ಕುಡ್ಲ, ಆಗಸ್ಟ್ 8: ರಾಜ್ಯಡ್ ಕೊರೊನಾ ಮೂಜನೇ ಅಲೆ ಅಬ್ಬರದ ಭೀತಿ ಎದುರಾತುಂಡು . ಕೇರಳ ಬೊಕ್ಕ ಮಹಾರಾಷ್ಟ್ರ ಗಡಿ ಭಾಗದ ಎನ್ಮ ಜಿಲ್ಲೆಡ್ ಕೊರೋನಾ ಮಹಾಮಾರಿದ ಭೀತಿ ಜಾಸ್ತಿ ಆಯಿನೆರ್ದಾವರ ರಾಜ್ಯ ಸರ್ಕಾರ ಕಟ್ಟೆಚ್ಚರ ದೆತೊನ್ದುಂಡು . ಗಡಿ ಭಾಗದ ಎನ್ಮ ಜಿಲ್ಲೆದ ವಾರಾಂತ್ಯದ ಕರ್ಫ್ಯೂ ಬೊಕ್ಕ ರಾತ್ರಿ ಕರ್ಫ್ಯೂ ವಿಸ್ತರಣೆ ಮಲ್ಪರೆ ರಾಜ್ಯ ಸರ್ಕಾರ ಆದೇಶ ಮಲ್ದುಂದು .
ಈ ನೆಲೆಟ್ಟ್ ದಕ್ಷಿಣ ಕನ್ನಡ ಜಿಲ್ಲೆಡ್ಲಾ ಜಿಲ್ಲಾಡಳಿತ ಕಠಿಣ ಕ್ರಮ ದೆತೊನ್ದುಂಡು . ನೆತ್ತ ನಡುಟು ರಾಜ್ಯಡ್ ಕೊರೊನಾ ಮೂಜನೇ ಅಲೆತ ಭೀತಿದ ನಡುಟು ನನೊಂಜಿ ರೂಪಡ್ ಡೆಡ್ಲಿ ವೈರಸ್ ಎಂಟ್ರಿ ಕೊರ್ತುಂಡು . ದಕ್ಷಿಣಕನ್ನಡ ಜಿಲ್ಲೆಡ್ ಇಂದುವೆ ಸುರುತ ಸಲ ಇಟಾ ಪುದರ್ ದ ಪೊಸ ತಳಿಯ ವೈರಾಣು ಪತ್ತೆಯಾತುಂಡು . ಕೋವಿಡ್ ಪಾಸಿಟಿವ್ ಬತ್ತಿನ ವ್ಯಕ್ತಿನ ಸ್ವ್ಯಾಬ್ ನ್ ಜಿನೋಮಿಕ್ ಸಿಕ್ವೆನ್ಸ್ ಪರೀಕ್ಷೆಗ್ ತೋಜಾನಗ ಇಂದು ಇಟಾ ತಳಿಯ ವೈರಸ್ ಪಂದ್ ಖಚಿತ ಆತುಂಡು .
pallavi shetty