ಯೋಜನೆ

ಕಟೀಲ್ ಡ್ 3.5 ಕೋಟಿ ಕರ್ಚಿಡ್ ತಡೆಗೋಡೆ ಕಟ್ಟಾವುನ ಯೋಜನೆಗ್ ಕೆಸರ್ ಕಲ್ಲ್ ದ ಲೇಸ್

ಕಟೀಲು : ಕರಿನ ನಾಲ್ ವರ್ಷೊರ್ದಿಂಚಿ ಕಟೀಲ್ ಕ್ಷೇತ್ರದ ಅಭಿವೃದ್ದಿಗ್ ಶಾಸಕೆರ್ ಉಮಾನಾಥ್ ಕೋಟ್ಯಾನ್ ಒಟ್ಟುಗು 30 ಕೋಟಿ ಅನುದಾನ ಕೊರ್ಪಾದೆರ್ ಪಂದ್ ಕುಡ್ಲ ಸಂಸದೆರ್ ನಳಿನ್ ಕುಮಾರ್ ಕಟೀಲ್ ಪಂಡೆರ್ .
ಆರ್ ಸಣ್ಣ ನೀರಾವರಿ ಇಲಾಖೆ ಬೊಕ್ಕ ಅಭಿವೃದ್ದಿ ಇಲಾಖೆ ವತಿರ್ದ್ 3.50 ಕೋಟಿ ರೂಪಾಯಿ ಕರ್ಚಿಡ್ ನಡಪುನ ತಡೆಗೋಡೆ ನಿರ್ಮಾಣಗ್ ಕೆಸರ್ ಕಲ್ಲ್ ಪಾಡ್ದ್ ಪಾತೆರಿಯೆರ್.

ಮೂಲ್ಕಿ-ಬೆದ್ರ ಅಭಿವೃದ್ಧಿ ಗ್ ಶಾಸಕೆರ್ ಒಟ್ಟು 1000 ಕೋಟಿ ರೂಪಾಯಿ ಅನುದಾನ ಕನಪಾದೆರ್. ಅಯಿಟ್ ಪರ್ಪಿನ ನೀರ್ ದ ವ್ಯವಸ್ಥೆಗಾದ್ 200 ಕೋಟಿ ಅನುದಾನ ಕೊರ್ತೆರ್. ಕಟೀಲ್ ದೇವಸ್ಥಾನ ದ ಬ್ರಹ್ಮ‌ಕಲಶದ ಪೊರ್ತುಡು ಕಟೀಲ್ ಗ್ ಬರ್ಪಿನ ಮಾತಾ ಮಾರ್ಗೊಲೆನ್ ಅಭಿವೃದ್ದಿ ಮಲ್ತ್ ದ್ ಕಟೀಲ್ ಗ್ ಪೊಸ ದೇಖಿ ಕೊರ್ಪಾದೆರ್ ಪಂದ್ ಪಂಡೆರ್.
ಶಾಸಕೆರ್ ಉಮಾನಾಥ ಕೋಟ್ಯಾನ್ ಪಾತೆರ್ದ್ ಮೂಲ್ಕಿ ಬೆದ್ರ ಕ್ಷೇತ್ರಡ್ ಹೆಚ್ಚಿನ ಅಭಿವೃದ್ದಿ ಕೆಲಸ ಅತ್ಂಡ್ ಅಯಿಕ್ ಕಾರಣ ನಮ್ಮ ಕ್ಷೇತ್ರದಾರೇ ಆದುಪ್ಪುನ ನಳಿನ್ ಕುಮಾರ್ ಬಿಜೆಪಿದ ರಾಜ್ಯಾಧ್ಯಕ್ಷೆರಾದಿತ್ತಿನ ಕಾರಣ ಪಂಡೆರ್.
ಕಟೀಲ್ ದೇವಲ್ಯದ ಅನುವಂಶಿಕ ಮೊಕ್ತೇಸರೆರ್ ವಾಸುದೇವ ಆಸ್ರಣ್ಣ ಆಶೀರ್ವಚನ ಮಲ್ತೆರ್. ಪ್ರಧಾನ ಅರ್ಚಕೆರ್ ಅನಂತಪದ್ಮನಾಭ ಆಸ್ರಣ್ಣ
ಮತ್ತರ್ಮೆಡ್ ಇತ್ತೆರ್.
ಹರಿನಾರಾಯಣ ದಾಸ ಆಸ್ರಣ್ಣ ಸ್ವಾಗತ ಮಲ್ತೆರ್. ನಿತೇಶ್ ಶೆಟ್ಟಿ ಎಕ್ಕಾರು ನಿರೂಪಣೆ ಮಲ್ತೆರ್.
ಈ ಪೊರ್ತುಡು ಬಿಜೆಪಿ ಮಂಡಲಾಧ್ಯಕ್ಷೆರ್ ಸುನೀಲ್ ಅಳ್ವ, ಕಾರ್ಯದರ್ಶಿ ಕೇಶವ ಕರ್ಕೇರ, ಧಾರ್ಮಿಕ ಪರಿಷತ್ ಸದಸ್ಯೆರ್ ಭುವನಾಭಿರಾಮ ಉಡುಪ, ವೇದವ್ಯಾಸ ಉಡುಪ, ಸುರೇಖ ರೈ ಎಕ್ಕಾರು, ಈಶ್ವರ್ ಕಟೀಲ್, ಕಸ್ತೂರಿ ಪಂಜ, ಅರುಣ್ ಕುಮಾರ್ ಮಲ್ಲಿಗೆಯಂಗಡಿ, ಅಭಿಲಾಷ್ ಶೆಟ್ಟಿ ಕಟೀಲ್, ಲೊಕಯ್ಯ ಸಾಲಿಯಾನ್ ಕೊಂಡೆಲ, ಆದರ್ಶ್ ಶೆಟ್ಟಿ ಎಕ್ಕಾರು, ಪ್ರಕಾಶ್ ಕುಕ್ಯಾನ್, ಜನಾರ್ಧನ ಕಿಲೆಂಜೂರು, ದೇವಿ ಪ್ರಸಾದ್ ಶೆಟ್ಟಿ ಕೊಡೆತ್ತೂರು, ಪ್ರೇಮ್ ರಾಜ್ ಶೆಟ್ಟಿ ಬರ್ಕೆ, ಸತೀಶ್ ಶೆಟ್ಟಿ ಎಕ್ಕಾರು, ಗುರುರಾಜ್ ಮಲ್ಲಿಗೆಯಂಗಡಿ, ಪ್ರವೀಣ್ ಕಟೀಲ್, ವಿಠಲ ಮೂಲ್ಕಿ, ಸ್ಟ್ಯಾನಿ ಪಿಂಟೋ, ಉಮಾನಾಥ್ ಕೊಡೆತ್ತೂರು, ಕಲ್ಪೇಶ್ ಮಲ್ಲಿಗೆಯಂಗಡಿ, ಗಿರೀಶ್ ಕೊಡೆತ್ತೂರು, ದೇವಲ್ಯದ ಪ್ರಬಂಧಕ ತಾರಾನಾಥ ಶೆಟ್ಟಿ, ವಿಖ್ಯಾತ್ ಕಟೀಲು, ಗುತ್ತಿಗೆದಾರೆರ್ ಪ್ರವೀಣ್, ಸಣ್ಣ ನೀರಾವರಿ ಇಲಾಖೆದ ಅಧಿಕಾರಿಲು ವಿಷ್ಣು ಕಾಮತ್ , ರಾಕೇಶ್ ಮೊಕುಲು ಮಾತ ಇತ್ತೆರ್.