ಬುಳೆ ವಿಮೆ ಯೋಜನೆಡ್ ನೋಂದಾವಣೆ ಮಲ್ಪರೆ ಲೆಪ್ಪು

ಕುಡ್ಲ : 2021-22ನೇ ಸಾಲ್ ದ ಮುಂಗಾರು ಹಂಗಾಮುಡು ಕರ್ನಾಟಕ ರೈತ ಸುರಕ್ಷಾ ಪ್ರಧಾನಮಂತ್ರಿ ಫಸಲ್ ಬಿಮಾ ಯೋಜನೆದಡಿ ಬುಳೆ ವಿಮೆಗಾದ್ ರೈತೆರ್ ತಮ್ಮ ಪುದರ್ ನ್ ನೋಂದಾವಣೆ ಮಲ್ಪರೆ ಲೆಪ್ಪು ಕೊರ್ತೆರ್ .

ಜಿಲ್ಲೆಡ್ ಈ ಯೋಜನೆನ್ ಅನುಷ್ಠಾನ ಮಲ್ಪರೆ ಯುನಿವರ್ಸಲ್ ಸೋಂಪೊ ಇನ್ಶುರೆನ್ಸ್ ಕಂಪನಿನ್ ನಿಗದಿ ಮಲ್ದೆರ್ . ಜಿಲ್ಲೆಡ್ ಭತ್ತ ಬುಲೆಪುನ ರೈತೆರ್ ಈ ಯೋಜನೆಗ್ ತಮ್ಮ ಪುದರ್ ನ್ ನೊಂದಾವಣೆ ಮಲ್ಪೊಡು .

ಈ ಯೋಜನೆದಡಿ  ಒವ್ವೆ ಪ್ರಕೃತಿ ವಿಕೋಪರ್ದ್ , ಹವಾಮಾನ ವೈಪರೀತ್ಯರ್ದ್ ಶೇ.75 ರ್ದ್ ಜಾಸ್ತಿದ ಕ್ಷೇತ್ರಡ್ ಬಿತ್ತನೆ ವಿಫಲ ಆಯಿನಲ್ಪ ವಿಮಾ ಮೊತ್ತದ ಗರಿಷ್ಠ ಶೇ.25ರ ಭಾಗನ್ , ಬಿತ್ತನೆರ್ದ್ ಕಟಾವು ಮುಟ ನಡುತ ಪೊರ್ತುಡು ಶೇ.50ರ್ದ್ ಜಾಸ್ತಿ ಬುಳೆ ನಷ್ಟ ಆಂಡ ದುಂಬೇ ಅಂದಾಜು ಮಲ್ತಿನ ಬುಳೆ ವಿಮಾ ನಷ್ಟ ಪರಿಹಾರಡ್ ಶೇ.25ದಾತ್ ಕಾಸ್ ಪರಿಹಾರವಾದ್ ಕೊರ್ರೆ ಉಲ್ಲೆರ್.