ಸುಳ್ಯ,: ಜುಲೈ 5 : ಸಮಾಜಡ್ ಮಾಧ್ಯಮದ ಜವಾಬ್ದಾರಿ ಮಹತ್ತರವಾದುಂಡು . ಪ್ರತಿಯೊಂಜಿ ಮಾಧ್ಯಮದ ಕೂಡ ನಿಸ್ಪಕ್ಷವಾದ್ ಬೊಕ್ಕ ಸ್ಪಷ್ಟವಾದ್ ವರದಿ ಮಲ್ತುಂಡ ಅಂಚಿನ ವರದಿಗ್ ಮಹತ್ವ ಬರ್ಪುಂಡು . ಇಂಚಿನ ವರದಿಲು ಜನಕ್ಲೆನ ವಿಶ್ವಾಸ ಗಳಿಸಾವೊಂದು ಉಲ್ಲೆರ್ . ಜನಪರವಾಯಿನ ವರದಿಗಾರಿಕೆರ್ದ್ ಮಾಧ್ಯಮ ಕ್ಷೇತ್ರ ನನಾತ್ ವಿಸ್ತಾರವಾದ್ ಬೊಕ್ಕ ಪರಿಣಾಮಕಾರಿಯಾದ್ ಬುಳೆಯೆರೆ ಸಾಧ್ಯ ಪಂದ್ ಬಂದರು, ಮೀನುಗಾರಿಕೆ ಬೊಕ್ಕ ಒಳನಾಡು ಜಲಸಾರಿಗೆ ಸಚಿವ ಎಸ್.ಅಂಗಾರ ಪಂಡೆರ್ .
ಮೇರ್ ಸುಳ್ಯ ತಾಲೂಕು ಪಂ. ವತಿರ್ದ್ ಕೊರಿನoಚಿನ ಅಂಬೆಟಡ್ಕದ ನಿವೇಶನಡ್ ಶನಿವಾರ ನೂತನ ಪ್ರೆಸ್ ಕ್ಲಬ್ ಕಟ್ಟಡ ಬೊಕ್ಕ ಪತ್ರಕರ್ತೆನಾ ಸಮುದಾಯ ಭವನಗ್ ಶಿಲಾನ್ಯಾಸ ನೆರವೇರ್ಸಾದ್ ಪಾತೆರಿಯೆರ್ . ಪ್ರೆಸ್ ಕ್ಲಬ್ ಗುರ್ಕಾರ್ಲಾಯಿನ ಹರೀಶ್ ಬಂಟ್ವಾಳ್ ಗುರ್ಕಾರ್ಮೆ ವಹಿಸ್ದಿತ್ತೆರ್ .
ತಾ.ಪಂ.ಮಾಜಿ ಗುರ್ಕಾರ್ಲಾಯಿನ ಚನಿಯ ಕಲ್ತಡ್ಕ, ಸ್ಥಾಯಿ ಸಮಿತಿ ಮಾಜಿ ಗುರ್ಕಾರ್ಲಾಯಿನ ರಾಧಾಕೃಷ್ಣ ಬೊಳ್ಳೂರು, ಜಿಲ್ಲಾ ಪಂಚಾಯತ್ ಮಾಜಿ ಸದಸ್ಯೆರಾಯಿನ ಹರೀಶ್ ಕಂಜಿಪಿಲಿ, ತಾಲೂಕು ಪಂಚಾಯತ್ ವ್ಯವಸ್ಥಾಪಕ ಹರೀಶ್ ರಾವ್ ಮೆರೆಗ್ ಸೊಲ್ಮೆ ಸಂದೈತ ಮಲ್ತೆರ್.
Editorial