ಕುಡ್ಲ,ಮಾರ್ಚ್ 30:ಕಬ್ಬಿನಾಲೆಡ್ ತುಳು ಲಿಪಿ ಪುದರ್ ಪಲವೆ,ತುಳುಲಿಪಿತ ಜರ್ಸಿ ನ್ ನಮತುಳುವೆರ್ ಕಬ್ಬಿನಾಲೆ ಕೂಟ ದಕುಲು ಬುಡುಗಡೆ ಮಲ್ತೆರ್.ತುಳು ಲಿಪಿ ಪುದರ್ ಪಲವೆನ್ ಉದಿಪನ ಮಲ್ತಿನ ದೇವಸ್ಥಾನದ ಅರ್ಚಕೆರಾಯಿನ ಶ್ರೀ ಸುಪ್ರಸನ್ನ ಭಟ್ ನಮತುಳುವೆರ್ ಕಬ್ಬಿನಾಲೆ ಕೂಟದ ತುಳುಸೇವಾ ಕಾರ್ಯಗ್ ಎಡ್ಡೆಪ್ಪುನು ಬಯಕಿಯೆರ್. “ಪಿರಾಕ್ ದ ಕಾಲಡ್ ತುಳುಲಿಪಿಟ್ ಇತ್ತಿನ ಪೌರೋಹಿತ್ಯ ವೇದ ಉಪನಿಷತ್ತನ್ ಕ್ರಮೇಣ ಸಂಸ್ಕೃತ ಭಾಷೆಗ್ ಮಾರ್ಪಾಡು ಮಲ್ತ್ ದ್ ನನ ದುಂಬು ತುಳುಲಿಪಿತ ಎಚ್ಚ ಕಾರ್ಯ ಆವಡ್ ಪಂದ್ ತುಳುಲಿಪಿತ ಬುಲೆಚ್ಚಿಲ್ ಗ್ ಶ್ರೀದೇವೆರ್ಡ ಪ್ರಾರ್ಥನೆ ಮಲ್ತೆರ್.
ಈ ಲೇಸ್ ಡ್ ರಾಜ್ಯ ಸಂಪನ್ಮೂಲ ವ್ಯಕ್ತಿಯಾಯಿನ ಸೀತಾರಾಮ ಹೆಬ್ಬಾರ್ ಪಾತೆರ್ದ್ ಗ್ರಾಮೀಣ ಪ್ರದೇಶದ ನಮ ತುಳುವೆರ್ ಸಂಘದ ಈ ಕಾರ್ಯ ರಾಜ್ಯಗ್ ಮಾದರಿ ಆವೊಡು, ತುಳು ಭಾಷೆ ಎನ್ಮನೆ ಪರಿಚ್ಛೇದಗ್ ಸೇರೋಡು, ತುಳು ಭಾಷೆಗ್ ಮಾನ್ಯತೆ ತಿಕ್ಕರೆ ನಮ ರಾಜ್ಯ – ರಾಷ್ಟಮಟ್ಟದ ಹೋರಾಟ ಮಲ್ಪೊಡು. ಸಾಮಾಜಿಕ ಜಾಲತಾಣದ ಆಂದೋಲೋನಗ್ ಬೆಂಬಲ ಕೊರೊಡು ಪಂದ್ ಪಂಡೆರ್.
ಈ ಲೇಸ್ ಡ್ ಮುದ್ರಾಡಿ ಗ್ರಾಮ ಪಂಚಾಯತ್ ಸದಸ್ಯೆರಾಯಿನ ಶ್ರೀ ಪಲ್ಲವಿ ಎಸ್ ಹೆಬ್ಬಾರ್,ಶ್ರೀ ಸೀತಾರಾಮ ಹೆಬ್ಬಾರ್ ರಾಜ್ಯ ಸಂಪನ್ಮೂಲ ವ್ಯಕ್ತಿ ಕಬ್ಬಿನಾಲೆ,ಶ್ರೀ ಸುಧೀರ್ ಹೆಬ್ಬಾರ್ ಮಾಜಿ ಗ್ರಾಮ ಪಂಚಾಯಿತಿ ಸದಸ್ಯೆರ್,ಶ್ರೀ ಪರಮೇಶ್ವರ ಹೆಬ್ಬಾರ್ ಆಡಳಿತ ಮಂಡಳಿದ ಸದಸ್ಯೆರ್
ಶ್ರೀ ಮೋಹನ್ ಹೆಬ್ಬಾರ್ ಕೇಮ್ಮೊಳಿ,ನಮ ತುಳುವೇರ್ ಕಬ್ಬಿನಾಲೆ ಕೂಟದ ಸದಸ್ಯೆರ್ ಬೊಕ್ಕ ಗ್ರಾಮಸ್ಥೆರ್ ಪಾಲ್ ಪಡೆದಿತ್ತೆರ್.ಅಶೋಕ್ ಕಬ್ಬಿನಾಲೆ ಸೊಲ್ಮೆ ಸಂದೈತ ಮಲ್ತೆರ್.
pallavi shetty