Fri. Jun 19th, 2026

February 14, 2022

ದೇವೆರೆ ಪಾದೊ ಸೇರ್ಯೆರ್ ಪೆರಿಯ ನಟಿ ಭಾರ್ಗವಿ ನಾರಾಯಣ್

ಬೆಂಗ್ಳೂರು : ಕನ್ನಡದ ಪೆರಿಯ ನಟಿ ಭಾರ್ಗವಿ ನಾರಾಯಣ್ ತೀರ್ ಪೋಯೆರ್ . ಹ್ ಹುಷಾರ್ ದಾಂತೆ ಇತ್ತಿನ ಭಾರ್ಗವಿ ನಾರಾಯಣ್ ಮೇರ್ ಇರುವತ್ತ್ ರಡ್ಡ್ ಚಿತ್ರ ಬೊಕ್ಕ ದೂರದರ್ಶನ ಸರಣಿದ ಮಂಥನಾ ಬೊಕ್ಕ ಮುಕ್ತಾ (ಟಿವಿ ಸರಣಿ) ಸೇರಿನಂಚ ಕನ್ನಡಡ್ ಅವ್ವೆತೋ ನಾಟಕಡ್ ನಟನೆ ಮಲ್ದೆರ್ . ಮೇರ್ ಎಐರ್ ದ ಮಹಿಳಾ ಲೇಸ್ ಬೊಕ್ಕ ಮಹಿಳಾ ಸಂಘದ ಜೋಕ್ಲೆಗಾದ್ ಕರ್ನಾಟಕ ನಾಟಕನ್ ಬರೆತೆರ್ ಅಂಚನೆ ನಿರ್ದೇಶನ ಮಲ್ದೆರ್ . ಮೇರ್ ಕನ್ನಡ ನಾಟಕ ಅಕಾಡೆಮಿದ ಸದಸ್ಯೆರಾದ್ ಬೇಲೆ ಮಲ್ದೆರ್.

ಮೇರ್ ಪಡೆಯಿನ ಪ್ರಶಸ್ತಿಲು : ಕರ್ನಾಟಕ ರಾಜ್ಯ ಚಲನಚಿತ್ರ ಪ್ರಶಸ್ತಿ – ಅತ್ಯುತ್ತಮ ಪೋಷಕ ನಟಿ (1974-75) ಕರ್ನಾಟಕ ರಾಜ್ಯನಾಟಕ ಅಕಾಡೆಮಿ ಪ್ರಶಸ್ತಿ (1998) ಕುಡ್ಲ ಪ್ರತಿಷ್ಠಿತ ಸಂದೇಶ ಪ್ರಶಸ್ತಿ ಆಳ್ವಾಸ್ ನುಡಿಸಿರಿ ಪ್ರಶಸ್ತಿ(2005) ಕರ್ನಾಟಕ ರಾಜ್ಯ ನಾಟಕ ಸ್ಪರ್ಧೆ – ಅತ್ಯುತ್ತಮ ನಟಿ (ರಡ್ಡ್ ಸಲ ) ಕರ್ನಾಟಕ ರಾಜ್ಯ ಜೋಕ್ಲೆನ ನಾಟಕ ಸ್ಪರ್ಧೆ (1974-75) – ರಾಜ್ಯ ಮಟ್ಟದ ಪ್ರಶಸ್ತಿ

ಕಲಾವಿದ ವಾಮನ ಕುಮಾರ್ ಕುಟುಂಬಗ್ ಪಣವುದ ಸಾಕಾರ

ಒಡಿಪು : ಕರಿನ ತಿಂಗೊಲು ಗಾಡಿದ ಅಪಘಾತಡ್ ತೀರ್ ಪೋಯಿನ ಹಿರಿಯಡಕ ಮೇಳದ ಪ್ರಸಿದ್ಧ ಕಲಾವಿದೆರಾಯಿನ ವೇಣೂರು ವಾಮನ ಕುಮಾರ್ ಮೆರೆನ ಬೊಡೆದಿ ಆಶಾ ಮೆರೆಗ್ ಒಡಿಪುದ ಯಕ್ಷಗಾನ ಕಲಾರಂಗದ ವತಿರ್ದ್ ಐವ ಸಾರ ರೂಪಾಯಿದ ಸಾಂತ್ವಾನ ನಿಧಿನ್ ಫೆ. 4 ತಾರೀಖ್ ಗ್ ಹಿರಿಯಡಕ ಮೇಳದ ಮತ್ತರ್ಮೆಡ್ ಕೊರಿಯೆರ್ .

ಯಕ್ಷಗಾನ ಕಲಾರಂಗದ ಉಪಾಧ್ಯಕ್ಷ ಎಸ್.ವಿ. ಭಟ್, ಪಿ. ಕಿಶನ್ ಹೆಗ್ಡೆ, ಕಾರ್ಯದರ್ಶಿ ಮುರಲಿ ಕಡೆಕಾರ್, ಜತೆ ಕಾರ್ಯದರ್ಶಿ ನಾರಾಯಣ ಎಮ್. ಹೆಗಡೆ ಪಾಲ್ ಪಡೆದಿತ್ತೆರ್ . ಉಂದುವೇ ಪೊರ್ತುಡು ಶ್ರೀನಿವಾಸ ರಾವ್ ಮುತಾಲಿಕೆಡ್ ಹಿರಿಯಡಕದ ನಾಗರಿಕೆರೆರ್ದ್ ಒಟ್ಟು ಮಲ್ತಿನ ಒಂಜಿ ಲಕ್ಷ ರೂಪಾಯಿ ಬೊಕ್ಕ ಮೇಳದ ಕಲಾವಿದೆರೆರ್ದ್ ಒಟ್ಟು ಮಲ್ತಿನ ಮುಪ್ಪತ್ತ ರಡ್ಡ್ ಸಾರ ರೂಪಾಯಿದ ಪಣವುನು ಕಲಾವಿದನ ಕುಟುಂಬಗ್ ಕೊರಿಯೆರ್ .

ನಾಗಕ್ಷೇತ್ರ ಕುಕ್ಕೆಡ್ ಸುರು ಆಯೆರೆ ಉಂಡು ಭಾರತದ ರಡ್ಡನೇ ವಿಷ ಚಿಕಿತ್ಸಾಲಯ| ಉಚ್ಚು ಚುಚ್ಚಿನೆಕ್ಕ್ ಆಯುರ್ವೇದ ಪದ್ದತಿಡ್ ಮರ್ದ್

ಸುಬ್ರಹ್ಮಣ್ಯ : ಪ್ರಸಿದ್ಧ ನಾಗಕ್ಷೇತ್ರ ಕುಕ್ಕೆ ಸುಬ್ರಹ್ಮಣ್ಯಡ್ ವಿಷದ ಉಚ್ಚು ಚುಚ್ಚಿನೆಕ್ಕ್ ಆಯುರ್ವೇದ ಮರ್ದ್ ಕೊರ್ಪಿನ ಆಸ್ಪತ್ರೆ ಸುರು ಮಲ್ಪರೆ ಸರಕಾರ ಚಿಂತನೆ ಕೊರ್ತುಂಡು .

ಮುಜರಾಯಿ ಇಲಾಖೆ 300 ಕೋ.ರೂ. ಪಣವುಡು ಕ್ಷೇತ್ರದ ಸಮಗ್ರ ಅಭಿವೃದ್ಧಿಗ್ ಯೋಜನೆ ಪಾಡ್ದೆರ್ , ಇಂಜಾಡಿದ ಕೈತಲ್ 50 ಎಕರೆ ಪ್ರದೇಶೊಡು 100 ಕೋ.ರೂ. ಪಣವುಡು ಪರಿಸರ ಸ್ನೇಹಿ ಕುಟೀರನ್ ಕಟ್ಟೊಂದು ಉಲ್ಲೆರ್ . ಅಲ್ಪ ಮನಃ ಶಾಂತಿ ತಿಕ್ಕುನ ಯೋಗ, ಥೆರಪಿ, ಧ್ಯಾನ, ಆಯು ರ್ವೇದ ಚಿಕಿತ್ಸೆ ಇಂಚಿನ ಸೌಲಭ್ಯ ಉಂಡು . ವಿಷ ಚಿಕಿತ್ಸೆದ ಆಸ್ಪತ್ರೆಲ ಐಟ್ ಒಂಜಿ . ಉಚ್ಚು ಚುಚ್ಚಿನಕ್ಲೆಗ್ ದಾಖಲ್ ಮಲ್ತೊನೆರೆ 5 ರ್ದ್ 6 ಬೆಡ್‌ ವ್ಯವಸ್ಥೆ ಉಂಡು . ಆಯುರ್ವೇದ ವೈದ್ಯೆರ್ ದಾದಿನಕುಲು ಉಲ್ಲೆರ್ ಗಿಡಮೂಲಿಕೆದ ಮುಖೇನ ಮರ್ದ್ ಕೊರಿಯೆರೆ ಉಲ್ಲೆರ್.

ಉಚ್ಚು ಚುಚ್ಚಿನೆರ್ದ್ ದೇಶೋಡು ವರ್ಷಡ್ 20 ಸಾರರ್ದ್ 50 ಸಾರದಾತ್ ಜನಕುಲು ಸೈಯೊಂದು ಉಲ್ಲೆರ್ . ಗಿಡಮೂಲಿಕೆದ ಮರ್ದೆ ಇತ್ತೆಲಾ ಎಚ್ಚಿನ ಜಾಗೆಡ್ ಕಮ್ಮಿ ಆವೊಂದು ಉಂಡು . ಉಚ್ಚುದ ಇಸೋಕು ಆಯಿನಾತ್ ಬೇಗ ಮರ್ದ್ ಬೋಡಾಪಿನೆರ್ದಾವರ ತಿoಕ್ಕದೆ ಅವ್ವೆತೋ ಜನ ಸೈಯೊಂದು ಉಲ್ಲೆರ್.

ತುಳುನಾಡ್ ನಾಗರಾಧನೆಗ್ ಪುಗಾರ್ತೆ ಪಡೆತುಂಡು . ಪಶ್ಚಿಮ ಘಟ್ಟದ ತಪ್ಪಲು ಪ್ರದೇಶ ಆಯಿನ ದ.ಕ., ಒಡಿಪುಡು ಅಸಂಖ್ಯಾತ ನಾಗಬನಲಾ ಉಂಡು ಕೇರಳದ ಕಣ್ಣೂರುದ ಪರಶ್ಶಿನಕಡವು ಕೈತಲ್ ಪಾಪ್ಪಿನಶೇರಿಡ್ ವಿಷದ ಉಚ್ಚು ಚುಚ್ಚಿನೆತ್ತ ಕ್ಲಿನಿಕ್‌ ಉಂಡು . ಅವೆನ್ ಬುರ್ದು ಕುಡ್ಲಡ್ ಇಂಚಿನ ಆಸ್ಪತ್ರೆ ಇಜ್ಜಿ . ಸುರುಟು ಆ್ಯಂಟಿಬ್ಯಾಟಿಕ್‌ ಚುಚ್ಚುಮದ್ದು ಕೊರ್ದು ಐರ್ದ್ ಬೊಕ್ಕ ಆಯುರ್ವೇದ ಪದ್ಧತಿದ ಮರ್ದ್ ಕೊರ್ಪೆರ್ ಪಂದ್ ಎಂದು ಕ್ಲಿನಿಕ್‌ದ ಡಾ| ಹರಿಕೃಷ್ಣ
ಪಂತೆರ್.

ಸಿ ಎ ಕಡೆತ ಪರೀಕ್ಷೆಡ್ ಸಪ್ನ ಕಾಮತ್ಗ್ ಎಡ್ಡೆ ಅಂಕೊ

ಒಡಿಪು : ಸಪ್ನಾ ಕಾಮತ್, ಇನ್ಸಿಟ್ಯೂಟ್ ಆಫ್ ಚಾರ್ಟಡ್್ರ ಅಕೌಂಟೆಂಟ್ ಆಫ್ ಇಂಡಿಯಾ ನಡಪಾಯಿನ ಸಿ ಎ ಕಡೆತ ಪರೀಕ್ಷೆಡ್ ಎಡ್ಡೆ ಅಂಕೊ ಪಡೆತೆರ್ .

ಒಡಿಪುದ ಸಿ ಎ ನರಸಿಂಹ ನಾಯಕ್, ನಾಯಕ್ ಆಂಡ್ ಅಸೋಸಿಯೇಟ್ಸ್ ಡ್ ಅರ್ಟಿಕಲಶಿಪ್ ಮಲ್ದೆರ್ .ಬೆದ್ರದ ಆಳ್ವಾಸ್ ಕಾಲೇಜ್ಡ್ ಬಿ. ಕಾಮ್ ಪದವಿ ಪಡೆಯಿನ ಮೇರ್ ಹಿರಿಯಡ್ಕದ ಸಂಧ್ಯಾ ಬೊಕ್ಕ ಸದಾನಂದ ಕಾಮತ್ನ ಮಗಲ್ .

ಕೋಟ : ಮಣೂರು ದೇವಲ್ಯೋಡು ನಿಧಿ ಕುಂಭ ಸ್ಥಾಪನೆ ಬೊಕ್ಕ ಷಡಾಧಾರ ಪ್ರತಿಷ್ಠೆ

ಕೋಟ: ಕೋಟ ಮಣೂರು ಶ್ರೀ ಮಳಲುತಾಯಿ ಅಮ್ಮನ ದೇವಲ್ಯೋದ ಜೀರ್ಣೋದ್ದಾರ ಕಾರ್ಯದ ನಿಮಿತ್ತ ಫೆ.9 ಬೊಕ್ಕ 10 ತಾರೀಖ್ ಗ್ ನಿಧಿ ಕುಂಭ ಸ್ಥಾಪನೆ ಬೊಕ್ಕ ಷಡಾಧಾರ ಲೇಸ್ ನಡತುಂಡು .

ತಂತ್ರಿಲಾಯಿನ ನಿಲಾವರ ಕೃಷ್ಣ ಅಡಿಗ ಬೊಕ್ಕ ಚಂದ್ರಶೇಖರ ಅಡಿಗ ಮಣೂರು ಮುತಾಲಿಕೆಡ್ ಬೇತೆ ಬೇತೆ ಧಾರ್ಮಿಕ ಲೇಸ್ ಆಯಿನ ನಿಧಿ ಕುಂಭ, ಶಿಲಾಪದ್ಮ, ಶಿಲಾಕೂರ್ಮ, ಯೋಗನಾಳ, ನಪುಂಸಕ ಶಿಲಾ ಲೇಸ್ ಭಕ್ತಾಭಿಮಾನಿಲೆನ ಒಟ್ಟು ಸೇರಿಗೆಡ್ ರಡ್ಡ್ ದಿನ ನಡತುಂಡು.

ಪುಲ್ವಾಮಾ ದಾಳಿಡ್ ತೀರ್ ಪೋಯಿನ ಭಾರತೀಯ ಯೋಧೆರೆಗ್ : ನುಡಿ ನಮನ

ಸುಬ್ರಹ್ಮಣ್ಯ : ಪುಲ್ವಾಮಾ ದಾಳಿಡ್ ತೀರ್ ಪೋಯಿನ ಭಾರತೀಯ ಯೋದೇರೆಗ್ *ನುಡಿ ನಮನ* ‘ ಲೇಸ್ ನ್ ವಾಲ್ಮೀಕಿ ಆಶ್ರಮ ಶಾಲೆ ಸುಬ್ರಹ್ಮಣ್ಯಡ್ ಅಟ್ಟನೆ ಮಲ್ತಿತ್ತೆರ್. ಈ ನೆಲೆಟ್ಟ್ ಶಾಲಾ ಅಂಗಣೊಡು ಸ್ವಚ್ಛತಾ ಲೇಸ್ ಅಟ್ಟನೆ ಮಲ್ತೆರ್.

ಈ ಲೇಸ್ ಡ್ ನಿವೃತ್ತ ಸೈನಿಕೆರಾಯಿನ ದಿನೇಶ್ ಸಿ ಡಿ ಬೊಕ್ಕ ಯತೀಶ್ ಮೆರೆಗ್ ಮಾನಾದಿಗೆ ಮಲ್ತೆರ್.


ಈ ಲೇಸ್ ಡ್ ಹರೀಶ್ ಕಾಮತ್ ಬೊಕ್ಕ ನಿವೃತ್ತ ಯೋಧೆರಾಯಿನ ದಿನೇಶ್ ಸಿ ಡಿ ಬೊಕ್ಕ ಯತೀಶ್ ಅಂಚನೆ ನಗರ ಕಾರ್ಯದರ್ಶಿಯಾಯಿನ ಸೃಜನ್ ಪಾಲ್ ಪಡೆದಿತ್ತೆರ್.

ವರದಿ : ಗೋಪಿಚಂದನ್ ಕೆ. ಎಸ್ 

ಶ್ರೀ ಬೆಂಕಿನಾಥೇಶ್ವರ ಕೃಪಾಪೋಷಿತ ದಶಾವತಾರ ಯಕ್ಷಗಾನ ಮಂಡಳಿ : ನಾಗತಂಬಿಲ ಆಟ

ಅರಿಯಪ್ಪಾಡಿ : ತುಳುನಾಡ್ದ ಆಣ್ಕಲೆ ಪಂದೆ ಪುಗಾರ್ತೆ ಪಡೆಯಿನ ಯಕ್ಷಗಾನ ಕಲಾರೂಪ ತಾರೀಖ್ 16-02-2022 ನೇ ಬುಧಾರದಾನಿ ರಾತ್ರಿ 7.00 ಗಂಟೆಗ್ ಸರಿಯಾದ್ಅರಿಯಪ್ಪಾಡಿ ತೆಮಾರ್ ಮೈದಾನೊಡು ನಡಪೆರೆ ಉಂಡು .ಶ್ರೀ ಬೆಂಕಿನಾಥೇಶ್ವರ ಕೃಪಾಪೋಷಿತ ದಶವತಾರ ಯಕ್ಷಗಾನ ಮಂಡಳಿ ಕಳವಾರು ಬಾಳ ಮೇಳೊರ್ದು ಶ್ರೀ ರವಿಕುಮಾರ್ ಸುರತ್ಕಲ್ ವಿರಚಿತ ನಾಗತಂಬಿಲ ಎಂಬ ಪನ್ಪಿ ಆಟ ನಡಪೆರೆ ಉಂಡು . ಗೆಜ್ಜೆದ ಪೂಜೆ ಪುಗಾರ್ತೆದಡಿ ಮನೋಹರ್ ಕುಮಾರ್ ಮೇರ್ ಈ ಪ್ರಸಂಗಡ್ ತನ್ನ ಅಮೋಘ ಅಭಿನಯೋದ ಮುಖೇನ ಮನರಂಜನೆ ಮಲ್ಪರೆ ಉಲ್ಲೆರ್.

ಗ್ರಾಮ ವಿಕಾಸ ಸಮಿತಿ ಮುಗು ಅರಿಯಪ್ಪಾಡಿ ಮುಂಡಿತ್ತಡ್ಕ ಮೆರ್ನ ಮುತಾಲಿಕೆಡ್ ನಡಪುನ ಈ ಯಕ್ಷಗಾನ ಬಯಲಾಟ ಕೊರೋನಾರ್ದ್ ಮತ್ತರ್ಮೆ ತಿಕ್ಕoದಿನ ಅವ್ವೆತೋ ಕಲಾವಿದೆರೆಗ್ ಪುನಶ್ಚೇತನ ಕೊರ್ಪಿನ ಉದ್ದೇಶ ಉಂಡು.

ವರದಿ : ಪ್ರವೀಶ್ ಕುಮಾರ್

ಕೋರ್ಟುಡು ಎಲ್ಲೆಗ್ ದೀತೆರ್ ಹಿಜಾಬ್ ವಿಚಾರಣೆ

ಬೆಂಗ್ಳೂರು: ರಾಜ್ಯದ ಶಾಲಾ ಕಾಲೇಜ್ದ ಹಿಜಾಬ್- ಕೇಸರಿ ಶಾಲು ಲಡಾಯಿದ ವಿಚಾರಣೆನ್ ಹೈಕೋರ್ಟ್ದ ತ್ರಿಸದಸ್ಯ ವಿಸ್ತ್ರತ ಪೀಠ ಸೋಮವಾರ ವಿಚಾರಣೆ ದುಂಬರಿಕೆ ಮಲ್ತೆರ್.ಮುಖ್ಯ ನ್ಯಾ.ರಿತುರಾಜ್ ಅವಸ್ಥಿ ನ್ಯಾ.ಕೃಷ್ಣ ಎಸ್.ದೀಕ್ಷಿತ್ ಬೊಕ್ಕ ನ್ಯಾ.ಜೈಬುನ್ನಿಸಾ ಎಂ.ಖಾಜಿ ಇತ್ತಿನ ತ್ರಿಸದಸ್ಯ ಪೀಠ ಇನಿ ಮಧ್ಯಾಹ್ನ 2.30ಕ್ ಸುರು ಮಲ್ದೆರ್ .

ಐರ್ದ್ ಬೊಕ್ಕ ವಕೀಲೆರಾಯಿನ ದೇವದತ್ ಕಾಮತ್ ಮೇರ್ ವಾದ ಮಂಡನೆ ಮಲ್ತ್ ಇತ್ತೆರ್ . ಇಂಚ ಮಸ್ತ್ ವಾದ ವಿವಾದ ಆದ್ ಇತ್ತುಂಡು . ಆಂಡ ನನಾತ್ ವಿಚಾರಣೆ ಬಾಕಿ ಉಪ್ಪುನೆರ್ದಾವರ ಕಾಮತ್ ಮೇರ್ ಎಲ್ಲೆಗ್ ಅವಕಾಶ ಕೊರಿಯೆರೆ ನ್ಯಾಯಾಧೀಶೆರೆಡ ಬಿನ್ನಾಪು ಮಲ್ದೆರ್ . ಐತ ಪ್ರಕಾರ ಎಲ್ಲೆ ಮಧ್ಯಾಹ್ನ 2-30 ಕ್ ವಿಚಾರಣೆ ಆಯರೇ ಉಂಡು .

ಮಣಿಪಾಲ : ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿ

ಮಣಿಪಾಲ: ರೇಡಿಯೋ ಮಣಿಪಾಲ್ 90.4 Mhz -ದೇಸಿ ಸೊಗಡು ಸಮುದಾಯ ಬಾನುಲಿಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಳೂರು, ಕರ್ನಾಟಕ ಸರ್ಕಾರ ಅಟ್ಟನೆ ಮಲ್ಪುನ “ಶುದ್ಧ ಜಲ , ಸ್ವಚ್ಛ ನೆಲ , ಆರೋಗ್ಯವಾದ್ ಉಪ್ಪಡ್ ಜೀವಸಂಕುಲ” ಪನ್ಪಿನ ಬಾನುಲಿ ಸರಣಿ ಲೇಸ್ ಡ್ ಫೆಬ್ರವರಿ ತಿಂಗೋಲ್ ದ ತಾರೀಕ್ 14 ಕ್ಕ್ ಸೋಮಾರದಾನಿ ಬಯ್ಯಗ್ 6 ಗ್ರಾಮೀಣ ಪರಿಸರಡ್ ಬಚ್ಚಲು ಗುಂಡಿದ ಪ್ರಾಮುಖ್ಯತೆದ ಬಗ್ಗೆ ಕಾರ್ಯಕ್ರಮ ಪ್ರಸಾರ ಆಯರೇ ಉಂಡು.

ವಾರಂಬಳ್ಳಿ ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿಲು ಆಯಿನ ಫರ್ಜಾ಼ನ ಎಂ ಪಾಲ್ ಪಡೆಯರೇ ಉಲ್ಲೆರ್.

ಈ ಕಾರ್ಯಕ್ರಮ ಫೆಬ್ರವರಿ 15ನೇ ದಾನಿ ಮಧ್ಯಾಹ್ನ 1 ಗಂಟೆಗ್ ಮರು ಪ್ರಸಾರ ಆಯಾರ ಉಂಡು.

ಸಾಕಾರ : ಒಡಿಪು ಜಿ.ಪಂ

Manipal: Radio Manipal 90.4 MHz Rural Community broadcast series:
Drinking water and sanitation department Bangalore; Karnataka Government has
Organised a series broadcast ” Shudda jala swacha nela Arogyvad ippodu Jeeva sankula on February 14 th Monday at 6p.m.
– A talk on the importance of bathrooms in rural areas.

Farzana M Pal Panchayat development officer of Varamballi gram Panchayat will participate in the program.

This program will be broadcast again on February 15th at noon 1p.m.

 

29ನೇ ವರ್ಷದ ಅಡ್ವ ನಂದಿಕೂರು “ಕೋಟಿ ಚೆನ್ನಯ” ಜೋಡುಕರೆ ಕಂಬುಲ ಕೂಟದ ಫಲಿತಾಂಶ

ಪಡುಬಿದ್ರೆ:29ನೇ ವರ್ಷದ ಅಡ್ವೆ ನಂದಿಕೂರು “ಕೋಟಿ – ಚೆನ್ನಯ” ಜೋಡುಕರೆ ಕಂಬುಲದ ಕೂಟದ ಫಲಿತಾಂಶ

ಕೂಟೊಡು ಪಾಲ್ ಪಡೆಯಿನ ಎರುಕ್ಲೆನ ಸಂಖ್ಯೆ :

ಕನೆ ಪಲಯಿ : 03 ಜೊತೆ                ಅಡ್ಡಪಲಯಿ: 07 ಜೊತೆ.                            ಬಲ್ಲ್ ದ ಮಲ್ಲ : 13 ಜೊತೆ.                          ನುಗ ಮಲ್ಲ : 30 ಜೊತೆ.                              ಬಲ್ಲ್ ದ ಎಲ್ಯ : 17 ಜೊತೆ                             ನುಗ  ಎಲ್ಯ : 75 ಜೊತೆ

ಒಟ್ಟು ಎರುಕ್ಲೆನ ಸಂಖ್ಯೆ: 145 ಜೊತೆ

ಕನೆಪಲಯಿ :
ವಾಮಂಜೂರು ತಿರುವೈಲುಗುತ್ತು ನವೀನ್ ಚಂದ್ರ ಆಳ್ವ ಪಲಯಿ ಮುಟ್ಟಿನಾರ್ : ಬೈಂದೂರು ಭಾಸ್ಕರ ದೇವಾಡಿಗ ( 6.5 ಕೋಲು ನಿಶಾನೆಗ್ ನೀರ್ ಪಾರಾದೆರ್ )

ಅಡ್ಡ ಪಲಯಿ :
ಸುರುತ ಇನಾಮು : ಕೋಟ ಗಿಳಿಯಾರ್ ಹಂಡಿಕೆರೆ ವಸಂತ ಕುಮಾರ್ ಶೆಟ್ಟಿ ಪಲಯಿ ಮುಟ್ಟಿನಾರ್ : ಭಟ್ಕಳ ಶಂಕರ್.

ರಡ್ಡನೆ ಇನಾಮು : ಹಂಕರಜಾಲು ಶ್ರೀನಿವಾಸ ಭಿರ್ಮಣ್ಣ ಶೆಟ್ಟಿ.
ಪಲಯಿ ಮುಟ್ಟಿನಾರ್ : ತೆಕ್ಕಟ್ಟೆ ಸುಧೀರ್ ದೇವಾಡಿಗ

ಬಲ್ಲ್ ದ ಎಲ್ಯ: 

ಸುರುತ ಇನಾಮು : ನಂದಳಿಕೆ ಶ್ರೀಕಾಂತ್ ಭಟ್ “ಎ” ಗಿಡಯಿನಾರ್ : ಪಟ್ಟೆ ಗುರು ಚರಣ್

ರಡ್ಡನೆ ಇನಾಮು : ಮಿಜಾರ್ ಪ್ರಸಾದ್ ನಿಲಯ ಶಕ್ತಿ ಪ್ರಸಾದ್ ಶೆಟ್ಟಿ
ಗಿಡಯಿನಾರ್ : ಹೊಕ್ಕಾಡಿಗೋಳಿ ಹಕ್ಕೇರಿ ಸುರೇಶ್ ಶೆಟ್ಟಿ

ಬಲ್ಲ್ ದ ಎಲ್ಯ:

ಸುರುತ ಇನಾಮು : ಬಾರಾಡಿ ಬೀಡು ನಿಹಾಲ್ ಜೆ ಬಳ್ಳಾಲ್ ಗಿಡಯಿನಾರ್ : ಕೊಳಕೆ ಇರ್ವತ್ತೂರು ಆನಂದ್

ರಡ್ಡನೆ ಇನಾಮು : ಚೊಕ್ಕಾಡಿ ಕಟಪಾಡಿ ದೈವೀಕ್ ಸಂತೋಷ್ ಶೆಟ್ಟಿ “ಎ”
ಗಿಡಯಿನಾರ್ : ಬೈಂದೂರು ವಿಶ್ವನಾಥ ದೇವಾಡಿಗ

ನುಗ ಮಲ್ಲ :
ಸುರುತ ಇನಾಮು : ಇರುವೈಲು ಪಾನಿಲ ಬಾಡ ಪೂಜಾರಿ ಗಿಡಯಿನಾರ್ : ಬೈಂದೂರು ವಿವೇಕ್ ಪೂಜಾರಿ

ರಡ್ಡನೆ ಇನಾಮು : ಎರ್ಮಾಳ್ ರೋಹಿತ್ ಹೆಗ್ಡೆ “ಎ” ಗಿಡಯಿನಾರ್ : ಹೊಕ್ಕಾಡಿಗೋಳಿ ಹಕ್ಕೇರಿ ಸುರೇಶ್ ಶೆಟ್ಟಿ

ನುಗ ಎಲ್ಯ: 

ಸುರುತ ಇನಾಮು : ಮಾರ್ಪಳ್ಳಿ ಕಂಬಳಮನೆ ರಾಜೇಶ್ ಶೆಟ್ಟಿ ಗಿಡಯಿನಾರ್ : ಬೈಂದೂರು ವಿಶ್ವನಾಥ ದೇವಾಡಿಗ

ರಡ್ಡನೆ ಇನಾಮು : ವೇಣೂರು ಮುಡುಕೋಡಿ ಗಣೇಶ್ ನಾರಾಯಣ ಪಂಡಿತ್ “ಎ” ಗಿಡಯಿನಾರ್ : ಬೈಂದೂರು ವಿವೇಕ್ ಪೂಜಾರಿ

You Missed