ಸುರತ್ಕಲ್: ಟೋಲ್ ವಿರುದ್ಧ ಧರಣಿ ಕುಲ್ದಿನ ಆಸಿಫ್ ಆಪತ್ಬಾಂಧವ ಅರೆಸ್ಟ್
ಸುರತ್ಕಲ್ : ಕರಿನ 14 ದಿನೊರ್ದು ಸುರತ್ಕಲ್ ಎನ್ಐಟಿಕೆ ಟೋಲ್ ಗೇಟ್ ವಿರುದ್ಧ ಪ್ರತಿಭಟನೆಡ್ ಅಹೋರಾತ್ರಿ ಧರಣಿ ಕುಲ್ದಿನ ಸಾಮಾಜಿಕ ಕಾರ್ಯಕರ್ತೆ ಆಸಿಫ್ ಆಪದ್ಬಾಂಧವ ಅಂಚನೆ ಆರ್ನ ಒಟ್ಟುಗು ಇತ್ತಿನ ಮೂಜಿ ಜನನ್ ಸೋಮಾರ ಮಧ್ಯಾಹ್ನ ಸುರತ್ಕಲ್ ಠಾಣಾ ಪೊಲೀಸೇರ್ ಪತ್ತ್ ದೆರ್.
ಕರಿನ ಕೆಲವು ದಿನೊರ್ದು ನಡುರಾತ್ರಿ ಧರಣಿ ಮಲ್ತೊಂದು ಇತ್ತಿನ ಜಾಗೆಗ್ ಬತ್ತಿನ ಮಂಗಳಮುಖಿನಕುಲು ಅವಾಚ್ಯ ಶಬ್ದಡ್ ನೆರ್ದ್ ಆಸಿಫ್ ಆಪತ್ಬಂಧವ ಮೆರೆನ ಮಿತ್ತ್ ಹಲ್ಲೆ ಮಲ್ತ್ ಇತ್ತೆರ್ , ಈ ಬಗ್ಗೆ ಆಸಿಫ್ ಸುರತ್ಕಲ್ ಪೊಲೀಸ್ ಠಾಣೆಗ್ ದೂರು ಕೊರ್ದು ಇತ್ತೆರ್ , ಪ್ರಕರಣಡ್ ಆಜಿ ಜನ ಮಂಗಳಮುಖಿನಕ್ಲೆನ್ ಪತ್ತ್ದ್ ಇತ್ತೆರ್ , ಆತೆ ಅತ್ತoದೆ ಮಂಗಳಮುಖಿನಕುಲು ಆಸೀಫ್ ಮೆರ್ನ ವಿರುದ್ಧ ಸುರತ್ಕಲ್ ಪೊಲೀಸ್ ಠಾಣೆಡ್ ಸುಳ್ಳು ದೂರು ದಾಖಲ್ ಮಲ್ದೆರ್ ಪಂದ್ ಪಂಡೆರ್ .
ಸೋಮಾರ ಧರಣಿ ವೇದಿಕೆಡ್ ಪ್ರತಿಭಟನೆ ಮಲ್ತೊಂದು ಇತ್ತಿನ ಆಸಿಫ್ ಆಪತ್ಬಾಂಧವ, ಅಶೀರ್, ಶಾಹಿದ್ ಬೊಕ್ಕ ಸಂತೋಷ್ ಪನ್ಪಿನರೆನ್ ಪೊಲೀಸೆರ್ ಪತ್ತ್ ದ್ ಜಾಗೆ ಬೊಕ್ಕ ಅಲ್ಪ ಇತ್ತಿನ ವಸ್ತು ಬೊಕ್ಕ ಗಾಡಿಲೆನ್ ವಶಕ್ ದೆತೊನ್ದೆರ್.
ಪೊಲೀಸೆರ್ ಲೆತೊಂದು ಪೋನಗ, ಉಂದು ಎನ್ನ ಬಂಧನ ಅತ್ತ್ , ದುಂಬುದ ಉಗ್ರ ರೀತಿದ ಹೋರಾಟದ ಸುರು , ಸಾರ್ವಜನಿಕೆರ್ ಮಾತೆರ್ಲ ಎಂಕ್ ಸಾಕಾರ ಕೊರೊಡು ಪಂದ್ ಪಂಡೆರ್.
ಮುಂಜಾಗ್ರತಾ ಕ್ರಮತ ನೆಲೆಟ್ಟ್ ಅಪಗನೆ 144 ಸೆಕ್ಷನ್ ನಿಷೇಧಾಜ್ಞೆ ಜಾರಿ ಮಲ್ದೆರ್ . ಪೇಂಟೆದ ಕೆಲವು ಕಡೆಟ್ ಬಿಗಿ ಪೊಲೀಸ್ ಬಂದೋಬಸ್ತ್ ಮಲ್ದೆರ್ .ಅಂಚನೆ ಶಿವಮೊಗ್ಗದ ಶಾಲಾ ಕಾಲೇಜ್ ಗ್ ರಜೆ ಕೊರ್ತೆರ್.
ಸಹಕಾರಿ ಕ್ಷೇತ್ರ ದುಂಬು ಬರ್ರೆ ತನ್ನನೇ ಆಯಿನ ಕೊಡುಗೆನ್ ಕೊರೊಂದ್ ದ.ಕ.ಜಿಲ್ಲಾ ಸಹಕಾರಿ ಬ್ಯಾಂಕ್ (ಎಸ್ಸಿಡಿಸಿಸಿ ಬ್ಯಾಂಕ್ ) ರಾಜ್ಯ ಬೊಕ್ಕ ರಾಷ್ಟ್ರ ಮಟ್ಟಡ್ ಗುರುತಿಸಾದ್ಂಡ್. ಬ್ಯಾಂಕ್ ದ ಬುಳೆಚ್ಚಿಲ್ ಗ್ ಪ್ರಾಮಾಣಿಕ ರೀತಿಡ್ ಸಾರ್ಥಕತೆನ್ ತೋಜಾಯಿನ ಬ್ಯಾಂಕ್ ಅಧ್ಯಕ್ಷೆರ್ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮಾತೆರ್ನಲ ಪ್ರೀತಿ-ವಿಶ್ವಾಸನ್ ಪಡೆತ್ತಿನಾರ್. ಅವಿಭಜಿತ ದ.ಕ. ಜಿಲ್ಲೆದ ಮಾದರಿ ಸಹಕಾರಿ ನಾಯಕೆರಾದ್ ರಾಜ್ಯ ಮಟ್ಟಡ್ ಲ ಪುದರ್ ನ್ ಪಡೆಯಿನ ‘ಸಹಕಾರ ರತ್ನ’ ಡಾ.ಎಂ.ಎನ್.ರಾಜೇಂದ್ರ ಕುಮಾರ್ ಮೇರ್ 73 ನೇ ಪುಟ್ಟುಪರ್ಬದ ಗೌಜಿನ್ ಮಲ್ಪರೆ ಜಿಲ್ಲೆದ ಸಮಸ್ತ ಸಹಕಾರಿಲು ತೀರ್ಮಾನ ಮಲ್ತ್ ದ. ಅಂಚಾದ್ ಫೆ.24ಕ್ಕ್ ಕಾಂಡೆ 10.30 ಗ್ ಎಸ್ ಸಿಡಿಸಿಸಿ ಬ್ಯಾಂಕ್ ದ ಸಭಾಂಗಣಡ್ ಪುತ್ತಿಗೆ ಮಠತ್ತ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮೀಜಿ ಮುತಾಲಿಕೆಡ್ ರಾಜೇಂದ್ರ ಕುಮಾರ್ ಮೆರೆನ ಪುಟ್ಟು ಪರ್ಬನ್ ಆಚರಣೆ ಮಲ್ಪರೆ ಉಂಡು. ಅಂಚನೆ ಮಾನಾದಿಗೆದ ಲೇಸ್, 73 ಫಲಾನುಭವಿಲೆಗ್ ಸವಲತ್ತು ಕೊರ್ಪಿನ ಲೇಸ್ ನಡಪರೆ ಉಂಡು ಪಂದ್ ದೇವಿಪ್ರಸಾದ್ ಶೆಟ್ಟಿ ಸುದ್ದಿಗೋಷ್ಠಿಡ್ ತೆರಿಪಾದೆರ್.
