ಒಡಿಪು , ಜುಲೈ 10: ಒಡಿಪು ಜಿಲ್ಲಾ ನಾಗರಿಕ ಸಮಿತಿ ಕೊರೊನಾರ್ದ್ ತೀರ್ ಪೋಯಿನ, ಅಪಘಾತ, ಸಹಿತ, ಸೀಕ್ ರ್ದ್ ತೀರ್ ಪೋಯಿನಮೃತಪಟ್ಟಿರುವ 154 ಅನಾಥ ಶವತ ಅಂತ್ಯಸಂಸ್ಕಾರನ್ ಕಾನೂನು ಪ್ರಕ್ರಿಯೆ ನಡತಿ ಬೊಕ್ಕ , ಗೌರಯುತವಾದ್ ಇತ್ತೇ ಮುಟ ನಡಪಾಯೆರ್ . ಶನಿವಾರ ಅಮವಾಸ್ಯೆದ ದಿನ 154 ಅನಾಥ ಆತ್ಮಗ್ ಸದ್ಗತಿ ಪ್ರಾಪ್ತಿಗಾದ್ ಪೆರಂಪಳ್ಳಿ ಶೀಂಬ್ರಾ ಶ್ರೀಸಿದ್ಧಿವಿನಾಯಕ ದೇವಸ್ಥಾನದ ಯಾಗ ಸಭಾಂಗಣಡ್ ಕರಂಬಳ್ಳಿ ನಾಗರಾಜ್ ಐತಾಳ್ ಸಾರಥ್ಯದ ಪುರೋಹಿತ ಕೂಟ ರ್ದ್ , ತಿಲಹೋಮ, ನಾರಾಯಣ ಬಲಿ ಇಂಚಿದ ಧಾರ್ಮಿಕ ಪ್ರಕ್ರಿಯೆ ನಡತುಂಡು. ಸಮಾಜಸೇವಕ ನಿತ್ಯಾನಂದ ಒಳಕಾಡು ಮೆರ್ನ ಮುತಾಲಿಕೆಡ್ ಮಾತಾ ಲೇಸ್ ನಡತುಂಡು . ಪಿಂಡಲೆನ್ ಸುವರ್ಣ ತುದೆತ ಕೃಷ್ಣಾಂಗರಕ ಸ್ನಾನಘಟ್ಟಡ್ ಬುಡಿಯೆರ್ .
ಅಪರ ಜಿಲ್ಲಾಧಿಕಾರಿ ಬಿ. ಸದಾಶಿವ ಪ್ರಭು ಲೇಸ್ಡ್ ಪಾಲ್ ಪಡೆದಿತ್ತೆರ್ . ನಾಗರಿಕ ಸಮಿತಿದಕುಲು , ಸಾರ್ವಜನಿಕ ಜಾಗೆಡ್ ಉಪ್ಪುನ ನಿರ್ಗತಿಕೆರ್ , ಅನಾಥರೆನ್ ಆಸ್ಪತ್ರೆಗ್ ಸೇರವುನ ಸೇವಾಕಾರ್ಯಡ್ ನಿರತವಾದುಂಡು . ವಾರಸುದಾರೆರ್ ಇಜ್ಜಂದಿನ ಅನಾಥ ಶವಕ್ ಅನಾಥಪ್ರಜ್ಞೆ ತೋಜಂದಿಲಕ , ಬಂಧುಲಕ ಅಂತ್ಯಸಂಸ್ಕಾರ ನಡಪಾಯೆರ್ , ಸದ್ಗತಿದ ಸತ್ಕಾರ್ಯ ನಡಪಾಯಿನೆತ್ತ ಬಗ್ಗೆ, ಅಪರ ಜಿಲ್ಲಾಧಿಕಾರಿ ಮೇರ್ , ಮೆಚ್ಚುಗೆ ವ್ಯಕ್ತ ಮಲ್ತೆರ್ .
ಲೇಸ್ ಡ್ ನಗರ ಪೊಲೀಸ್ ಠಾಣೆದ ತನಿಖಾ ಸಹಾಯಕ ವಿಶ್ವನಾಥ್ ಶೆಟ್ಟಿ ಅಮಾಸೆಬೈಲು, ನಾಗರಿಕ ಸಮಿತಿದ ಪದಾಧಿಕಾರಿಲಾಯಿನ ಮುರುಳಿಧರ್ ಬಲ್ಲಾಳ್, ಸ್ವಾತಿ. ಎಮ್ ಬಲ್ಲಾಳ್, ಲಕ್ಷ್ಮೀ ಎಮ್ ಬಲ್ಲಾಳ್, ತಾರಾನಾಥ್ ಮೇಸ್ತ ಶಿರೂರು, ಕೆ. ಬಾಲಗಂಗಾಧರ ರಾವ್, ಪಾಡಿಗಾರ್ ಮುರಳಿಧರ್ ರಾವ್, ಗಣೇಶ್ ರಾಜ್ ಸರಳಬೆಟ್ಟು, ರಾಮದಾಸ್ ಪಾಲನ್, ಸುಶೀಲಾ ರಾವ್ ಒಡಿಪು , ಪಾಲ್ ಪಡೆದಿತ್ತೆರ್.
pallavi shetty