ಒಡಿಪು, ಜುಲೈ 11: ಐತಾರರ್ದ್ ಒಡಿಪು ಶ್ರೀಕೃಷ್ಣ, ಮುಖ್ಯಪ್ರಾಣೆರ್ನ ದರ್ಶನಗ್ ಭಕ್ತಾದಿಲೆಗ್ ಅವಕಾಶ ಮಲ್ತ್ ಕೊರ್ರೆ ಪರ್ಯಾಯ ಅದಮಾರು ಮಠದ ಶ್ರೀಈಶಪ್ರಿಯ ತೀರ್ಥ ಸ್ವಾಮೀಜಿ ತೀರ್ಮಾನ ಮಲ್ದೆರ್ ಪಂದ್ ಮಠದ ವ್ಯವಸ್ಥಾಪಕೆರಾಯಿನ ಗೋವಿಂದರಾಜ್ ಪ್ರಕಟಣೆಡ್ ಪಂಡೆರ್ .
ಶ್ರೀಕೃಷ್ಣ ಮಠಟ್ ಭಕ್ತೆರ್ನ ಅನುಕೂಲಗಾದ್ ಪರ್ಯಾಯ ಅದಮಾರುಶ್ರೀಲೆನ ಆಶಯದ ಪ್ರಕಾರ ಐತಾರರರ್ದ್ ಶ್ರೀಕೃಷ್ಣ ಭಕ್ತೆರೆಗ್ ದರ್ಶನಗ್ ಅವಕಾಶ ಮಲ್ತ್ ಕೊರೊಂದು ಉಲ್ಲೆರ್ . ಭಕ್ತೆರ್ ಮಧ್ಯಾಹ್ನ 2 ಗಂಟೆರ್ದ್ ಬೈಯ್ಯ 6 ಗಂಟೆ ಮುಟ ಶ್ರೀಕೃಷ್ಣ ಮುಖ್ಯಪ್ರಾಣೆರ್ನ ದರ್ಶನಗ್ ಅನುಕೂಲ ಮಲ್ತ್ ಕೊರೊಂದು ಉಲ್ಲೆರ್ .
ಭಕ್ತೆರ್ ಸಾಕಾರ ಕೊರ್ದು ಮಾಸ್ಕ್ ಪಾರ್ದ್ , ಸುರಕ್ಷತಾ ಅಂತರನ್ ಕಾಪಾಡ್ ದ್ ಶ್ರೀಕೃಷ್ಣ ದರ್ಶನ ಪಡೆದುಯೊಲಿ . ನೆತ್ತ ಒಟ್ಟುಗು ಏರ್ಲ ಉಲಯಿ ನಮಸ್ಕಾರ ಮಲ್ಪಂದೆ ಸಾಕಾರ ಕೊರೊಡು ಪಂದ್ ಶ್ರೀಈಶಪ್ರಿಯ ತೀರ್ಥರು ಆಶಯ ಮಲ್ತೆರ್.
pallavi shetty