ಮೂಡುಬಿದಿರೆ, ಜುಲೈ 17: ಕಂಬಳ ಕ್ಷೇತ್ರದ `ಉಸೇನ್ ಬೋಲ್ಟ್’ ಖ್ಯಾತಿದ , `ಕರ್ನಾಟಕ ಕ್ರೀಡಾರತ್ನ’ ಪ್ರಶಸ್ತಿ ಪುರಸ್ಕೃತ, ಮಿಜಾರು ಅಶ್ವತ್ಥಪುರ ಶ್ರೀನಿವಾಸ ಗೌಡ ಮೆರೆನ್ ಜವನೆ ಒರಿ ದೂರವಾಣಿ ಕರೆತ ಮುಖೇನ ನಿಂದನೆ ಮಲ್ದಿನ ಬಗ್ಗೆ ಮೂಡುಬಿದಿರೆ ಪೊಲೀಸ್ ಠಾಣೆಡ್ ದೂರು ಕೊರ್ತೆರ್ .
ಗುರುವಾರ ಪ್ರಶಾಂತ್ ಪನ್ಪಿನ ವ್ಯಕ್ತಿ ದೂರವಾಣಿಡ್ ಕಂಬಳದ ಬಗ್ಗೆ ಪಾತೆರ್ದ್ , ತನನ್ , ತನ್ನ ಕುಟುಂಬದಕ್ಲೆನ್ ಅವಾಚ್ಯ ಶಬ್ದರ್ದ್ ನಿಂದನೆ ಮಲ್ತಿನ ಬಗ್ಗೆ ಶ್ರೀನಿವಾಸ ಗೌಡ ಮೇರ್ ಮೂಡುಬಿದಿರೆ ಠಾಣೆಗ್ ದೂರು ಕೊರ್ತೆರ್ .
ಸಾಧಕ ಓಟಗಾರನ್ ಅವಹೇಳನ ಮಲ್ದಿನೆನ್ ಜನಪ್ರತಿನಿಧಿಲು , ಕಂಬಳ ಕ್ಷೇತ್ರದ ಪ್ರಮುಖೆರ್ , ಕಂಬಳಾಭಿಮಾನಿಲು ಖಂಡನೆ ಮಲ್ದೆರ್ .
ಶಾಸಕ ಉಮಾನಾಥ ಕೋಟ್ಯಾನ್ ಖಂಡನೆ, ಕಾನೂನು ಕ್ರಮಕ್ ಸೂಚನೆ: ಕಂಬಳ ರಂಗಡ್ ಸಾಧಕೆಯಾದ್ ಮೆನ್ಕೊಂದು ಊರುಗು , ದೇಶಗ್ ಕೀರ್ತಿ ಕನದಿನ ಶ್ರೀನಿವಾಸ ಗೌಡೆರೆನ್ , ಆರ್ನ ಕುಟುಂಬದಕ್ಲೆನ್ ನಿಂದನೆ ಮಲ್ದಿನವು ಅಕ್ಲೆಗ್ ಮಲ್ದಿನ ಅಪಮಾನ ಅತ್ತ್ , ಇಡೀ ಕಂಬಳ ರಂಗಗ್ , ಈ ನಾಡ್ ಗ್ ಮಲ್ದಿನ ಅಪಮಾನ ; ಮೂಡುಬಿದಿರೆ ವಿಧಾನಸಭಾ ಕ್ಷೇತ್ರದ ಶಾಸಕೆಯಾದ್ ಮೂಡುಬಿದಿರೆದ ಕೋಟಿ ಚೆನ್ನಯ ಕಂಬಳ ಸಮಿತಿ ಗುರ್ಕರೆ ಆದ್ ಏಪಲಾ l ಶ್ರೀನಿವಾಸ ಗೌಡರ ಜತೆ ಯಾನುಲ್ಲೇ ಪಂದ್ ಪಂಡೆರ್ .
Editorial