ಕಿದಿಯೂರು ನಾಗಮಂಡಲ ಉಚ್ಚಯದ ಲೆಕ್ಕೊಡು ಗಂಗರಾತಿ

ಒಡಿಪು: ಕಿದಿಯೂರು ನಾಗಮಂಡಲ ಉಚ್ಚಯದ ಲೆಕ್ಕೊಡು ಪವಿತ್ರ ಗಂಗಾರತಿ ನಡತ್ಂಡ್.

ಕಿದಿಯೂರು ನಾಗನ ಸನ್ನಿಧಾನಡ್ ವಾರಣಾಸಿರ್ದ್ ಬತ್ತಿನ ಅರ್ಚಕೆರ್ ಶಾಸ್ತ್ರೋತ್ರವಾದ್ ಆರತಿನ್ ಮಲ್ತೆರ್. ಸುರುಟ್ಟ್ ನಾಗದೇವೆರೆಗ್ ಇಸೇಸ ಧೂಪಸೇವೆ ನಡಪಾದ್, ಬೊಕ್ಕ ಗಂಗೆನ ತಟಡ್ ನಡಪುನ ಮಾದರಿದ ಆರತಿನ್ ನಾಗದೇವೆರೆನ ಸನ್ನಿಧಾನದ ಎದುರುಡು ಮಲ್ತೆರ್.

ನಾಗ ದೇವೆರೆನ ಸನ್ನಿಧಾನಡ್ ಇಸೇಸವಾದ್ ರಚನೆ ಮಲ್ತಿನ ಬೇತೆ ಬೇತೆ ವೇದಿಕೆಡ್ ವಾರಾಣಾಸಿರ್ದ್ ಬತ್ತಿನ ಅರ್ಚಕ ವೃಂದದಕುಲು ಆರತಿ ಬೆಳಗಾಯೆರೆ ವ್ಯವಸ್ಥೆ ಮಲ್ತೆರ್. ಆಕರ್ಷ, ಸಾಮೂಹಿಕ ಗಂಗಾರತಿನ್ ಸಾರರ್ದ್ ಎಚ್ಚ ಜನ ಕಣ್ಣ್ ದೀಂಜಾಯೆರ್. ಜನವರಿ 26 ರ್ದ್ ವಿದ್ವಾಂಸೆರ್ ಕಬಿಯಾಡಿ ಜಯರಾಮ ಆಚಾರ್ಯ ಮುತಾಲಿಕೆಡ್ ಬೇತೆ ಬೇತೆ ಧಾರ್ಮಿಕ ಲೇಸ್ ಲು ನಡತೊಂದು ಉಂಡು. ಭುವನೇಂದ್ರ ಕಿದಿಯೂರು ಕುಟುಂಬ ಸಂಪೂರ್ಣ ಸೇವೆ ಮಲ್ಪವೊಂದು ಉಲ್ಲೆರ್. ಸ್ವಾಗತ ಸಮಿತಿ, ಸಾರ್ವಜನಿಕೆರೆನ ಸಹಕಾರರ್ದ್ ಇನಿ ಅಷ್ಟಪವಿತ್ರ ನಾಗಮಂಡಲ ನಡಪರೆ ಉಂಡು.