ಒಡಿಯೂರು ಶ್ರೀಕ್ಲೆನ ಷಷ್ಠಬ್ಧ ಸಂಭ್ರಮದ ಅಂಗವಾದ್ ಉಡುಪಿ ಸಮಿತಿದಕ್ಲೆನ ಭಜನಾ ಸತ್ಸಂಗ

ಒಡಿಯೂರು ಶ್ರೀಕ್ಲೆನ 60‌ನೇ ಪುಟ್ಟು ಪರ್ಬದ ಅಂಗವಾದ್ ಉಡುಪಿ ಸಮಿತಿದ ವತಿಡ್ದ್ 60 ಕಾರ್ಯಕ್ರಮೊಲೆನ್ ಉಡುಪಿ ಸಮಿತಿದ ವತಿಡ್ದ್ ನಡಪುನ ಯೋಜನೆ ಪಾಡೊಂದೆರ್..ಈ ಕಾರ್ಯಕ್ರಮೊಡ್ 60 ಇಲ್ಲಡ್ ಭಜನಾ ಸೇವೆಲಾ ಒಂಜಿ..ಕರಿನ ಮಾರ್ಚ್ ತಿಂಗೊಲುಡಿಂಚಿ ಭಜನಾ ಸೇವೆ ನಡತೊಂದುಂಡು.

ಜುಲೈ 16 ತಾರೀಕುದಾನಿ ಶುಕ್ರವಾರ ಉಡುಪಿ ಭಜನಾ ಸಮಿತಿದ ಸಂಚಾಲಕೆರಾಯಿನ ಅಮಿತಾ ಗಿರೀಶ್ ಮೆರೆನ ಇಲ್ಲಡ್ ಭಜನಾ ಸೇವೆ ನಡತುಂಡ್..ಈ ಪೊರ್ತುಡ್ ಉಡುಪಿ ವಲಯಾಧ್ಯಕ್ಷೆರಾಯಿನ ಪ್ರಭಾಕರ್ ಶೆಟ್ಟಿ ಕಬ್ಯಾಡಿ,ಕಾರ್ಯದರ್ಶಿ ಚಂದ್ರಿಕಾ ಜಯಪ್ರಕಾಶ್, ಸಮಿತಿದ ಶೋಭಾ ಶೆಟ್ಟಿ, ಲಕ್ಷ್ಮಣ್ ಮೈಂದನ್,ಜಿ.ಎನ್.ಕೋಟ್ಯಾನ್,ಪುರಂದರ ಕೋಟ್ಯಾನ್,ರಾಜೇಶ್ ಶೆಟ್ಟಿ, ಸಂಪ್ರೀತಾ, ಅಶೋಕ್ ಕಾಂಚಾನ್,ರಘು, ಸೇವಾಪ್ರತಿನಿಧಿ ನಳಿನಾಕ್ಷಿ ಯಶೋದ ಕೇಶವ್, ಮಾಸ್ಟರ್ ಮಹಿಮ್ ಉಪಸ್ಥಿತರಿತ್ತೆರ್..

ಈ ಪೊರ್ತುಡ್ ಭಜನಾ ಸೇವೆ ಮಲ್ಪರೆಗ್ ಅವಕಾಶ ಮಲ್ತ್ ಕೊರಿನ ಅಮಿತಾ ಗಿರೀಶ್ ಮೊಕ್ಲೆಗ್ ನಾಡೋಜ ಜಿ.ಶಂಕರ್ ವತಿಡ್ದ್ 2 ಜೋಡು ತಾಳೊನ್ ಅಧ್ಯಕ್ಷೆರ್ ಹಸ್ತಾಂತರ ಮಲ್ತೆರ್.