ಉಜಿರೆ ಆಶ್ರಮಗ್ ಪಿರ ಪೋಯಿನ ಪ್ರಾಯದಕುಲು

ಉಜಿರೆ, ಜೂನ್ 21: ಅನ್ನದಾನ, ವಿದ್ಯಾದಾನ, ಔಷಧ ದಾನಡ್ ಪುದರ್ ಮಲ್ದಿನ ಧರ್ಮಸ್ಥಳ ಕ್ಷೇತ್ರ ಕೋವಿಡ್ ಸಂಕಷ್ಟಡ್ಲಾ ಜನಕ್ಲೆಗ್ ಸಾಕಾರ ಕೊರ್ತುಂಡು.

ಆರೋಗ್ಯ ಇಲಾಖೆದ ಒಟ್ಟು ಸೇರಿಗೆಡ್ ಧರ್ಮಸ್ಥಳದ ರಜತಾದ್ರಿ ವಸತಿ ಗೃಹಟ್ ಸುರು ಆಯಿನ ಕೋವಿಡ್ ಆರೈಕೆ ಕೇಂದ್ರ ಸೋಂಕಿತೆರ್ನ ಪೋಡಿಗೆ ದೂರ ಮಲ್ತ್ , ಧೈರ್ಯ ಬೊಕ್ಕ ಆತ್ಮವಿಶ್ವಾಸನ್ ಮೂಡಾದೆರ್ .300 ಕೊಠಡಿಲು , 600 ಹಾಸಿಗೆ ಉಪ್ಪುನ ವಸತಿಗೃಹನ್ ಕೋವಿಡ್ ಆರೈಕೆ ಕೇಂದ್ರಗ್ ದರ್ಮೊಗೂ ಕೊರ್ತೆರ್ . ನೆರಿಯಾ ಗ್ರಾಮದ ಗಂಡಿಬಾಗಿಲು ಸಿಯೋನ್ ಆಶ್ರಮಡ್ ಕೋವಿಡ್ ಆಯಿನ 120 ಆಂಜೊವುಲು ಬೊಕ್ಕ 86 ಪೊಂಜೊವುಲು ಸೇರಿನoಚ ಒಟ್ಟು 206 ಜನ ಈ ಕೇಂದ್ರಡ್ ಶುಶ್ರೂಷೆ ಪಡೆದ್ ಹುಷಾರ್ ಆದ್ ಕುಡ ಇನಿ ಆಶ್ರಮಗ್ ಪೋಯೆರೆ ಉಲ್ಲೆರ್.