ಕಾಪು ಶ್ರೀ  ಮಾರಿಗುಡಿ ದೇವಸ್ಥಾನ ಡ್ ‘ಶಿಲಾ ಸೇವೆ’

ಕಾಪು : ಸುಮಾರ್ 35 ಕೋಟಿ ರೂಪಾಯಿಡ್ ಕಟ್ಟೊಂದು ಉಪ್ಪುನ ಕಾಪು ಸಾವಿರ ಸೀಮಿದ ಗುರ್ಕಾರ್ದಿ ಕಾಪು ಶ್ರೀ ಹೊಸ ಮಾರಿಗುಡಿ ದೇವಸ್ಥಾನ ಶಿಲಾಮಯ ದೇಗುಲಗ್ ಶಿಲಾ ಸೇವೆದ ಮುಖೇನ ದೇಣಿಗೆ ಕೊರ್ಪಿನ ಉದ್ದೇಶಡ್ ಮಾ. 23 ತಾರೀಖ್ ಗ್ ‘ಶಿಲಾ ಸೇವೆ’ ಅರ್ಪಣಾ ಲೇಸ್ ನಡಪರೆ ಉಂಡು .

ದೇವಸ್ಥಾನದ ಸಭಾಂಗಣಡ್ ಐತಾರ ನಡತಿನ ಸುದ್ದಿಗೋಷ್ಠಿಡ್ ಪಾತೆರಿನ ಶ್ರೀ ಹೊಸ ಮಾರಿಗುಡಿ ದೇವಸ್ಥಾನ ಅಭಿವೃದ್ಧಿ ಸಮಿತಿದ ಗುರ್ಕಾರ್ಲಾಯಿನ ಕೆ. ವಾಸುದೇವ ಶೆಟ್ಟಿ ಈ ಬಗ್ಗೆ ಮಾಹಿತಿ ಕೊರಿಯೆರ್ .

ಕಾಪು ಹೊಸ ಮಾರಿಗುಡಿ ದೇವಸ್ಥಾನನ್ ಸಮಗ್ರ ಜೀರ್ಣೋದ್ಧಾರ ಮಲ್ಪುನ ನೆಲೆಟ್ಟ್ ಅಭಿವೃದ್ಧಿ ಸಮಿತಿ ಅಮ್ಮನ ಭಕ್ತ ಕೂಟನ್ ಒಟ್ಟು ಸೇರಾವೊಂದುಇತ್ತೆ ಬೇಲೆ ಮಲ್ತೊಂದು ಉಲ್ಲೆರ್ . 2019 ನೇ ಜ. 23 ತಾರೀಖ್ ಗ್ ಪೇಜಾವರ ಪೆರಿಯಾ ಶ್ರೀಲೆನ ದಿವ್ಯ ಹಸ್ತಡ್ ಗಣ್ಯೆರ್ನ ಒಟ್ಟು ಸೇರಿಗೆಡ್ ನಿಧಿಕುಂಭ ಸ್ಥಾಪನೆ ಮಲ್ತೆರ್ .