ಪ್ರಧಾನಿ ಸಂಕಲ್ಪದಲಕ ಯೋಗ ವಿಶ್ವ ವ್ಯಾಪ್ತಿ : ನಳಿನ್ ಕುಮಾರ್ ಕಟೀಲ್
ಕುಡ್ಲ : ಸ್ವಾತಂತ್ರ್ಯದ ಅಮೃತ ಉಚ್ಚಯದ ಪರವಾದ್ ಬೇತೆ ಬೇತೆ 75 ಕೋಟಿ ಸೂರ್ಯನಮಸ್ಕಾರ ಮಹಾಯಜ್ಞದ ಕುಡ್ಲ ಲೇಸ್ ಪೇಂಟೆದ ಮಂಗಳಾ ಕ್ರೀಡಾಂಗಣಡ್ ಐತಾರ ನಡತುಂಡು.
ಸಂಸದ, ಬಿಜೆಪಿ ರಾಜ್ಯಾಧ್ಯಕ್ಷ ನಳಿನ್ ಕುಮಾರ್ ಕಟೀಲು ಈ ಲೇಸ್ ನ್ ಉದಿಪನ ಮಲ್ತೆರ್ .
ಆರೋಗ್ಯ ಕಾಪಾಡೆರೆ ಯೋಗನೇ ಮಾರ್ಗ. ಪ್ರಧಾನಿ ಮೋದಿ ಯೋಗಗ್ ಸ್ಥಾನಮಾನ ಕೊರಿಯೆರೆ ಸಂಕಲ್ಪ ಮಲ್ತಿಲಕ ಯೋಗ ಇನಿ ವಿಶ್ವವ್ಯಾಪಿ ಆತುಂಡು.ಸ್ವಾತಂತ್ರ್ಯದ ಅಮೃತ ಉಚ್ಚಯದ ನೆಲೆಟ್ಟ್ 75 ಕೋಟಿ ಸೂರ್ಯನಮಸ್ಕಾರ ಮಹಾಯಜ್ಞ ಅಟ್ಟನೆ ಮಲ್ದಿನವು ಶ್ಲಾಘನೀಯ ಪಂದ್ ಪಂಡೆರ್ .
ಕುಟುಂಬ ಪ್ರಬೋಧನ್ ಮಂಗಳೂರು ವಿಭಾಗ ಸಂಯೋಜಕ ಗಜಾನನ ಪೈ ಯೋಗದ ಮಹತ್ವ ತೆರಿಪಾಯೆರ್ . ಆರೆಸ್ಸೆಸ್ದ ಕುಡ್ಲ ಮಹಾನಗರ ಸಂಘಚಾಲಕ್ ಡಾ| ಸತೀಶ್ ರಾವ್, ಶಾಸಕೆರಾಯಿನ ವೇದವ್ಯಾಸ ಕಾಮತ್, ಡಾ| ಭರತ್ ಶೆಟ್ಟಿ, ಮೇಯರ್ ಪ್ರೇಮಾನಂದ ಶೆಟ್ಟಿ, ಯುವ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆ ಉಪನಿರ್ದೇಶಕ ಪ್ರದೀಪ್ ಡಿ’ಸೋಜ, ಪೆರಿಯ ಯೋಗಗುರು ಗೋಪಾಲಕೃಷ್ಣ ದೇಲಂಪಾಡಿ, ಕ್ರೀಡಾಭಾರತಿ ರಾಜ್ಯ ಕಾರ್ಯಕಾರಿಣಿ ಸದಸ್ಯ ಬೋಜರಾಜ್ ಕಲ್ಲಡ್ಕ, ಕುಡ್ಲದ ಪತಂಜಲಿ ಯೋಗಪೀಠದ ಡಾ| ಜ್ಞಾನೇಶ್, ಸುಜಾತಾ ಮಾರ್ಲ, ಕುಡ್ಲದ ಪತಂಜಲಿ ಶಿಕ್ಷಣ ಪ್ರತಿಷ್ಠಾನದ ಏಕನಾಥ ಬಾಳಿಗ, ಹಿಂದೂ ಜಾಗರಣ ವೇದಿಕೆದ ಅಮಿತ್, ಕುಡ್ಲ ಆವಿಷ್ಕಾರ ಯೋಗ ಸಂಸ್ಥೆದ ಕುಶಾಲಪ್ಪ ಗೌಡ ಪಾಲ್ ಪಡೆದಿತ್ತೆರ್ .
