ಕುಡ್ಲ : ನೆಹರೂ ನ ಬಗ್ಗೆ ಹಗುರವಾದ್ ಪಾರ್ತೆದಿನ ಸಿ.ಟಿ ರವಿ ದೇಶದ್ರೋಹಿ ಪಂದು ಮಾಜಿ ಸಚಿವ ರಮಾನಾಥ್ ರೈ ಹೇಳಿಕೆ ಕೊರ್ತೆರ್.
ಇನೀ ಪೇಂಟೆದ ಮಲ್ಲಿಕಟ್ಟೆದ ಕಾಂಗ್ರೇಸ್ ಭವನೋಡು ನಡತಿನ ಸುದ್ದಿಗೋಷ್ಠಿಡು ಪಾತೆರ್ದ್ “ಸ್ವಾತಂತ್ರೋತ್ಸವೊನು ನಮ ರಾಷ್ಟ್ರಡ್ ಮಲ್ತುದು . ಅಂಚನೇ ದೇಶಗಾದ್ ತ್ಯಾಗ ಮಲ್ದಿನ ದೇಶ ಪ್ರೇಮಿನಕುಲೆನು ನಮ ನೆಂಪು ಮಲ್ದ . ಆಂಡ ಈ ಪೊರ್ತುಡು ಕೆಲವು ಬಿಜೆಪಿ ನಾಯಕೆರು ಸ್ವಾತಂತ್ರ ಹೋರಾಟಗಾರರೆನು ಅಪಮಾನ ಮಲ್ಪುನ ಹೇಳಿಕೆನು ಕೊರ್ತೆರ್ ಅವು ಖೇದಕರವಾತುಂಡು” ಪಂದು ಮಾಜಿ ಸಚಿವ ಬಿ. ರಮಾನಾಥ ರೈ ಪಂಡೆರ್.
ಸಿ.ಟಿ ತರೆಟ್ ಯಾನ್ ಒರಿ ಮಲ್ಲ ಪ್ರಧಾನ ಕಾರ್ಯದರ್ಶಿ ಪನ್ಪುನ ವಿಚಾರ ಉಂಡು . ಸ್ವಾತಂತ್ರಗಾದ್ ಜೈಲುಗು ಪೋಯಿನ ಪಂಡಿತ್ ಜವಾಹರ್ ಲಾಲ್ ನೆಹರೂ ನ ಮಿತ್ತು ಅಪಪ್ರಚಾರನೋ ಬಿಜೆಪಿದಕುಲೇ ಮಲ್ಪುನಿ ಉಂದು ಮಾಮಲ್ಲ ಅಪಮಾನವಾತುಂಡು ಪಂಡೆರ್.
pallavi shetty