ಒಡಿಪು, ಜುಲೈ 4: ಒಡಿಪು ಜಿಲ್ಲಾಡಳಿತಗ್ ಸುಮಾರ್ 27 ಲಕ್ಷ ರೂ. ಮೌಲ್ಯದ 2 ಆಂಬುಲೆನ್ಸ್ ಲೆನ್ ಆನ್ಶೋರ್ ಕನ್ಸ್ಟ್ರಕ್ಷನ್ ಕಂಪೆನಿ ಪ್ರೆ.ಲಿ. ವತಿರ್ದ್ ಕೋಡೆ ಜಿಲ್ಲಾಧಿಕಾರಿ ಕಚೇರಿ ದುಂಬು , ಕಾಣಿಯೂರು ಮಠಾಧೀಶರಾದ ಶ್ರೀವಿದ್ಯಾವಲ್ಲಭ ತೀರ್ಥ ಸ್ವಾಮೀಜಿಲೇನ ಮುತಾಲಿಕೆಡ್ ಜಿಲ್ಲಾಧಿಕಾರಿ ಜಿ ಜಗದೀಶ್ ಮೆರೆಗ್ ಪಟ್ಟಿಯೆರ್ .
ಜಿಲ್ಲಾಧಿಕಾರಿ ಜಿ.ಜಗದೀಶ್ ಪಾತೆರ್ದ್ , ಆಯನ್ಶೋರ್ ಕಂಪನಿ ವತಿರ್ದ್ ಕೊರಿನ ಈ ರಡ್ಡ್ ಆಂಬುಲೆನ್ಸ್ ನ್ ಒಡಿಪು ಬೊಕ್ಕ ಕಾಪು ತಾಲೂಕು ಆರೋಗ್ಯ ಕೇಂದ್ರಗ್ ಕೊರ್ಪ ಪಂದ್ ಪಂಡೆರ್. ಕಂಪೆನಿದ ಗುರ್ಕಾರ್ಲೆಗ್ ಜಿಲ್ಲಾಡಳಿತ ಪರವಾದ್ ಸೊಲ್ಮೆ ಸಂದೈತ ಮಲ್ತೆರ್.
ಲೇಸ್ ಡ್ ಒಡಿಪು ಶಾಸಕ ಕೆ.ರಘುಪತಿ ಭಟ್, ಕಾಪು ಶಾಸಕ ಲಾಲಾಜಿ ಆರ್ ಮೆಂಡನ್, ಕರಾವಳಿ ಅಭಿವೃದ್ಧಿ ಪ್ರಾಧಿಕಾರದ ಗುರ್ಕಾರ್ಲಾಯಿನ ಮಟ್ಟಾರು ರತ್ನಾಕರ ಹೆಗ್ಡೆ, ಅಪರ ಜಿಲ್ಲಾಧಿಕಾರಿ ಸದಾಶಿವ ಪ್ರಭು, ಡಿಹೆಚ್ಓ ಡಾ.ನಾಗಭೂಷಣ ಉಡುಪ, ಆಯನ್ಶೋರ್ ಕನ್ಸ್ಟ್ರಕ್ಷನ್ ಕಂಪನಿದ ಹರೀಶ್ ಶೆಟ್ಟಿ, ಜಿಲ್ಲಾ ಸರಕಾರಿ ನೌಕರರ ಸಂಘದ ಗುರ್ಕಾರ್ಲಾಯಿನ ಸುಬ್ರಹ್ಮಣ್ಯ ಶೇರಿಗಾರ್ ಪಾಲ್ ಪಡೆದಿತ್ತೆರ್.
pallavi shetty