ಒಡಿಪು , ಜುಲೈ 10: ಕೊರೋನ ರಡ್ಡನೆ ಅಲೆತ ಕರಿನ ಮೂಜಿ ತಿಂಗೊಲ್ ದ ಪೊರ್ತುಡು ರಾಜ್ಯದ 20 ಜಿಲ್ಲೆಡ್ ಬೇಲೆ ಮಲ್ದಿನ ಖಾಸಗಿ ಬಸ್ದ ಗುರ್ಕಾರ್ಲೆಗ್ ಸುಮಾರ್ 400 ಕೋಟಿ ರೂ. ನಷ್ಟ ಆತುಂಡು ಪಂದ್ ಕರ್ನಾಟಕ ರಾಜ್ಯ ಮಾಲಕರ ಸಂಘದ ಒಕ್ಕೂಟ ಪಂತುಂಡು .
ಒಡಿಪುಡು ಶುಕ್ರವಾರ ನಡತಿನ ಒಕ್ಕೂಟದ ಪ್ರಥಮ ಸಭೆಟ್ ಪದಾಧಿಕಾರಿಲೆನ ಆಯ್ಕೆ ನಡತಿ ಬೊಕ್ಕ ಲೆತ್ತಿನ ಪತ್ರಿಕಾಗೋಷ್ಠಿಡ್ ಒಕ್ಕೂಟದ ಸುರುತ್ತ ಗುರ್ಕಾರ್ಲಾದ್ ಆಯ್ಕೆ ಆಯಿನ ಒಡಿಪು ಖಾಸಗಿ ಬಸ್ ಮಾಲಕೆರ್ನ ಸಂಘದ ಗುರ್ಕಾರ್ಲಾಯಿನ ಸುರೇಶ್ ನಾಯಕ್ ಕುಯಿಲಾಡಿ ತೆರಿಪಾಯೆರ್ .
ಖಾಸಗಿ ಬಸ್ ರಾಜ್ಯದ 20 ಜಿಲ್ಲೆಡ್ ಬೇಲೆ ಮಲ್ತೊಂದು ಇತ್ತುಂಡು , ಸುಮಾರ್ 8000 ಬಸ್ ಚಾಲನೆಡ್ ಉಂಡು. ಕೊರೋನರ್ದ್ ಕರಿನ ಮೂಜಿ ತಿಂಗೊಲುರ್ದು ಬಸ್ ಮಾರ್ಗಗ್ ಜೈದ್ಜಿ . ನಂಕ್ ನಯಾಪೈಸೆ ಆದಾಯ ಇಜ್ಜಂದೆ ಪೊಂಡಲ ತೆರಿಗೆ ಕಟ್ಟುನ ಕಟ್ಟೋಡೆ ಪಂದ್ ಅಗ್ರಹಾ ಮಲ್ತೆರ್.
ಪತ್ರಿಕಾಗೋಷ್ಠಿಡ್ ಒಕ್ಕೂಟದ ಪೊಸ ತಾದ್ ಆಯ್ಕೆಯಾಯಿನ ಪದಾಧಿಕಾರಿಲಾಯಿನ ಲಿಂಗಾರೆಡ್ಡಿ, ಕೆ.ಕೆ.ಬಾಲಕೃಷ್ಣ ಭಟ್, ವಿಕ್ರಮ್, ಲಕ್ಷ್ಮೀ ನಾರಾಯಣ, ಜಯಪ್ರಕಾಶ್ ಶೆಣೈ, ಮಂಜುನಾಥ, ಕುಮಾರಸ್ವಾಮಿ, ದಿಲ್ರಾಜ್ ಆಳ್ವ, ಸದಾನಂದ ಛಾತ್ರ ಪಾಲ್ ಪಡೆದಿತ್ತೆರ್.
pallavi shetty