ಏಳಿಂಜೆ ಶ್ರೀ ಆದಿ ಜಾರಂದಾಯ ಬಂಟ ದೈವೊಲ್ಯಡ್ ಗೌಜಿದ ಬ್ರಹ್ಮಕುಂಭಾಭಿಷೇಕ

ಮುಲ್ಕಿ: ಕಿನ್ನಿಗೋಳಿ ಕೈತಲ್ದ ಏಳಿಂಜೆ ಶ್ರೀ ಆದಿ ಜಾರಂದಾಯ ಬಂಟ ದೈವೊಲ್ಯಡ್ ಶ್ರೀ ಚಾರಂದಾಯ ಬೊಕ್ಕ ಬಂಟ ದೈವೊಲೆನ ಪುನರ್ ಪ್ರತಿಷ್ಠೆ ಬೊಕ್ಕ ಬ್ರಹ್ಮ ಕುಂಭಾಭಿಷೇಕ ಕ್ಷೇತ್ರದ ಆಸ್ರಣ್ಣೆರಾಯಿನ ವೈವಿ ಗಣೇಶ್ ಭಟ್ ಮುತಾಲಿಕೆಡ್ ಜ.15 ಸೋಮಾರ ಗೌಜಿಡ್ ನಡತ್ಂಡ್.

ಧಾರ್ಮಿಕ ಲೇಸ್ ದ ಲೆಕ್ಕೊಡು ಜ.14 ಐತಾರ ಶ್ರೀ ಕ್ಷೇತ್ರಗ್ ದೈವೊದ ಭಂಡಾರ ಬತ್ತ್ಂಡ್. ಬೊಕ್ಕ ಪ್ರಾರ್ತನೆ, ನವಕ ಕಲಶಾಭಿಷೇಕ, ಮಹಾಪೂಜೆ ನಡತ್ಂಡ್.

ಜ.15 ಕ್ಕ್ ಬೊಲ್ಪುಗು ಶ್ರೀ ಜಾರಂದಾಯ ಬಂಟ ದೈವೊಲೆಗ್ ಬ್ರಹ್ಮ ಕುಂಭಾಷೇಕ, ಮಧ್ಯಾಹ್ನ ಅನ್ನ ಪ್ರಸಾದ ಸೇವೆ, ರಾತ್ರೆ ಚೌತಿ ಪರ್ಬ ಬೊಕ್ಕ ದೈವೊದ ದರ್ಶನ ದೀಪಾರಾಧನೆ ಬಲಿ, ದೈವೊದ ಗಗ್ಗರ ಸೇವೆ, ಶ್ರೀ ಜಾರಂದಾಯ ಬಂಟ ದೈವೊಲೆನ ದರ್ಶನ ಬಂಡಿ ಬಲಿ ನೇಮೋಚ್ಚಯ ನಡತ್ಂಡ್.

ಈ ಪೊರ್ತುಡು ವಿದ್ವಾನ್ ವರುಣ್ ಭಟ್, ಕ್ಷೇತ್ರದ ಆಡಳಿತ ಮೊಕ್ತೇಸರೆರ್ ಸದಾನಂದ ಎಂ ಶೆಟ್ಟಿ, ಗುತ್ತಿನಾರ್ ಬಾಲಕೃಷ್ಣ ಶೆಟ್ಟಿ ಏಳಿಂಜೆ ಅಂಗಡಿಗುತ್ತು ಬೊಕ್ಕ ಭಕ್ತೆರ್ ಪಾಲ್ ಪಡೆದಿತ್ತೆರ್.