ಕುಡ್ಲರ್ದ್ ಕಾಸ್ರೋಡುಗು ಬಸ್ ಸಂಚಾರ ಸ್ಥಗಿತ : ನಳಿನ್ ಕುಮಾರ್ ಕಟೀಲ್

ಕುಡ್ಲ , ಜು.31: ಕೈತಲ್ ದ ಕೇರಳಡ್ ಕೋವಿಡ್ ಸೋಂಕುದ ಪ್ರಕರಣ ಜಾಸ್ತಿ ಆಯಿನ ನೆಲೆಟ್ಟ್ ದ.ಕ. ಜಿಲ್ಲೆರ್ದ್ ಕಾಸರಗೋಡುಗು ಪೋಪಿನ ಸರಕಾರಿ ಬೊಕ್ಕ ಖಾಸಗಿ ಬಸ್‌ಲೆನ್ ಆ.1ರ್ದ್ ಒಂಜಿ ವಾರ ಬಸ್ ಇಜ್ಜಿ ಪಂದ್ ಸಂಸದ ನಳಿನ್ ಕುಮಾರ್ ಕಟೀಲು ಪಂಡೆರ್ .

ನಗರದ ಜಿಲ್ಲಾಧಿಕಾರಿ ಕಚೇರಿ ಸಭಾಂಗಣಡ್ ಶನಿವಾರ ಅಟ್ಟನೆ ಮಲ್ದಿನ ಕೋವಿಡ್-19 ಸೋಂಕು ನಿಯಂತ್ರಣಗ್ ಸಂಬಂಧಿ ಜಿಲ್ಲಾ ವಿಪತ್ತು ನಿರ್ವಹಣಾ ಪ್ರಾಧಿಕಾರದ ಸಭೆಟ್ ಗುರ್ಕಾರ್ಮೆ ವಹಿಸ್ ದ್ ಪಾತೆರಿಯೆರ್.

ಕೊರೋನ ಪಾಸಿಟಿವಿಟಿ ಪ್ರಕರಣ ಕರಿನ ಕೆಲವು ದಿನರ್ದ್ ಜಿಲ್ಲೆಡ್ ಜಾಸ್ತಿ ಆವೊಂದು ಉಪ್ಪುನ ನೆಲೆಟ್ಟ್ ಜಿಲ್ಲೆದ ಗಡಿಭಾಗಡ್ ಕಟ್ಟುನಿಟ್ಟ್ ದ ಕ್ರಮ ದೆತೊಂದು ಕೊರೋನ ಸೋಂಕು ಪಸರಂದೆ ಸೂಕ್ತ ಕ್ರಮ ದೆತೊನುನೆತ್ತ ಒಟ್ಟುಗು ಕೋವಿಡ್ ನಿಯಮಲೆನ್ ಕಡ್ಡಾಯವಾದ್ ಪಾಲಿಸಾವೊಡು ಪಂದ್ ಪಂಡೆರ್ .