ಒಡಿಪು, ಜುಲೈ 26: ನಿವೃತ್ತಿ ಆವೊಂದು ಉಪ್ಪುನ ಒಡಿಪು ಸಂಸ್ಕೃತ ಮಹಾಪಾಠ ಶಾಲೆದ ಪ್ರಾಚಾರ್ಯ ಎನ್.ಲಕ್ಷ್ಮೀನಾರಾಯಣ ಭಟ್ ಮೆರ್ನ ಮಾನದಿಗೆ ಮಲ್ಪುನ ಲೇಸ್ ಐತಾರ ಒಡಿಪು ಶ್ರೀಕೃಷ್ಣಮಠದ ರಾಜಾಂಗಣದ ನರಹರಿ ತೀರ್ಥ ಮತ್ತರ್ಮೆಡ್ ನಡತುಂಡು.
ಕಟೀಲು ಕ್ಷೇತ್ರದ ಆನುವಂಶಿಕ ಮೊಕ್ತೇಸರ ಹರಿನಾರಾಯಣ ದಾಸ ಅಸ್ರಣ್ಣ ಪಾತೆರ್ದ್ , ಸಂಸ್ಕೃತಗಾದ್ ಸಂಸ್ಕೃತ ಕಾಲೇಜಿಗಾದ್ ತನ್ನನ್ನೇ ಅರ್ಪಣೆ ಮಲ್ತಿನ ಮಹನೀಯೆರ್ , ಜೋಕ್ಲೆನ್ ಪ್ರೀತಿರ್ದ್ ತಿದ್ದುನ ಚಾಣಾಕ್ಷತನ, ಸಂಘ ಟನಾ ಕಲೆ, ಅದ್ಭುತವಾಯಿನ ವಿದ್ವತ್ತು ಜೋಕ್ಲೆಗ್ ಬೇಲೆ ಮಲ್ಪಾವುಂಡು ಪಂದ್ ಪಂಡೆರ್.
ಪಲಿಮಾರು ಮಠಾಧೀಶ ಶ್ರೀವಿದ್ಯಾಧೀಶತೀರ್ಥ ಸ್ವಾಮೀಜಿ ಆಶೀರ್ವಚನ ಕೊರಿಯೆರ್.ಪಂಡಿತ ಪಂಜ ಭಾಸ್ಕರ ಭಟ್, ಎಸ್.ಎಂ.ಎಸ್.ಪಿ. ಸಭೆಯ ಕಾರ್ಯದರ್ಶಿ ದೇವಾನಂದ ಉಪಾಧ್ಯಾಯ ಪಾತೆರಿಯೆರ್ . ಮಾನದಿಗೆ ಸ್ವೀಕಾರ ಮಲ್ತಿನ ಲಕ್ಶ್ಮೀನಾರಾಯಣ ಭಟ್ ಸೊಲ್ಮೆ ಸಂದೈತ ಮಲ್ತೆರ್ .
pallavi shetty