ ಅಮೆರಿಕದ ಸರ್ಕಾರಿ ನಾಯಕೆರ್ನ ಅನುಮೋದನೆ ರೇಟಿಂಗ್‌ ನ್ ಟ್ರ್ಯಾಕ್ ಮಲ್ತ್ ದ್ಂಡ್. ಆಯಿಟ್ ಜಗತ್ತ್ ದ ಪುಗರ್ತೆದ ನಾಯಕೆರ್ನ ಪಟ್ಟಿಡ್ ಪ್ರಧಾನಿ ನರೇಂದ್ರ ಮೋದಿಜಿಗ್ 72% ಅನುಮೋದನೆ ರೇಟಿಂಗ್ ತಿಕ್ಕ್ ದ್ಂಡ್.

PM Narendra Modi has topped the global leaders list:

Indian PM Narendra Modi has topped the global leaders list preceeding over world leaders like American President Joe Biden and Canadian PM Justin Traudeu.

PM Narendra Modi has. approval rating of 72% among world leaders.

ಶ್ರೀ ರಾಹುಗುಳಿಗ ಕೋಡ್ದಬ್ಬು ಪರಿವಾರ ದೈವದ ದೈವಸ್ಥಾನ : ಪುನಃ ಪ್ರತಿಷ್ಠೆ ಸಾನಿಧ್ಯ ಕಲಶಾಭಿಷೇಕ

Feb 7, 2022

ಕುಡ್ಲ : ಶ್ರೀ ರಾಹುಗುಳಿಗ ಕೋಡ್ದಬ್ಬು ಪರಿವಾರ ದೈವದ ದೈವಸ್ಥಾನಡ್ ತಾರೀಖ್ 8/2/2022 ನೇ ಅಂಗಾರೆ ರ್ದ್ 11/2/2022 ನೇ ಶುಕ್ರವಾರ ಮುಟ ಪುನಃ ಪ್ರತಿಷ್ಠೆ ಸಾನಿಧ್ಯ ಕಲಶಾಭಿಷೇಕ ನಡಪೆರೆ ಉಂಡು.

February 7, 2022

ತುಳು ಸಾಹಿತಿ, ತುಳು ಅಭಿಮಾನಿ ಜಯಕರ ಪೂಜಾರಿ ತಿಗಲೆ ಬೇನೆಡ್ ದೇವೆರೆ ಪಾದ ಸೇರಿಯೆರ್

ಫೆ. 8 : ಸಂಗೀತ ಗುರು ಶೀಲಾ ದಿವಾಕರ್ ಮೆರೆಗ್ ಗುರುವಂದನೆ, ಶ್ರದ್ಧಾಂಜಲಿ ಸಭೆ

ಉದ್ಭವ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನ ನಕ್ರೆ : ವರ್ಷದ ಉಚ್ಚಯ

ಟೀಮ್ ಇಂಡಿಯಾ U19 ಚಾಪಿಯನ್ : ಐನೇ ಸಲ ವಿಶ್ವಕಪ್ ಗೆಂದಿನ ಭಾರತ

ಇಲ್ಲಡ್ ಕಂಡ್ ದ್ ಗ್ಯಾಸ್ ರಿಫಿಲ್ಲಿಂಗ್ : 1,92,000 ಮೌಲ್ಯದ ಸೊತ್ತುನು ಪೊಲೀಸ್ ದಕುಲು ಕೊನೊಯೆರ್

ಗಂಧದ ಮರ ಕಂಡಿನ 4 ಜನ ಉಲಯಿ

ವರನಟ ಡಾ. ರಾಜ್ ಕುಮಾರ್ ನ ಮೂರ್ತಿನ್ ಕಂಡಿನ ಕಲ್ವೆರ್

ಜಗತ್ತ್ ದ ನಾಯಕೆರ್ ನ ಪಟ್ಟಿಡ್ ನರೇಂದ್ರ ಮೋದಿಜಿಗ್ ಸುರುತ್ತ ಜಾಗೆ

ಶ್ರೀ ರಾಹುಗುಳಿಗ ಕೋಡ್ದಬ್ಬು ಪರಿವಾರ ದೈವದ ದೈವಸ್ಥಾನ : ಪುನಃ ಪ್ರತಿಷ್ಠೆ ಸಾನಿಧ್ಯ ಕಲಶಾಭಿಷೇಕ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ